ലോക പ്രമേഹ ദിനത്തോടനുബന്ധിച്ച് ശിവഗിരി ശ്രീ നാരായണ മെഡിക്കൽ മിഷൻ സംഘടിപ്പിച്ച സൗജന്യ മെഡിക്കൽ ക്യാമ്പ് ജനറൽ ഫിസിഷ്യൻ ഡോക്ടർ വിജയകുമാർ ഉദ്ഘാടനം ചെയ്തു. ജീവിതശൈലിരോഗങ്ങൾ ദിനംപ്രതി ജനങ്ങളെ ബുദ്ധിമുട്ടിച്ചു കൊണ്ടിരിക്കുകയാണെന്നും അതിനെ പ്രതിരോധിക്കേണ്ടത് ഓരോരുത്തരുടെയും ആവശ്യമാണെന്നും ആശംസ പ്രസംഗത്തിനിടയിൽ ഡോക്ടർ നിഷാദ് പറഞ്ഞു.
രോഗം ഉള്ളവരെ ചികിൽസിക്കുക എന്നതിനേക്കാളുപരി ആരോഗ്യമുള്ളവരെ വാർത്തെടുക്കുക രോഗങ്ങളെ പ്രതിരോധിക്കുക എന്നീ ലക്ഷ്യങ്ങളോടുകൂടിയാണ് ഡോക്ടർമാരും ആശുപത്രികളും പ്രവർത്തിക്കേണ്ടതെന്നും അദ്ദേഹം കൂട്ടിച്ചേർത്തു. ഡയറ്റീഷ്യൻ ശ്രുതി ആർ.പ്രമോദ്, സീനിയർ നഴ്സിംഗ് സൂപ്രണ്ട് അജിതമണി എ.എസ് എന്നിവർ ആശംസകളർപ്പിച്ച് സംസാരിച്ചു.
