ന്യൂഡല്ഹി: യുപിഐ ഇടപാടുകള്ക്ക് ചാര്ജ് ചുമത്താന് പോകുന്നു എന്ന അഭ്യൂഹങ്ങള് തള്ളി റിസര്വ് ബാങ്ക്. യുപിഐ ഇടപാടുകള്ക്ക് ചാര്ജ് ചുമത്താന് നിലവില് നിര്ദേശമൊന്നുമില്ലെന്ന് ആര്ബിഐ ഗവര്ണര് സഞ്ജയ് മല്ഹോത്ര പറഞ്ഞു. ഡിജിറ്റല് പേയ്മെന്റുകള്ക്ക് ഭാവിയില് ചാര്ജ് ചുമത്തുമെന്ന അഭ്യൂഹങ്ങള് തള്ളി, നിലവിലെ നയത്തിന് കീഴില് ഉപയോക്താക്കള്ക്ക് യുപിഐ സൗജന്യമായി ഉപയോഗിക്കുന്നത് തുടരാമെന്നും അദ്ദേഹം മാധ്യമങ്ങളോട് പറഞ്ഞു.
യുപിഐ എന്നന്നേക്കുമായി സൗജന്യമായി തുടരില്ലെന്നും അദ്ദേഹം സമ്മതിച്ചു. എന്നിരുന്നാലും, ഇപ്പോള് മാറ്റങ്ങളൊന്നും കൊണ്ടുവരുന്നില്ലെന്നും അദ്ദേഹം പറഞ്ഞു.
