കേന്ദ്ര വനം പരിസ്ഥിതി മന്ത്രാലയത്തിന്റെയും, സംസ്ഥാന ശാസ്ത്ര സാങ്കേതിക വകുപ്പിന്റെയും, വിദ്യാഭ്യാസ വകുപ്പിന്റെയും സംയുക്ത ആഭിമുഖ്യത്തിൽ ആറ്റിങ്ങൽ വിദ്യാഭ്യാസ ജില്ലയിലെ പരിസ്ഥിതി ക്ലബ്ബുകളുടെ ചുമതലയുള്ള അധ്യാപകർക്കായി ഏകദിന ശില്പശാല ഗവ. ഗേൾസ് ഹയർ സെക്കൻഡറി സ്കൂൾ ആറ്റിങ്ങലിൽ വച്ച് സംഘടിപ്പിച്ചു.
സ്കൂൾ എസ് എം സി ചെയർമാനായ ഡോ. രതീഷ് നിരാല അധ്യക്ഷത വഹിച്ച ചടങ്ങ് ആറ്റിങ്ങൽ ഡി ഇ ഒ ആനിഹലൻ ഉദ്ഘാടനം ചെയ്തു. മുഖ്യ സംഘാടകനായ ഡോ.അജിത് കുമാർ, അധ്യാപകരായ സുജ, ബൈന എന്നിവർ സംസാരിച്ചു. തുടർന്ന് ദീപ്തി മോഹൻ (ബീറ്റ് ഫോറസ്റ്റ് ഓഫീസർ), ദേവിക (ഡിസാസ്റ്റർ മാനേജ്മെൻറ്) എന്നിവർ ശില്പശാലകൾ നടത്തി. ഉച്ചയ്ക്ക് ശേഷം കൂൺ കൃഷിയുടെ പരിശീലനവും പ്രായോഗിക പരിശീലനവും നടന്നു.
