ഗോളടിച്ച്, ഗോളടിച്ച്… റെക്കോര്‍ഡുകള്‍ വാരിക്കൂട്ടിയ ക്രിസ്റ്റ്യാനോ…!

ലിസ്ബന്‍: 23 വര്‍ഷം നീണ്ട അന്താരാഷ്ട്ര ഫുട്‌ബോള്‍ കരിയര്‍ അവസാനിപ്പിച്ച് പോര്‍ച്ചുഗല്‍ ഇതിഹാസ നായകന്‍ ക്രിസ്റ്റ്യാനോ റൊണാള്‍ഡോ വിരമിക്കുമ്പോള്‍ അദ്ദേഹം തീര്‍ത്തത് നിരവധി റെക്കോര്‍ഡുകള്‍. പല റെക്കോര്‍ഡുകളും സമീപകാലത്തൊന്നും തകരാന്‍ സാധ്യത കുറവാണ്. അദ്ദേഹം തീര്‍ത്ത റെക്കോര്‍ഡുകളിലൂടെ.

* ഏറ്റവും കൂടുതല്‍ അന്താരാഷ്ട്ര ഗോളുകള്‍. 146 ഗോളുകള്‍.

* ഏറ്റവും കൂടതല്‍ അന്തരാഷ്ട്ര മത്സരങ്ങള്‍. 234 മത്സരങ്ങള്‍.

* ഏറ്റവും കൂടുതല്‍ ഫിഫ ലോകകപ്പ് എഡിഷനുകളില്‍ ഗോള്‍ നേടിയ താരം. 6 ലോകകപ്പുകളിലും ഗോളുകള്‍.

* ലോകകപ്പ് യോഗ്യതാ പോരാട്ടത്തില്‍ ഏറ്റവും കൂടുതല്‍ ഗോള്‍ നേടുന്ന താരം. 41 ഗോളുകള്‍.

* ഏറ്റവും കൂടുതല്‍ യൂറോ കപ്പ് കളിച്ച താരം. 6 എഡിഷനുകള്‍.

* യൂറോ കപ്പില്‍ ഏറ്റവും കൂടുതല്‍ മത്സരങ്ങള്‍ കളിച്ച താരം. 30 പോരാട്ടങ്ങള്‍.

* യൂറോ കപ്പില്‍ ഏറ്റവും കൂടുതല്‍ ഗോള്‍. 14 ഗോളുകള്‍.

* യൂറോ കപ്പിലും യോഗ്യതാ പോരാട്ടത്തിലുമായി ഗോള്‍ വേട്ടയില്‍ മുന്നില്‍. 55 ഗോളുകള്‍.

* ഏറ്റവും കൂടുതല്‍ ലോകകപ്പ്, യൂറോ കപ്പ് മത്സരങ്ങള്‍. 57 പോരാട്ടങ്ങള്‍.

* ലോകകപ്പിലും യൂറോ കപ്പിലുമായി നേടിയ ഗോളുകളുടെ എണ്ണത്തിലും ഒന്നാം സ്ഥാനത്ത്. 25 ഗോളുകള്‍.

* അന്താരാഷ്ട്ര ഫുട്‌ബോളില്‍ ഹാട്രിക്ക് ഗോളുകള്‍ 10 എണ്ണം തികച്ച ലോകത്തിലെ ആദ്യ താരം.

* അന്താരാഷ്ട്ര ഫുട്‌ബോളില്‍ ഒരു കലണ്ടര്‍ വര്‍ഷം തുടരെ ഏറ്റവും കൂടുതല്‍ ഗോളുകള്‍ നേടിയ താരം. 23 ഗോളുകള്‍ വീതം 2004, 2005, 2006 വര്‍ഷങ്ങളില്‍.

ക്ലബ്, കരിയര്‍ റെക്കോര്‍ഡുകള്‍

* അന്താരാഷ്ട്ര ഫുട്‌ബോളിലും ക്ലബ് ഫുട്‌ബോളിലുമായി അടിച്ചുകൂട്ടിയത് 985 ഗോളുകള്‍. 1000 ഗോളുകള്‍ നേടുന്ന ചരിത്രത്തിലെ ആദ്യ താരമാകാന്‍ ഇനി വേണ്ടത് 15 ഗോളുകള്‍ മാത്രം.

* ഫിഫ ക്ലബ് ലോകകപ്പില്‍ ഏറ്റവും കൂടുതല്‍ ഗോള്‍. 7 ഗോളുകള്‍.

* ചാംപ്യന്‍സ് ലീഗില്‍ ഏറ്റവും കൂടുതല്‍ ഗോള്‍. 140 ഗോളുകള്‍.

* ഒറ്റ ചാംപ്യന്‍സ് ലീഗ് എഡിഷനില്‍ ഏറ്റവും കൂടുതല്‍ ഗോള്‍. 2013-14 സീസണില്‍ 17 ഗോളുകള്‍.

* രാജ്യത്തിനും ക്ലബുകള്‍ക്കുമായി കളത്തിലെത്തിയ മത്സരങ്ങള്‍ 1,300.