വിശാഖപട്ടണം: രണ്ടാം ക്രിക്കറ്റ് ടെസ്റ്റില് ഇംഗ്ലണ്ടിനെ 106 റണ്സിന് തോല്പ്പിച്ച് അഞ്ച് മത്സര പരമ്പരയില് ഇന്ത്യ ഒപ്പമെത്തി(1-1). 399 റണ്സ് വിജയലക്ഷ്യം പിന്തുടര്ന്ന ഇംഗ്ലണ്ട് നാലാം ദിനം 292 റണ്സിന് ഓള് ഔട്ടായി. 78 റണ്സെടുത്ത സാക്ക് ക്രോളിയാണ് ഇംഗ്ലണ്ടിന്റെ ടോപ് സ്കോറര്. ഇന്ത്യക്കായി ജസ്പ്രീത് ബുമ്രയും അശ്വിനും മൂന്ന് വിക്കറ്റ് വീതം വീഴ്ത്തി.
സ്കോര്:
ഇന്ത്യ 396, 255
ഇംഗ്ലണ്ട് 255, 292
പരമ്പരയിലെ മൂന്നാം ടെസ്റ്റ് 15ന് രാജ്കോട്ടില് നടക്കും.
ജയത്തോടെ ലോക ടെസ്റ്റ് ചാമ്പ്യൻഷിപ്പ് പോയന്റ് ടേബിളില് ഇന്ത്യ രണ്ടാം സ്ഥാനത്തേക്ക് ഉയര്ന്നു. ദക്ഷിണാഫ്രിക്ക മൂന്നാമതും ന്യൂസിലന്ഡ് നാലാമതും ബംഗ്ലാദേശ് അഞ്ചാമതുമാണ് പോയന്റ് ടേബിളിൽ.
