“സുരക്ഷിത വിദ്യാഭ്യാസം നമ്മുടെ കടമ”; നൂതന സാങ്കേതികവിദ്യ ഉപയോഗിച്ചുള്ള ക്യാമറകൾ സ്ഥാപിച്ച് സുരക്ഷിത വിദ്യാഭ്യാസം ഒരുക്കാൻ തയ്യാറെടുക്കുകയാണ് ആറ്റിങ്ങൽ ഗവൺമെന്റ് വൊക്കേഷണൽ ഹയർ സെക്കൻഡറി സ്കൂൾ. ക്യാമറ സ്ഥാപിക്കുന്നതിന്റെ പ്രാരംഭ പ്രവർത്തനങ്ങൾക്കുള്ള കരാറും അതോടൊപ്പം നിർമ്മാണ ഫണ്ടും സ്കൂൾ അങ്കണത്തിൽ നടന്ന ചടങ്ങിൽ കൈമാറി. സ്കൂൾ പിടിഎയും ഹയർ സെക്കന്ററി വിഭാഗവും സമാഹരിച്ച ഫണ്ടും, മുൻ പ്രിൻസിപ്പൽ ഷീബ സംഭാവനയായി നൽകിയ തുകയും ഉപയോഗിച്ചാണ് പ്രാരംഭ പ്രവർത്തനങ്ങൾക്ക് തുടക്കമാകുന്നത്.
സ്കൂൾ പ്രിൻസിപ്പൽ ജവാദ്, പിടിഎ പ്രസിഡന്റ് എസ് സന്തോഷ്, വൈസ് പ്രിൻസിപ്പൽ അനിൽകുമാർ, വി എച്ച് എസ് ഇ പ്രിൻസിപ്പൽ ഹസീന, എൻ എസ് എസ് പ്രോഗ്രാം ഓഫീസർ ബിനു തുടങ്ങിയവർ ചടങ്ങിൽ പങ്കെടുത്തു.
