ആറ്റിങ്ങൽ: ജൂലൈ 21 ചാന്ദ്രദിനവുമായി ബന്ധപ്പെട്ട് വൈ.എൽ.എം. യു.പി. എസിൽ “തിങ്കൾ തിളക്കം’എന്ന പേരിൽ ദിനാചരണം നടക്കുകയുണ്ടായി. സയൻസ് ക്ലബ്ബിന്റെ ആഭിമുഖ്യത്തിൽ ചാന്ദ്രദിന ഗാനം, ബഹിരാകാശ യാത്രികരെ പരിചയപ്പെടൽ, സൗരയൂഥ സ്കിറ്റ്, ചാന്ദ്രദിന നൃത്തങ്ങൾ, തുടങ്ങി വ്യത്യസ്തമാർന്നതും കൗതുകകരവുമായ വിവിധ പരിപാടികൾ സംഘടിപ്പിച്ചു.
ചാന്ദ്രദിനവുമായി ബന്ധപ്പെട്ട പ്രത്യേക അസംബ്ലിയിൽ സീനിയർ അധ്യാപകനായ രഘുനാഥശർമ, സ്കൂൾ മാനേജർ എ.എ ഹമീദ്, അധ്യാപകനായ ജമീൽ എന്നിവർ ആശംസ അർപ്പിച്ചു. സ്റ്റാഫ് സെക്രട്ടറി അൽത്താഫ് ചടങ്ങിന് നന്ദി പ്രകാശിപ്പിച്ചു. തുടർന്ന് കുട്ടികൾക്ക് വേണ്ടി ഡോക്യൂമെൻട്രി അവതരണവും പ്രദർശനവും നടത്തുകയുണ്ടായി.
