നിയന്ത്രണം വിട്ട ഇരുചക്ര വാഹനം ഇലക്ട്രിക് പോസ്റ്റിൽ ഇടിച്ച് മറിഞ്ഞ് യുവാവിന് ദാരുണാന്ത്യം

ആറ്റിങ്ങൽ: നിയന്ത്രണംവിട്ട ഇരുചക്ര വാഹനം ഇലക്ട്രിക് പോസ്റ്റിൽ ഇടിച്ച് മറിഞ്ഞ് യുവാവ് മരിച്ചു. പൊയ്ക മുക്ക് തുളസി ഭവനിൽ തുളസി – ശ്രീദേവി ദമ്പതികളുടെ മകൻ വിവേക് (30) ആണ് മരിച്ചത്.

സഹയാത്രികൻ പൊയ്ക മുക്ക് സ്വദേശി ആകാശ് (26) തിരുവനന്തപുരത്തെ സ്വകാര്യ ആശുപത്രിയിൽ ചികിത്സയിലാണ്. ഞായറാഴ്ച പുലർച്ചെ 3.30നാണ് അപകടം. ആറ്റിങ്ങലിൽ നിന്നും പൊയ്ക മുക്ക് ഭാഗത്തേക്ക് ബൈക്കിൽ സഞ്ചരിക്കവെ ടോൾ മുക്കിന് സമീപത്തു വച്ചാണ് അപകടം ഉണ്ടായത്. ആറ്റിങ്ങൽ പോലീസ് മേൽ നടപടികൾ സ്വീകരിച്ചു