ആറ്റിങ്ങൽ: ദേശീയ പാതയിൽ പൈപ്പ് ലൈൻ പൊട്ടി ഉണ്ടായ അപകടക്കുഴിയിൽ നാട്ടുകാർ വാഴ വച്ച് പ്രതിഷേധിച്ചു. ദേശീയ പാതയിൽ സി.എസ് ഐ ആശുപത്രിയ്ക്ക് സമീപം പൈപ്പ് ലൈൻ പൊട്ടി വെള്ളം റോഡിലേയ്ക്ക് നിരന്തരം ഒഴുകിയതിനെ തുടർന്ന് റോഡിൽ കുഴികൾ രൂപപ്പെടുകയായിരുന്നു. വെള്ളക്കെട്ടുള്ള കുഴികളിൽ ഇരു ചക്ര വാഹനങ്ങൾ മറിഞ്ഞ് അപകടങ്ങളും പതിവാകുന്നു. ബന്ധപ്പെട്ടവരെ അറിയിച്ചെങ്കിലും യാതൊരു നടപടിയും ഉണ്ടായിട്ടില്ല എന്നാണ് നാട്ടുകാരുടെ ആക്ഷേപം. ദേശീയ പാതയിൽ പൈപ്പ്പൊട്ടൽ തുടർക്കഥയായിട്ടും ശാശ്വത പരിഹാരത്തിന് ഇതുവരേയും ഒരു നടപടിയും അധികൃതരുടെ ഭാഗത്ത് നിന്ന് ഉണ്ടാകാത്തതിൽ രോക്ഷാകുലരാണ് നാട്ടുകാർ.
