നാവായിക്കുളം പ്രദേശങ്ങളിൽലഹരി ഉപയോഗവും വില്പനയും വ്യാപകമാണെന്ന പരാതിയുടെ അടിസ്ഥാനത്തിൽ ആ പ്രദേശം എക്സ്സൈസ് നിരീക്ഷണത്തിൽ ആയിരുന്നു. വർക്കല എക്സൈസ് ഇൻസ്പെക്ടറും പാർട്ടിയും ചേർന്ന് നാവായിക്കുളംഭാഗത്ത് നടത്തിയ റെയ്ഡിൽ ബൈക്കിൽ സഞ്ചരിക്കുകയായിരുന്ന യുവാക്കളിൽ നിന്നുമാണ് വൻ കഞ്ചാവ് ശേഖരം പിടികൂടിയത്.
KL.21A.8084 നമ്പർ ബൈക്കിൽ കടത്തി കൊണ്ടുവന്ന 1.2 kg ഗഞ്ചാവുമായി ചിറയിൻകീഴ് സ്വദേശിയായ പരുത്തിവിള പുത്തൻവീട്ടിൽ 48 വയസ്സുള്ള ടിപ്പർ ഉണ്ണി എന്ന് വിളിക്കുന്ന ഉണ്ണി, വർക്കല സ്വദേശിയായ റീത്താമണി നിവാസിൽ 23 വയസ്സുള്ള മണികണ്ഠൻ എന്ന് വിളിക്കുന്ന വിമൽ എന്നിവരെയാണ് ഇന്നലെ രാത്രി 10 മണിയോടെ വർക്കല എക്സൈസ് ഇൻസ്പെക്ടർ സഹീർ ഷായുടെ നേതൃത്വത്തിലുള്ള എക്സൈസ് സംഘം പിടികൂടിയത്. കസ്റ്റഡിയിലെടുത്ത പ്രതികളെ ഇന്ന് രാവിലെ വർക്കല കോടതിയിൽ ഹാജരാക്കി റിമാൻഡ് ചെയ്തു.
