ഹൈമാസ്റ്റ് ലൈറ്റിന്റെ ഉദ്ഘാടനം നിർവഹിച്ചു

ആറ്റിങ്ങൽ: മുദാക്കൽ ഗ്രാമ പഞ്ചായത്ത്‌ ഒന്നാം വാർഡ്-കൈപ്പറ്റിമുക്ക് വലിയ വിളയിൽ ആറ്റീങ്ങൽ എം.പി. അടൂർ പ്രകാശിന്റെ വികസന ഫണ്ടിൽ നിന്നും അനുവദിച്ച ഹൈമാസ്റ്റ് ലൈറ്റിന്റെ ഉദ്ഘാടനം നടന്നു. വലിയവിളയിൽ വാർഡ് പ്രസിഡന്റ് കെ. ആർ. പ്രസന്നരാജിന്റെ അധ്യക്ഷതയിൽ കൂടിയ സമ്മേളനത്തിൽ അടൂർ പ്രകാശ് എം.പി. ഉദ്ഘാടനം നിർവഹിച്ചു. രാംജിത്ത് കൈപ്പറ്റിമുക്ക്, അനിൽകുമാർ വലിയവിള, വിക്രമൻ, ബാലൻ കരിക്കകം, മോഹനൻ പരുത്തിയിൽ, അശോകൻ, സുഭാഷ്, ബിനു എന്നിവർ പങ്കെടുത്തു.