‘കരുത്തും കരുതലും’ എന്ന വെൽനെസ് പ്രോഗ്രാമിന് തുടക്കമാകും

തിരുവനന്തപുരം ഡയറ്റിലേയും ജില്ലയിലെ ഐ ടി ഐകളിലെയും അധ്യാപക വിദ്യാർത്ഥികളുടെ ആരോഗ്യ സംരക്ഷണം ലക്ഷ്യമിട്ടുകൊണ്ട് ഒക്ടോബർ 11 ന് രാവിലെ 10 മണിയ്ക്ക് ആറ്റിങ്ങൽ ഡയറ്റ് കോൺഫെറെൻസ് ഹാളിൽ ‘കരുത്തും കരുതലും’ എന്ന
വെൽനെസ് പ്രോഗ്രാമിന് തുടക്കം കുറിയ്ക്കും. നഗരസഭാ ചെയർപേഴ്സൺ അധ്യക്ഷത വഹിക്കുന്ന ചടങ്ങ് ആറ്റിങ്ങൽ എം എൽ എ ഒ എസ് അംബിക ഉദ്ഘാടനം നിർവഹിക്കും. തിരുവനന്തപുരം ഡയറ്റ് ലക്ചറർ അജികുമാർ. ടി പദ്ധതി വിശദീകരണം നടത്തും. ആറ്റിങ്ങൽ മുനിസിപ്പൽ വൈസ് ചെയർമാൻ ജി തുളസീധരൻ പിള്ള, തിരുവനന്തപുരം ഡയറ്റ് പ്രിൻസിപ്പൽ ഇൻചാർജ് ഡോ. ടി.ആർ ഷീജാകുമാരി തുടങ്ങിയ വിശിഷ്ടാതിഥികൾ പങ്കെടുക്കും.