ബസ്സുകളുടെ മത്സര ഓട്ടത്തെ തുടർന്ന് കൂട്ടിയിടിച്ച് അപകടം; നിരവധി പേർക്ക് പരിക്ക്

വർക്കലയിൽ ബസ്സുകളുടെ മത്സര ഓട്ടത്തെ തുടർന്ന് ഒരേ ദിശയിലേക്ക് വന്ന രണ്ടു ബസുകൾ തമ്മിൽ തട്ടി രണ്ട് ബസ്സുകളുടെയും നിയന്ത്രണം തെറ്റി രണ്ടു വശങ്ങളിലേയ്ക്കായുള്ള മതിലുകളിൽ ഇടിച്ചു നിരവധി പേർക്ക് പരിക്കേറ്റു.
പരിക്കേറ്റവരെ വർക്കല താലൂക്ക് ആശുപത്രിയിലും വർക്കലയിലെ സ്വകാര്യ ആശുപത്രിയിലും പ്രവേശിപ്പിച്ചു. വൈകുന്നേരം 4.20 ഓടുകൂടി വർക്കല ഓടയം ജംഗ്ഷനിലായിരുന്നു അപകടം നടന്നത്. രണ്ട് ബസ്സിലും യാത്രക്കാർ കൂടുതൽ ഉണ്ടായിരുന്നു.