ഇടതുപക്ഷ ജനാധിപത്യമുന്നണി ആറ്റിങ്ങൽ നിയോജക മണ്ഡലം തിരഞ്ഞെടുപ്പ് കമ്മിറ്റി രൂപീകരിച്ചു. ആറ്റിങ്ങൽ പാർലമെന്റ് ഇടതുമുന്നണി സ്ഥാനാർത്ഥി വി.ജോയിയുടെ മണ്ഡലത്തിലെ തിരഞ്ഞെടുപ്പ് പ്രവർത്തനങ്ങൾക്ക് ഇതോടെ തുടക്കമായി. മാമം മൈതാനിയിൽ നടന്ന കമ്മിറ്റി രൂപീകരണ യോഗത്തിൽ മണ്ഡലത്തിലെ വിവിധ പ്രദേശങ്ങളിൽ നിന്നുളള ബഹുജനങ്ങൾ പങ്കെടുത്തു.
തിരഞ്ഞെടുപ്പ് കമ്മിറ്റി രക്ഷാധികാരികളായി മുൻ എം.എൽ.എ. എൻ. രാജൻ, ആറ്റിങ്ങൽ എം.എൽ.എ. ഒ.എസ്. അംബിക, അഡ്വക്കേറ്റ് ജി.സുഗുണൻ, ആർ രാമു, ബി.പി.മുരളി, എസ്.ജയചന്ദ്രൻ, എ.എം. റാഫി, ഷൈലജബീഗം, വല്ലൂർ രാജീവ്, കെ.എസ് ബാബു, എ.എം. ഷാലി എന്നിവരെയും കമ്മിറ്റിയുടെ ചെയർമാനായി സി.എസ്.ജയചന്ദ്രനും കൺവീനറായി മുൻ എം.എൻ.എ അഡ്വക്കേറ്റ് ബി.സത്യനും ഉൾപ്പെടുന്ന വിപുലമായ കമ്മിറ്റിക്ക് രൂപം നൽകി.
