ഉമ്മൻചാണ്ടി കെയർ ആൻഡ് കൾച്ചറൽ ഫൌണ്ടേഷൻ മടവൂരിന്റെ ലോഗോ പ്രകാശനം പുതുപ്പള്ളി ഹൗസിൽ ഉമ്മൻചാണ്ടിയുടെ ഛായാ ചിത്രത്തിൽ കൊളുത്തി വച്ച നിലവിളക്കിനു
മുന്നിൽ അദ്ദേഹത്തിന്റെ പ്രിയ പത്നി മറിയാമ്മ ഉമ്മൻ നിർവഹിച്ചു. ഫൗണ്ടേഷന്റെ
പ്രവർത്തനങ്ങൾക്ക് തന്റെ പ്രാർത്ഥനയും മണ്മറഞ്ഞ പ്രിയ നേതാവ് ഉമ്മൻചാണ്ടിയുടെ അദൃശ്യസാനിധ്യവും ഉണ്ടാകുമെന്നു അവർ പറഞ്ഞു.
ചാണ്ടി ഉമ്മൻ എം.എൽ. എ ഫൗണ്ടേഷന്റെ തുടർപ്രവർത്തനങ്ങൾക്ക് തന്റെയും
കുടുംബത്തിന്റെയും എല്ലാവിധ പിന്തുണയും വാഗ്ദാനം ചെയ്തു. ചടങ്ങിൽ ഫൌണ്ടേഷൻ ചെയർമാൻ തകരപ്പറമ്പ് ചന്ദ്രൻ, ജനറൽ സെക്രട്ടറി അച്ചു സത്യദാസ്, വൈസ് ചെയർ മാൻമാരായ ബിജു.പി.ചന്ദ്രൻ, എ. നവാസ് പുലിയൂർക്കോണം, ഖജാൻജ്ജി റിയാസ് വേട്ടക്കാട്ടുകോണം, ശശാങ്കൻ, മടവൂർ, സിറാജ് മൂന്നാംവിള, അഭിമന്യു തകരപ്പറമ്പ് തുടങ്ങിയവർ പങ്കെടുത്തു.
