ന്യൂഡല്ഹി: ഇന്ത്യ- പാകിസ്ഥാന് സംഘര്ഷങ്ങളുടെ പശ്ചാത്തലത്തില് ഐപിഎല് മത്സരങ്ങള് നിര്ത്തിവെച്ചു. മത്സരങ്ങള് അനിശ്ചിത കാലത്തേക്ക് നിര്ത്തിവെക്കുന്നതായി ബിസിസിഐ പ്രസ്താവന ഇറക്കി.
‘ഇന്ത്യ- പാകിസ്ഥാന് സൈനിക നടപടികളുടെ പശ്ചാത്തലത്തില് ഐപിഎല് മത്സരങ്ങള് അനിശ്ചിത കാലത്തേക്ക് നിര്ത്തിവെയ്ക്കുന്നു’ ബിസിസിഐ അറിയിച്ചു.സംഘര്ഷങ്ങളുടെ പശ്ചാത്തലത്തില് ഇന്നലെ നടന്ന പഞ്ചാബ് കിങ്സ് ഡല്ഹി ക്യാപിറ്റല്സ് മത്സരം നിര്ത്തിവെച്ചിരുന്നു. മൈതാനങ്ങളിലെ സുരക്ഷ കടുപ്പിക്കുകയും വിമാനത്താവളങ്ങള് അടച്ചിടുകയും ചെയ്യുന്നതോടെ സീസണിലെ അവശേഷിക്കുന്ന മത്സരങ്ങള് അനിശ്ചിത കാലത്തേക്ക് നീട്ടിവച്ചേക്കുമെന്നും റിപോര്ട്ടുകളുണ്ടായിരുന്നു. വിഷയത്തില് ഇന്ന് ഐപിഎല് ഗവേണിങ് കൗണ്സില് യോഗം ചേര്ന്നാണ് അന്തിമ തീരുമാനമെടുക്കുമെന്നും റിപ്പോര്ട്ടുകളുണ്ടായിരുന്നു.
