ന്യൂഡല്ഹി: മുതിര്ന്ന സുപ്രീം കോടതി അഭിഭാഷകന് ഫാലി എസ് നരിമാന്(95) അന്തരിച്ചു. ഹൃദയാഘാതത്തെ തുടര്ന്ന് പുലര്ച്ചെ ഒന്നരയോടെയായിരുന്നു അന്ത്യം.
ഇന്ത്യന് നീതിന്യായ രംഗത്തെ അതികായനായ ഫാലി എസ് നരിമാന്റെ സംഭാവനകളെ മാനിച്ച് രാജ്യം പത്മഭൂഷണ്, പത്മവിഭൂഷണ് എന്നിവ നല്കി അദരിച്ചിട്ടുണ്ട്. 1999 മുതല് 2005 വരെ രാജ്യസഭയിലെ നോമിനേറ്റഡ് അംഗമായിരുന്നു. സുപ്രീം കോടതി മുന് ജഡ്ജ് റോഹിങ്ടന് നരിമാന് മകനാണ്.
1950 നവംബറില് ബോംബെ ഹൈക്കോടതിയില് അഭിഭാഷകനായി എന്റോള് ചെയ്തു. 1961-ല് മുതിര്ന്ന അഭിഭാഷകനായി നിയമിതനായി. അഭിഭാഷകനായി 70 വര്ഷത്തിലേറെ കാലമാണ് പ്രാക്ടീസ് ചെയ്തത്. തുടക്കത്തില് ബോംബെ ഹൈക്കോടതിയില് പ്രാക്ടീസ് ആരംഭിച്ച ഫാലി എസ് നരിമാന് 1972 മുതലാണ് സുപ്രീം കോടതിയില് അഭിഭാഷകവൃത്തി ആരംഭിച്ചത്. 1972 മെയ് മാസത്തില് അദ്ദേഹം ബോംബെയില് നിന്ന് ഡല്ഹിയിലേക്ക് മാറിയപ്പോള് ഇന്ത്യയുടെ അഡീഷണല് സോളിസിറ്റര് ജനറലായി നിയമിതനായി.
