തരിശുനിലത്തെ കൃഷി ഭൂമിയാക്കി മാറ്റാൻ പരിശ്രമിച്ച കർഷകനെ ക്ഷേത്രോൽസവത്തിൽ ആദരിച്ചു. നെൽകൃഷിക്ക് പേരു കേട്ട ഇടയ്ക്കോട്, പിരപ്പമൺകാട് ഏലായിൽ അൻപത് ഏക്കർ പാടശേഖരം വീണ്ടും കൃഷി ഭൂമിയാക്കി മാറ്റുന്നതിനുള്ള പ്രവർത്തനങ്ങൾ ആരംഭിച്ച അൻഫാറിനായാണ് ശ്രീഭൂതനാഥൻകാവ് ക്ഷേത്രട്രസ്റ്റും ഉൽസവ കമ്മിറ്റിയും ചേർന്ന് സ്നേഹോപഹാരം നൽകി ആദരിച്ചത്.
കവിയും ഗാനരചയിതാവുമായ രാധാകൃഷ്ണൻ കുന്നുംപുറം ഉപഹാരം നൽകി. അൻഫാറിന്റെ മകളും സ്കൂൾ വിദ്യാർത്ഥിയുമായ അജ്മി അൻഫാർ ഉപഹാരം ഏറ്റുവാങ്ങി.ഉത്രം മഹോൽസവത്തോടനുബന്ധിച്ച് ക്ഷേത്ര ഓഡിറ്റോറിയത്തിൽ നടന്ന ചടങ്ങിൽ ട്രസ്റ്റ് പ്രസിഡന്റ് ശ്രീധരൻ നായർ , ഉൽസവാഘോഷ കമ്മിറ്റി സെക്രട്ടറി ജയകുമാർ ജനറൽ കൺവീനർ ദീപു രവീന്ദ്രൻ , ട്രഷറർ സൂരജ് കുമാർ എന്നിവർ പങ്കെടുത്തു.
