മദ്യപിച്ച് ഡ്രൈവിങ്; കൊച്ചിയില്‍ യുവാവിനെ നാട്ടുകാര്‍ പിടികൂടി പൊലീസില്‍ ഏല്‍പ്പിച്ചു

Nov 21, 2026

കൊച്ചി: കൊച്ചിയില്‍ മദ്യപിച്ച് അപകടകരമായ രീതിയില്‍ വാഹനം ഓടിച്ച യുവാവ് പിടിയില്‍. യുവാവ് ഓടിച്ച വാഹനം മറ്റ് എട്ട് വാഹനങ്ങളിലാണ് ഇടിച്ച് നിര്‍ത്താതെ പോകുകയായിരുന്നു. സംഭവത്തില്‍ മഞ്ഞുമ്മല്‍ സ്വദേശി ഡാള്‍ട്ടനെ മട്ടാഞ്ചേരി പൊലീസ് കസ്റ്റഡിയിലെടുത്തു. കൊച്ചി മട്ടാഞ്ചേരിയില്‍ ഇന്നലെ രാത്രിയാണ് സംഭവം. അപകടത്തിന്റെ സിസിടിവി ദൃശ്യങ്ങള്‍ പുറത്തുവന്നിട്ടുണ്ട്.

അമിത വേഗതയിലായിരുന്നുവെന്ന് സിസിടിദി ദൃശ്യങ്ങള്‍ തെളിയിക്കുന്നു. കൊച്ചങ്ങാടി മുതല്‍ കുര്യച്ചന്‍ നട വരെയുള്ള ദൂരത്തിനിടെയാണ് ഇയാള്‍ ഏഴോളം വാഹനങ്ങള്‍ ഇടിച്ചിട്ടത്. കുര്യച്ചന്‍ നടയില്‍ വച്ച് ഇയാളെ നാട്ടുകാര്‍ പിടികൂടി പൊലീസിനെ ഏല്‍പ്പിച്ചു.

അപകടത്തില്‍ പരിക്കേറ്റവരെ ആശുപത്രിയില്‍ പ്രവേശിപ്പിച്ചു. ഡാള്‍ട്ടണ്‍ അമിതമായി മദ്യപിച്ചിരുന്നുവെന്നാണ് പൊലീസ് പറയുന്നത്. ഇയാള്‍ ഏതെങ്കിലും തരത്തിലുള്ള ലഹരി വസ്തുക്കള്‍ ഉപയോഗിച്ചിരുന്നോ എന്നുള്‍പ്പെടെ പൊലീസ് പരിശോധിച്ച് വരികയാണ്.

LATEST NEWS
ഹൊദൈദ തുറമുഖം ആക്രമിച്ച് സൗദി സഖ്യസേന, തിരിച്ചടിച്ച് ഹൂതി വിമതര്‍; ഇന്ത്യന്‍ വിമാനക്കമ്പനികള്‍ സര്‍വീസുകള്‍ റദ്ദാക്കി

ഹൊദൈദ തുറമുഖം ആക്രമിച്ച് സൗദി സഖ്യസേന, തിരിച്ചടിച്ച് ഹൂതി വിമതര്‍; ഇന്ത്യന്‍ വിമാനക്കമ്പനികള്‍ സര്‍വീസുകള്‍ റദ്ദാക്കി

റിയാദ്: ഹൂതി വിമതരും സൗദി സഖ്യസേനയും തമ്മിലുള്ള സംഘര്‍ഷം വീണ്ടും രൂക്ഷയാതോടെ ചെങ്കടല്‍ മേഖലയില്‍...