ഡല്ഹി: ഫീസ് തര്ക്കത്തെ തുടര്ന്ന് പ്രമുഖ മാട്രിമോണിയല് ആപ്പുകള് അടക്കം 10 കമ്പനി ആപ്പുകള് ഗൂഗിള് പ്ലേസ്റ്റോറില് നിന്ന് നീക്കം ചെയ്തതായി റിപ്പോര്ട്ട്. സര്വീസ് ഫീയുമായി ബന്ധപ്പെട്ട് ഭാരത് മാട്രിമോണി അടക്കമുള്ള ആപ്പുകളാണ് ഗൂഗിള് പ്ലേസ്റ്റോറില് നിന്ന് ഒഴിവാക്കിയത്.
15% മുതല് 30% വരെ ഈടാക്കുന്ന മുന് സമ്പ്രദായം പൊളിച്ചുമാറ്റാന് രാജ്യത്തെ ആന്റിട്രസ്റ്റ് അധികാരികള് ഉത്തരവിട്ടതിന് ശേഷം, ഇന്-ആപ്പ് പേയ്മെന്റുകള്ക്ക് 11% മുതല് 26% വരെ ഫീസ് ചുമത്തുന്നതില് നിന്ന് ഗൂഗിളിനെ തടയാനുള്ള ചില ഇന്ത്യന് സ്റ്റാര്ട്ട്അപ്പുകളുടെ ശ്രമങ്ങളാണ് തര്ക്കത്തില് കലാശിച്ചത്. എന്നാല്, സ്റ്റാര്ട്ട്അപ്പുകള്ക്ക് ഇളവ് നല്കേണ്ടതില്ലെന്ന സുപ്രീം കോടതിയുടേത് അടക്കം ജനുവരിയിലും ഫെബ്രുവരിയിലുമായി വന്ന രണ്ട് കോടതി തീരുമാനങ്ങള്ക്ക് ശേഷം ഫീസ് ഈടാക്കാനും ആപ്പുകള് നീക്കം ചെയ്യാനുമുള്ള നടപടികളുമായി ഗൂഗിള് മുന്നോട്ടുപോകുകയായിരുന്നുവെന്നാണ് റിപ്പോര്ട്ടുകള്.
