അഞ്ചുതെങ്ങ് മുതലപ്പൊഴി അഴിമുഖത്ത് മത്സ്യബന്ധന വള്ളം മറിഞ്ഞു. അഴിമുഖത്തുണ്ടായ ശക്തമായ തിരയിൽപ്പെട്ടാണ് വള്ളം മറിഞ്ഞത്. രണ്ട് മത്സ്യതൊഴിലാളികളെ രക്ഷപ്പെടുത്തി.
ഇന്ന് വൈകുന്നേരം ഏഴരയോടെയാണ് അപകടം. മത്സ്യ ബന്ധനം കഴിഞ്ഞ് മടങ്ങിവരുന്നതിനിടെ ശക്തമായ തിരയിൽപ്പെട്ട വള്ളം മറിയുകയായിരുന്നു. അഞ്ചുതെങ്ങ് സ്വദേശികളായ ജോയൽ (25), വിനു (28) എന്നിവരാണ് അപകടത്തിൽപ്പെട്ടത് . അഞ്ചുതെങ്ങ് സ്വദേശി ലാലു ജോസഫിൻ്റെ ഉടമസ്ഥതയിലുള്ള വള്ളമാണ് മറിഞ്ഞത്. വലയും എൻജിനും നഷ്ടപ്പെട്ടു. വള്ളത്തിന് കേടുപാടുകളും സംഭവിച്ചിട്ടുണ്ട്.
