ചിറയിൻകീഴ്: ഇന്ത്യൻ നാഷണൽ കോൺഗ്രസ് ചിറയിൻകീഴ് നിയോജക മണ്ഡലം തല മഹാത്മാഗാന്ധി രക്തസാക്ഷി ദിനാചരണം കെ.പി.സി.സി നിർവ്വാഹക സമിതി അംഗം അഡ്വ. കരകുളം കൃഷ്ണപിള്ള ഉദ്ഘാടനം ചെയ്തു. ഗാന്ധിജി ഉയർത്തിപ്പിടിച്ച മതേതര മൂല്യത്തെ തകർത്ത് രാജ്യത്തെ ഭിന്നിപ്പിച്ച് അധികാരത്തിലെത്തുവാനുള്ള ശ്രമമാണ് ബി.ജെ.പിയും കേന്ദ്ര സർക്കാരും ശ്രമിക്കുന്നതെന്ന് കരകുളം പറഞ്ഞു.
ഗാന്ധിയൻ ദർശനങ്ങളിലൂടെ രാജ്യത്തെ വീണ്ടെടുക്കുവാനുള്ള ഉത്തരവാദിത്വമാണ് ഇന്ന് ഓരോ പൗരനും ഏറ്റെടുക്കണമെന്ന് അദ്ദേഹം കൂട്ടിച്ചേർത്തു. ബ്ലോക്ക് കോൺഗ്രസ് കമ്മിറ്റി പ്രസിഡന്റ് കെ.ആർ അഭയൻ അധ്യക്ഷത വഹിച്ചു. കോൺഗ്രസ് നേതാക്കളായ കെ.എസ് ശബരീനാഥൻ, എം.ജെ ആനന്ദ്, ജെഫേഴ്സൺ, കെ.എസ് അജിത് കുമാർ, കെ.പി രാജശേഖരൻ നായർ, മോനി ശാർക്കര, അബ്ദുൾ ജബ്ബാർ, ശരുൺകുമാർ, എസ് .സുജിത്, ജയചന്ദ്രൻ, മൻസൂർ മംഗലപുരം, ഉദയകുമാരി, ജൂഡ് ജോർജ്, എ.ആർ നിസാർ, രഘുനാഥൻ രാജേഷ് ബി.നായർ,മഹിൻ എം.കുമാർ, ജയന്തി കൃഷ്ണ എന്നിവർ സംസാരിച്ചു.
