അഴൂര് ഗാന്ധിസ്മാരകം ജനകീയ കൂട്ടായ്മയുടെ ആഭിമുഖ്യത്തില് ഗാന്ധിസ്മാരകം വോളിബോള് ഗ്രൗണ്ടില് നടന്ന രണ്ടാമത് വോളിബോള് ടൂര്ണമെന്റ് സമാപിച്ചു. ഗ്രാമപ്പഞ്ചായത്ത് പ്രസിഡന്റ് ആര്. അനില് ഉദ്ഘാടനം ചെയ്തു. ജി.എസ്.ജെ.കെ രക്ഷാധികാരി എ.ആര് നിസാര് അധ്യക്ഷനായി. കേരളത്തിലെ പതിനാറ് ടീമുകള് പങ്കെടുത്ത ടൂര്ണമെന്റീല് ജി.എസ്.ജെ.കെ വിജയികളായി.
പാടിക്കവിളാകം കെ.ബി.എ.എസ്.സി രണ്ടാം സ്ഥാനം നേടി. വിജയികള്ക്ക് ചിറയിന്കീഴ് സര്ക്കിള് ഇന്സ്പെക്ടര് ജി.ബി മുകേഷ്, ബി. മനോഹരന് എന്നിവര് ട്രോഫികളും, കാഷ് അവാര്ഡും വിതരണം ചെയ്തു. ബ്ലോക്ക് പഞ്ചായത്ത് അംഗം കെ.എസ് അജിത് കുമാര്, പഞ്ചായത്ത് അംഗങ്ങളായ എസ്.വി അനിലാല്, കെ.ഓമന, ജയകുമാര്, മാടന്വിള നൗഷാദ്, ആര്.സുകു, എസ്. മഹേശ്വരന്, അബ്ദുള് റഷീദ്, വോളിബോള് ക്ലബ് ഭാരവാഹികളായ എസ്.സുജിത്, എ. മുജീബ്, എ.അഷ്റഫ്, രാജേഷ്, ഷാഫി തുടങ്ങിയവര് സംസാരിച്ചു.
