രാമക്ഷേത്ര പ്രതിഷ്ഠ; 22ന് കോടതികള്‍ക്ക് അവധി നല്‍കണം

Jan 18, 2024

ഡല്‍ഹി: അയോധ്യയിലെ രാമക്ഷേത്ര പ്രതിഷ്ഠാദിനമായ ജനുവരി 22ന് രാജ്യത്തെ എല്ലാ കോടതികള്‍ക്കും അവധി നല്‍കണമെന്ന് ആവശ്യപ്പെട്ട് ബാര്‍ കൗണ്‍സില്‍ ഓഫ് ഇന്ത്യ സുപ്രീം കോടതി ചീഫ് ജസ്റ്റിസ് ഡിവെ ചന്ദ്രചൂഡിന് കത്തയച്ചു. സാംസ്‌കാരികവും മതപരവുമായി പ്രാധാന്യം ചൂണ്ടിക്കാട്ടിയാണ് ബിസിഐ ചെയര്‍പേഴ്‌സണ്‍ മന്നന്‍ കുമാര്‍ മിശ്ര ചീഫ് ജസ്റ്റിസിന് കത്തയച്ചത്.

അയോധ്യയിലെ ഉദ്ഘാടന ചടങ്ങുകളിലും രാജ്യത്തിന്റെ പലഭാഗങ്ങളില്‍ നടക്കുന്ന മറ്റ് അനുബന്ധ പരിപാടികളിലും ജഡ്ജിമാര്‍ക്കും അഭിഭാഷകര്‍ക്കും കോടതി ജീവനക്കാര്‍ക്കും പങ്കെടുക്കേണ്ടതിനാല്‍ അവധി നല്‍കണമെന്ന് കത്തില്‍ പറയുന്നു. ജനുവരി 22 ന് അടിയന്തര വാദം കേള്‍ക്കേണ്ട കേസുകള്‍ പുനഃക്രമീകരിക്കുകയോ അടുത്ത ദിവസം പരിഗണിക്കുകയോ ചെയ്യാം. കത്ത് സഹാനുഭൂതിയോടെ പരിഗണിക്കണമെന്നുമാണ് ബിസിഐയുടെ ആവശ്യം.

‘രാജ്യത്തുടനീളമുള്ള ദശലക്ഷക്കണക്കിന് ആളുകളെ സംബന്ധിച്ചിടത്തോളം മതപരവുമായും ചരിത്രപരമായും സാംസ്‌കാരികമായും ഈ പരിപാടിക്ക് വലിയ പ്രാധാന്യമുണ്ട്, ദീര്‍ഘകാലമായി കാത്തിരുന്ന സ്വപ്നത്തിന്റെ സാക്ഷാത്കാരമാണിതെന്നും കത്തില്‍ പറയുന്നു. രാമക്ഷേത്രം പണിയാന്‍ അനുവദിച്ചുകൊണ്ട് 2019 നവംബര്‍ 09ന് വന്ന സുപ്രീം കോടതി വിധി ഹിന്ദു സമൂഹത്തിന്റെ സത്യത്തിലും വിശ്വാസത്തിലും പ്രതിധ്വനിക്കുന്നതാണ്. ശ്രീരാമന്റെ പ്രാധാന്യം സാംസ്‌കാരികവും മതപരവുമായ അതിരുകള്‍ക്കപ്പുറത്തേക്ക് വ്യാപിക്കുന്നുവെന്നും’- കത്തില്‍ പറയുന്നു.

LATEST NEWS
വ്രതശുദ്ധിയുടെ പുണ്യം തേടി പതിനായിരങ്ങള്‍ ഗുരുപവനപുരിയില്‍; ഗുരുവായൂര്‍ ഏകാദശി തൊഴാന്‍ ഭക്തജനപ്രവാഹം

വ്രതശുദ്ധിയുടെ പുണ്യം തേടി പതിനായിരങ്ങള്‍ ഗുരുപവനപുരിയില്‍; ഗുരുവായൂര്‍ ഏകാദശി തൊഴാന്‍ ഭക്തജനപ്രവാഹം

തൃശൂര്‍: ഗുരുവായൂര്‍ ഏകാദശി ദിനത്തില്‍ ഭക്തജനപ്രവാഹം. വ്രതശുദ്ധിയുടെ പുണ്യം തേടി ഭക്ത...

സി.രാജമ്മ (77) അന്തരിച്ചു

സി.രാജമ്മ (77) അന്തരിച്ചു

ആറ്റിങ്ങല്‍: ആറ്റിങ്ങല്‍ തച്ചൂര്‍ക്കുന്ന് മകയിരം വീട്ടില്‍ സി.രാജമ്മ (77) അന്തരിച്ചു.കൊളാഷ്...