പത്തനംതിട്ട: പ്രശസ്ത കഥകളി മേള ആചാര്യന് ആയാംകുടി കുട്ടപ്പന് മാരാര് (93)അന്തരിച്ചു. തിരുവല്ലയിലെ മതവിഭാഗം മുറിയായിക്കല് വീട്ടില് ഇന്ന് പുലര്ച്ചെ അഞ്ചരയോടെ ആയിരുന്നു അന്ത്യം. വാര്ദ്ധക്യസഹജമായ അസുഖങ്ങളെ തുടര്ന്ന് ഏതാനും മാസങ്ങളായി വിശ്രമ ജീവിതത്തിലായിരുന്നു.
നീണ്ട എട്ട് പതിറ്റാണ്ട് ആയി കഥകളി മേള ലോകത്തെ അതികായനായിരുന്നു ആയാംകുടി കുട്ടപ്പന് മാരാര്. ഗുരു ചെങ്ങന്നൂര് കഥകളി പുരസ്കാരം, കേരള കലാമണ്ഡലം പുരസ്കാരം, കേരള സര്ക്കാരിന്റെ പല്ലാവൂര് അപ്പു മാരാര് സ്മാരക പുരസ്കാരം, തുടങ്ങി നിരവധി പുരസ്കാരങ്ങള് അദ്ദേഹത്തെ തേടി എത്തിയിട്ടുണ്ട്.
