കിളിമാനൂർ: കോൺഗ്രസ് കിളിമാനൂർ മണ്ഡലം കമ്മിറ്റിയുടെ ആഭിമുഖ്യത്തിൽ എസ്എസ്എൽസി, പ്ലസ് ടു വിഭാഗം പരീക്ഷകളിൽ ഉന്നത വിജയം നേടിയ കുട്ടികളെ അനുമോദിക്കുകയും, വിവിധ മേഖലകളിൽ മികവ് തെളിയിച്ച വ്യക്തിത്വങ്ങളെ ആദരിക്കുകയും ചെയ്തു. പ്രതിഭാ സംഗമം സി ആർ മഹേഷ് എംഎൽഎ ഉദ്ഘാടനം ചെയ്തു.
മണ്ഡലം പ്രസിഡന്റ് അനൂപ് തോട്ടത്തിൽ അധ്യക്ഷത വഹിച്ചു. ജില്ലാ പഞ്ചായത്ത് അംഗംഗിരി കൃഷ്ണൻ സ്വാഗതം പറഞ്ഞു. ചടങ്ങിൽ കെപിസിസി അംഗം എൻ സുദർശനൻ, ബ്ലോക്ക് പ്രസിഡണ്ട് എം കെ ഗംഗാധര തിലകൻ, പഞ്ചായത്ത് പ്രസിഡന്റ് ടി ആർ മനോജ്, ഡിസിസി സെക്രട്ടറി ജോഷി എന്നിവർ ചടങ്ങിൽ പങ്കെടുത്തു. പ്രതിഭാ സംഗമത്തിൽ വച്ച് 71ൽ അധികം വിദ്യാർത്ഥികൾക്ക് പുരസ്കാരങ്ങൾ നൽകി.
