സംരക്ഷണ ഭിത്തി അപകടാവസ്ഥയിലായത് വിദ്യാർത്ഥികളടക്കമുള്ള കാൽനട യാത്രക്കാരെ ഭീതിയിലാക്കുന്നു. നിലയ്ക്കാമുക്ക് കടയ്ക്കാവൂർ പ്രധാന പാതയിൽ സ്ഥിതിചെയ്യുന്ന കടയ്ക്കാവൂർ പോലീസ് സ്റ്റേഷന്റെ സംരക്ഷണ ഭിത്തിയാണ് (മതിൽ) കാലപ്പഴക്കത്താൽ അപകടാവസ്ഥയിൽ ആയിരിക്കുന്നത്.
നിലവിൽ മതിലിന്റെ പലഭാഗങ്ങളിലും റോഡ്ന്റെ വശത്തേയ്ക്ക് ചരിഞ്ഞ അവസ്ഥയിലാണ്. അടിസ്ഥാനത്തിനും കാര്യമായ ബലക്ഷയമുണ്ട് ഇത് സമീപത്ത് സ്ഥിതി ചെയ്യുന്ന പ്രമുഖ വിദ്യാലയത്തിലെ നൂറുകണക്കിന് വിദ്യാർത്ഥികളടക്കമുള്ളവരെയും ദിനംപ്രതി സഞ്ചരിക്കുന്ന കാൽനട യാത്രക്കാരെയും ഭീതിയിലാക്കിയിരിക്കുന്നത്.
ആഴ്ചകൾക്ക് മുൻപ് ഭിത്തിയിൽ ചായം പൂശി ബോധവതകർണ വാചകൾ എഴുതി മോടിപിടിപ്പിച്ചെങ്കിലും മതിലിന്റെ അപകടാവസ്ഥ അധികൃതർ അറിഞ്ഞമട്ടില്ല. ഇത് അപകടം ക്ഷണിച്ചുവരുത്തിയെക്കാമെന്നാണ് നാട്ടുകാർ പറയുന്നത്. എത്രയും പെട്ടെന്ന് തന്നെ മതിലിന്റെ അപകടസ്ഥിതിക്ക് പരിഹാരം കാണുവാൻ കഴിഞ്ഞില്ലെങ്കിൽ മഴയും കാറ്റും ശക്തി പ്രാപിയ്ക്കുന്ന നിലവിലെ സാഹചര്യം ഈ അശ്രദ്ധയെ ദുരന്തത്തിലേയ്ക്ക് നയിച്ചേക്കാം.
