ആറ്റിങ്ങൽ: ആറ്റിങ്ങൽ കലാപത്തിന്റെ മുന്നൂറാം വർഷികാഘോഷത്തോടനുബന്ധിച്ച് തപസ്യ കലാസാഹിത്യ വേദി ആറ്റിങ്ങൽ യൂണിറ്റിന്റെ ആഭിമുഖ്യത്തിൽ വിപുലമായ ആഘോഷ പരിപാടികൾ നടത്തുന്നു. ഇതിന്റെ ഭാഗമായി ഒക്ടോബർ 17 ഞായറാഴ്ച്ച ആറ്റിങ്ങൽ വീരകേരളപുരം ക്ഷേത്രം ഹാളിൽ വച്ച് ഉച്ചക്ക് 2:30ന് ചരിത്രസെമിനാർ സംഘടിപ്പിക്കും. ICHR അംഗം ഡോ.സി ഐ ഐസക് സെമിനാർ ഉദ്ഘാടനം ചെയ്യും. പ്രശസ്ത ചരിത്രകാരൻ ഡോ.ടി പി ശങ്കരൻകുട്ടി സെമിനാറിൽ മുഖ്യപ്രഭാഷണം നടത്തും.
ആറ്റിങ്ങൽ കലാപത്തിന്റെ ചരിത്രം രചിച്ച കെ മോഹൻലാൽ എന്നിവർ ചടങ്ങിൽ പ്രഭാഷണം നടത്തും. തപസ്യകലാ സാഹിത്യ വേദി സംസ്ഥാന സെക്രട്ടറി തിരൂർ രവീന്ദ്രൻ, രാഷ്ട്രീയ സ്വയംസേവക സംഘം ജില്ലാ പ്രചാർ പ്രമുഖ് വി സി അഖിലേഷ്, ചിത്രകാരൻ കൊളാഷ് സുരേഷ് തുടങ്ങിയവർ ചടങ്ങിൽ പങ്കെടുക്കും.
ആറ്റിങ്ങൽ കലാപത്തിന്റെ ചരിത്രത്തിൽ ഗവേഷണം നടത്തിയവരും പുസ്തകരചന നടത്തിയവരുമായ പ്രമുഖ വ്യക്തികളെയും ആറ്റിങ്ങലിലെ കലാസാഹിത്യ സംസ്കാരിക മേഖലകളിൽ വ്യക്തി മുദ്ര പതിപ്പിച്ചവരെയും ചടങ്ങിൽ ആദരിക്കും.
