ആറ്റിങ്ങൽ വീരളത്ത് തെരുവ് നായ ശല്യം രൂക്ഷം. വീരളം ലൈനിൽ വയലിക്കുളത്ത് തെരുവ് നായ്ക്കളുടെ വിളയാട്ടം തുടങ്ങിയിട്ട് നാളുകൾ ഏറെ ആയി. ഇരുപതോളം തെരുവ് നായ്ക്കൾ ഇവിടെ അലഞ്ഞു തിരിഞ്ഞു നടക്കുന്നു. കുട്ടികൾക്കും നാട്ടുകാർക്കും ഒരു പേടി സ്വപ്നമാണ് ഈ തെരുവ് നായ്ക്കൾ. രാത്രിയുടെ മറവിൽ വേസ്റ്റുകൾ കവറുകളിൽ കെട്ടി ഈ പ്രദേശത്ത് വലിച്ചെറിയുന്നതും പതിവ് കാഴ്ചയാണ്. ഈ വേസ്റ്റുകളിലെ ആഹാര സാധനങ്ങൾ ആണ് തെരുവ് നായ്ക്കളുടെ ആഹാരം. എത്രയും വേഗം ഇതിന് ഒരു പ്രതിവിധി കണ്ടെത്തണം എന്നാണ് നാട്ടുകാരുടെ ആവശ്യം.
