തൃശൂര്: വിദ്യാര്ഥിനിക്ക് നേരെ പൊലീസുകാരന് ലൈംഗികാതിക്രമം നടത്തിയെന്ന് പരാതി. മലക്കപ്പാറ പൊലീസ് സ്റ്റേഷനിലെ സിപിഒ ഷാജുവിനെതിരെയാണ് പരാതി. മുന് സ്റ്റുഡന്റ് പൊലീസ് കേഡറ്റായിരുന്ന വിദ്യാര്ഥിനിയ്ക്ക് നേരെയാണ് ഇയാള് ലൈംഗിക അതിക്രമം കാട്ടിയത്.
ചാലക്കുടി കെഎസ്ആര്ടിസി ബസ് സ്റ്റാന്റില് വച്ച് ഷാജു മോശമായി പെരുമാറിയെന്നാണ് വിദ്യാര്ഥിനിയുടെ പരാതി. ഇന്നലെ ഉച്ചയ്ക്ക് 2.30നാണ് സംഭവം നടക്കുന്നത്. വിദ്യാര്ഥിനി കോയമ്പത്തൂരിലേക്ക് പോകാനായി ബസ് സ്റ്റാന്റിലെത്തിയപ്പോഴായിരുന്നു സംഭവം. അപമര്യാദയായി പെരുമാറുകയും തുടര്ന്ന് കുട്ടി ഒച്ചവച്ചു.കുട്ടി കരയുന്നത് കേട്ട് ആളുകള് ശ്രദ്ധിക്കാന് തുടങ്ങിയപ്പോള് ഇയാള് ഒരു ഓട്ടോറിക്ഷയില് കയറി രക്ഷപ്പെടാന് ശ്രമിച്ചു. നാട്ടുകാര് ചേര്ന്ന് ഇയാളെ പിടിച്ചുനിര്ത്തുകയായിരുന്നു. നാട്ടുകാര് തന്നെയാണ് ചാലക്കുടി പൊലീസിനെ വിളിച്ചുവരുത്തി ഇയാളെ കൈമാറിയത്. ഷാജുവിനെതിരെ പോക്സോ ഉള്പ്പെടെയുള്ള വകുപ്പുകള് ചുമത്തിയേക്കും.
