കുപ്രസിദ്ധ ഗുണ്ട വാള ബിജു കല്ലമ്പലം പോലീസിന്റെ പിടിയിലായി. കെട്ടിടത്തിന്റെ മുകളിൽ നിന്നും വീണ് നട്ടെല്ല് തകർന്ന കല്ലമ്പലം ചിറ്റായിക്കോട് സ്വദേശിയായ അനിൽകുമാർ( 50 ) നെ വീട്ടിൽ കയറി അതിക്രൂരമായി മർദ്ദിച്ചതിനാണ് അറസ്റ്റ്.
കഴിഞ്ഞ ദിവസം ആയിരുന്നു കേസിന് ആസ്പദമായ സംഭവം. അനിൽകുമാറുമായി കഴിഞ്ഞദിവസം വാക്ക് തർക്കം ഉണ്ടായിരുന്നു. ഇതിന്റെ വൈരാഗ്യം ആണ് വീട്ടിൽ അതിക്രമിച്ച് കയറിയാണ് മർദ്ധിച്ചത്. വധശ്രമം, ബോംബെറ്, പിടിച്ചുപറി എന്നീ കേസുകളിൽ പ്രതിയാണ് ബിജു. കേസിന്റെ കൂടുതൽ അന്വേഷണം പുരോഗമിക്കുന്നു.
