ന്യൂഡല്ഹി: ഇന്ത്യന് വ്യോമസേനാ മേധാവിയായി എയര് ചീഫ് മാര്ഷല് അമര് പ്രീത് സിങ് ചുമതലയേറ്റു. നിലവിലെ മേധാവി എയര് ചീഫ് മാര്ഷല് വി ആര് ചൗധരി വിരമിച്ച ഒഴിവിലാണ്, വ്യോമസേന ഉപമേധാവിയായ എ പി സിങ് വ്യോമസേനാധിപനായത്.
40 വര്ഷത്തോളമായി സേനയിലെ വിവിധ മേഖലകളില് അമര് പ്രീത് സിങ് സേവനമനുഷ്ഠിച്ചു. ഇന്ത്യയുടെ ആദ്യ ബഹുരാഷ്ട്ര വ്യോമാഭ്യാസമായ ‘തരംഗ് ശക്തി’ യുടെ നേതൃനിരയില് എയര് മാര്ഷല് സിങുമുണ്ടായിരുന്നു. 1984 ലാണ് അദ്ദേഹം ഇന്ത്യന് വ്യോമസേനയുടെ ഫൈറ്റര് പൈലറ്റ് സ്ട്രീമിലെത്തുന്നത്.
