ആറ്റിങ്ങൽ: നഗരസഭാ കൃഷിഭവനിൽ അത്യുൽപ്പാദന ശേഷിയുള്ള പച്ചക്കറി വിത്തുകൾ വിൽപ്പനക്ക് തയ്യാറാക്കി. ഒരു പാക്കറ്റിന് 2 രൂപ നിരക്കിലാണ് വിത്തുകൾ വിൽപ്പന നടത്തുന്നത്. 5 ഇനം പച്ചക്കറി വിത്തുകൾ അടങ്ങിയ രണ്ടായിരത്തോളം പാക്കറ്റുകൾ വിൽപ്പനക്കായി അധികൃതർ കൃഷിഭവനിൽ സംഭരിച്ചിട്ടുണ്ട്. വിത്തുകൾ ആവശ്യമുള്ള നഗരസഭാ പരിധിയിലെ താമസക്കാർ നികുതി ഒടുക്കിയ രസീതിന്റെ പകർപ്പുമായി കൃഷിഭവനിൽ എത്തിച്ചേരേണ്ടതാണ് എന്ന് കൃഷി ഓഫീസർ വിഎൽ. പ്രഭ അറിയിച്ചു.
ബന്ധപ്പെടേണ്ട നമ്പർ : 0470 2623121
