തിരുവനന്തപുരത്ത് എംഡിഎംഎ പിടികൂടി: രണ്ടുപേർ അറസ്റ്റിൽ

തിരുവനന്തപുരം: തമ്പാനൂർ എസ്എസ് കോവിൽ റോഡിലെ ടാറ്റു സ്റ്റുഡിയോയിൽ നിന്ന് എംഡിഎംഎ ശേഖരം പിടികൂടി. 78.78 ​ഗ്രാം എംഡിഎംഎ ആണ് പിടികൂടിയത്. സംഭവത്തിൽ രണ്ടുപേർ അറസ്റ്റിലായി. സ്ഥാപന നടത്തിപ്പുകാരനായ രാജാജി നഗർ സ്വദേശി മജീന്ദ്രൻ, സഹായി പെരിങ്ങമല സ്വദേശി ഷോണ്‍ അജി എന്നിവരാണ് എക്സൈസിൻ്റെ പിടിയിലായത്. ടാറ്റു കുത്തുന്ന കേന്ദ്രം വഴി ലഹരി വിൽപ്പന നടക്കുന്നവെന്ന വിവരത്തെ തുടർന്നാണ് എക്സൈസ് സ്പെഷ്യൽ സ്ക്വാഡ് റെയ്ഡ് നടത്തിയത്. പൊലീസിനെ ആക്രമിച്ചതും ലഹരി വിൽപ്പനയും ഉള്‍പ്പെടെ നിരവധി കേസിൽ പ്രതിയാണ് പിടിയിലായ മജീന്ദ്രനെന്ന് എക്സൈസ് അറിയിച്ചു.