ശ്രീനാരായണ ഭക്തന്മാരുടെ ആഗ്രഹപ്രകാരവും ശിവഗിരി തീര്ത്ഥാടനത്തിന്റെ വൈപുല്യതകൊണ്ടും ഇക്കൊല്ലവും തീര്ത്ഥാടനം ഡിസംബര് 15 മുതല് ജനുവരി 5 വരെ നീട്ടിയിരിക്കുകയാണ്. തീര്ത്ഥാടകരെ സ്വീകരിക്കുവാന് ശിവഗിരി ഒരുങ്ങിക്കഴിഞ്ഞിരിക്കുകയാണ്. ഡിസംബര് 15 മുതല് ഗുരുദേവ കൃതികളേയും തീര്ത്ഥാടന ലക്ഷ്യങ്ങളേയും ആസ്പദമാക്കി സന്യാസിവര്യന്മാരുടെയും ആചാര്യന്മാരുടേയും പ്രഭാഷണങ്ങള് സംഘടിപ്പിച്ചിട്ടുണ്ട്. കൂടാതെ ദിവസവും പ്രഭാതത്തില് ഗുരുദേവന് വിശ്രമിച്ചിരുന്ന പര്ണ്ണശാലയില് വച്ച് ശാന്തിഹോമ മഹായജ്ഞവും ശാരദാമഠത്തിലും മഹാ സമാധിയിലും വിശേഷാല് ഗുരുപൂജയും ശാശ്വത മഹാഗുരുപൂജയും നടത്തപ്പെടുന്നു.
