ഡല്ഹി: പേടിഎം പേയ്മെന്റ്സ് ബാങ്ക് ലിമിറ്റഡിന് (പിപിബിഎല്) റിസര്വ് ബാങ്ക് ഓഫ് ഇന്ത്യ (ആര്ബിഐ) നിയന്ത്രണങ്ങള് ഏര്പ്പെടുത്തിയതോടെ ഇന്നുമുതല് നിരവധി പേടിഎം സേവനങ്ങള് ലഭ്യമാകില്ല. ഈ വര്ഷം ജനുവരി 31ന് തുടര്ച്ചയായ ചട്ടലംഘനങ്ങള് ചൂണ്ടിക്കാട്ടിയാണ് പേടിഎമ്മിന് ആര്ബിഐ നിയന്ത്രണങ്ങള് ഏര്പ്പെടുത്തിയത്.
2024 ഫെബ്രുവരി 29ന് ശേഷം പുതിയ നിക്ഷേപങ്ങളോ ക്രെഡിറ്റോ സ്വീകരിക്കുന്നതില് നിന്ന് പിപിബിഎലിന് ആര്ബിഐ നിയന്ത്രണങ്ങള് ഏര്പ്പെടുത്തിയിരുന്നു. ഈ സമയപരിധി പിന്നീട് 15 ദിവസം കൂടി നീട്ടി മാര്ച്ച് 15 വരെയാക്കുകയായിരുന്നു.
