ആലംകോട് കണ്ടയ്നർ ലോറി കടയിൽ ഇടിച്ചു കയറി അപകടം;തലനാരിഴയ്ക്ക് വൻ ദുരന്തം ഒഴിവായി

ആറ്റിങ്ങൽ: ആലംകോട് തപാലുമായി വന്ന കണ്ടയ്നർ ലോറി കടയിൽ ഇടിച്ചു കയറി അപകടം. ആലംകോട് ഗവണ്മെന്റ് എൽ പി സ്കൂളിന് മുൻവശമുള്ള അൽ ബെയ്ക് എന്ന ചിക്കൻ കടയിൽ ഇടിച്ചു കയറിയാണ് അപകടം നടന്നത് . ഇന്ന് രാവിലെ നാലര മണിയോട് കൂടിയായിരുന്നു സംഭവം. ഏകദേശം ആറര ലക്ഷത്തോളം രൂപയുടെ നാശനഷ്ടമുണ്ടായെന്നു കണക്കാക്കുന്നു. സമീപത്തായി പെട്രോൾ ടാങ്കർ വാഹനവും പാർക്ക് ചെയ്തിട്ടുണ്ടായിരുന്നു. അതിനാൽ തന്നെ വൻ ദുരന്തം ആണ് ഒഴിവായതെന്നു
ദൃക്സാ.ക്ഷികൾ പറയുന്നു. യാത്രക്കാർക്കോ വാഹനത്തിലുണ്ടായിരുന്നവർക്കോ യാതൊരു പരിക്കുകളില്ലെന്നും നാട്ടുകാർ പറയുന്നു .