by Midhun HP News | Nov 17, 2023 | Latest News, കേരളം, മരണം
കൊച്ചി: കളമശേരി സ്ഫോടനത്തിൽ ഒരാൾ കൂടി മരണത്തിനു കീഴടങ്ങി. ഗുരുതരമായി പൊള്ളലേറ്റ് ചികിത്സയിലായിരുന്ന മലയാറ്റൂർ കടവൻകുടി വീട്ടിൽ പ്രദീപിന്റെ മകൻ പ്രവീൺ (24) ആണു മരിച്ചത്. ഇതോടെ സ്ഫോടനത്തിൽ മരിച്ചവരുടെ എണ്ണം ആറായി.
പ്രവീണിന്റെ അമ്മ റീന ജോസ് (സാലി) (45) സഹോദരി ലിബിന (12) എന്നിവരും സ്ഫോടനത്തിൽ മരിച്ചിരുന്നു. പിന്നാലെയാണ് പ്രവീണിന്റേയും മരണം.
കഴിഞ്ഞ 11നാണ് പ്രവീണിന്റെ അമ്മ സാലി മരിച്ചത്. സ്ഫോടന ദിവസം സഹോദരി ലിബിനയും മരിച്ചു. സഹോദരിയെ രക്ഷിക്കാൻ ശ്രമിക്കുന്നതിനിടെയാണ് പ്രവീണിനു ഗുരുതരമായി പൊള്ളലേറ്റത്. ഒരു കുടുംബത്തിലെ മൂന്ന് പേരാണ് സ്ഫോടനത്തിൽ മരിച്ചത്. പ്രദീപിന്റെ മറ്റൊരു മകൻ രാഹുലിനും സ്ഫോടനത്തിൽ പൊള്ളലേറ്റിരുന്നു. രാഹുൽ അപകടനില തരണം ചെയ്തു.
by Midhun HP News | Nov 15, 2023 | Latest News, മരണം
മുംബൈ: സഹാറ ഇന്ത്യ പരിവാറിന്റെ സ്ഥാപകന് സുബ്രത റോയ് അന്തരിച്ചു. 75 വയസ്സായിരുന്നു. ദീർഘനാളായി രോഗബാധിതനായി ചികിത്സയിലായിരുന്നു. ആരോഗ്യനില മോശമായതിനെ തുടര്ന്ന് ഈ മാസം 12-നാണ് മുംബൈയിലെ കോകിലബെന് ധീരുബായ് അംബാനി ആശുപത്രിയില് പ്രവേശിപ്പിച്ചത്.
ഹൃദയാഘാതത്തെ തുടര്ന്നായിരുന്നു അന്ത്യമെന്ന് ആശുപത്രി അധികൃതര് അറിയിച്ചു. 1948 ജൂൺ 10ന് ബിഹാറിൽ ജനിച്ച സുബ്രത റോയ് 1976 ൽ സഹാറ ഫിനാൻസ് കമ്പനി ഏറ്റെടുത്തുകൊണ്ടാണ് ബിസിനസ് രംഗത്തേക്കെത്തുന്നത്. 1978ൽ കമ്പനിയുടെ പേര് സഹാറ ഇന്ത്യ പരിവാർ എന്നു മാറ്റി.1992ൽ രാഷ്ട്രീയ സഹാറ എന്ന പേരിൽ ഹിന്ദി ഭാഷാ ദിനപത്രം തുടങ്ങി. സഹാറ ടിവി ചാനൽ ആരംഭിച്ചു. ഫിനാന്സ് റിയല് എസ്റ്റേറ്റ്, ഹോസ്പിറ്റാലിറ്റി തുടങ്ങി വിവിധ മേഖലകളില് വ്യാപിച്ചുകിടക്കുന്ന വലിയ ബിസിനസ് സാമ്രാജ്യമാണ് സുബ്രത റോയ് സ്ഥാപിച്ചത്.
by Midhun HP News | Nov 15, 2023 | Latest News, മരണം
ചെന്നൈ: മുതിര്ന്ന കമ്യൂണിസ്റ്റ് നേതാവും സ്വാതന്ത്ര്യസമര സേനാനിയുമായ എന് ശങ്കരയ്യ അന്തരിച്ചു. 102 വയസ്സായിരുന്നു. ചെന്നൈയില് വെച്ചായിരുന്നു അന്ത്യം. പനിയും ശ്വാസതടസ്സവുംമൂലം തിങ്കളാഴ്ച രാവിലെയാണ് ശങ്കരയ്യയെ ചെന്നൈയിലെ അപ്പോളോ ആശുപത്രിയില് പ്രവേശിപ്പിച്ചത്. വിഎസ് അച്യുതാനന്ദനൊപ്പം 1964 ലെ കൊല്ക്കത്ത സിപിഐ ദേശീയ കൗൺസിലിൽ നിന്നും ഇറങ്ങിപ്പോന്ന 32 പേരിൽ ഒരാളായിരുന്നു ശങ്കരയ്യ. സിപിഎമ്മിന്റെ സ്ഥാപക നേതാക്കളില് ഒരാള് കൂടിയാണ്.
സിപിഎം തമിഴ്നാട് സംസ്ഥാന സെക്രട്ടറി, ഓൾ ഇന്ത്യ കിസാൻ സഭ അധ്യക്ഷൻ, രണ്ടു ദശാബ്ദത്തിലധികം സിപിഎം കേന്ദ്രകമ്മിറ്റിയംഗം എന്നീ നിലകളിൽ പ്രവർത്തിച്ചിട്ടുണ്ട്.
1941ല് മധുര അമേരിക്കന് കോളജിലെ തീപ്പൊരി നേതാവായാണ് പൊതുപ്രവര്ത്തനത്തിന്റെ തുടക്കം. സ്വാതന്ത്ര്യസമരത്തില് പങ്കെടുത്തതിനു ബ്രിട്ടീഷ് സൈന്യം പിടികൂടി ജയിലിലടച്ചു. എട്ടുവര്ഷത്തിനു ശേഷം രാജ്യം സ്വതന്ത്രമാകുന്നതിനു തൊട്ടുതലേന്നാണ് ജയിലിനു പുറത്തിറങ്ങിയത്. 1967, 1977, 1980 തിരഞ്ഞെടുപ്പുകളില് സിപിഎം അംഗമായി തമിഴ്നാട് നിയമസഭയിലെത്തിയ അദ്ദേഹം ഏറെക്കാലം പാര്ട്ടി സംസ്ഥാന സെക്രട്ടറിയുമായിരുന്നിട്ടുണ്ട്. പ്രായാധിക്യത്തെത്തുടർന്ന് കുറച്ചുവർഷങ്ങളായി സജീവരാഷ്ട്രീയത്തിൽനിന്ന് വിട്ടുനിൽക്കുകയായിരുന്നു.
by Midhun HP News | Nov 10, 2023 | Latest News, മരണം
ആറ്റിങ്ങൽ: ആലംകോട് മഞ്ജുഷ മൻസിലിൽ മുഹമ്മദ് റഫീഖ് (77) അന്തരിച്ചു. കബറടക്കം ഇന്ന് വൈകിട്ട് 7 മണിക്ക് ആലംകോട് മുസ്ലിം ജമാഅത്ത് കബർസ്ഥാനിൽ നടക്കും. വാർദ്ധക്യ സഹജമായ അസുഖങ്ങളാൽ ചികിത്സയിലായിരുന്നു. ഇന്ന് പകൽ 12. 15 ന് വീട്ടിൽ വച്ചായിരുന്നു അന്ത്യം സംഭവിച്ചത്. ചിറയിൻകീഴിലെ പഴയകാല പലചരക്ക് വ്യാപാരികളിൽ പ്രമുഖനായിരുന്ന പരേതനായ മുഹമ്മദ് സാലിയുടെ മകനാണ്.
ഭാര്യ: ജുബൈറബീവി.
മക്കൾ: മഞ്ജുഷ,മനോജ്, മനാഫ്.
മരുമക്കൾ: ഹക്കിം, സോഫി,സുൽത്താന.
by Midhun HP News | Nov 10, 2023 | Latest News, മരണം
തിരുവനന്തപുരം: കണ്ണമ്മൂല പരേതനായ റിട്ടയേർഡ് ഹെൽത്ത് ഡയറക്ടറേറ്റ് സൂപ്രണ്ട് എസ് ഗോപിനാഥൻ നായരുടെ സഹധർമ്മിണിയും ഡയറക്ടറേറ്റ് ഓഫ് ഹെൽത്ത് സർവീസിലെ റിട്ടയേർഡ് അഡ്മിനിസ്ട്രേറ്റീവ് ഓഫീസറുമായ വൃന്ദാവൻ വീട്ടിൽ (കെ.ആർ.എ 104/12) എൻ.സി സജിതമ്മാൾ (84) അന്തരിച്ചു.
മക്കൾ: ഡോ:ജി.എസ് പ്രീത(ഡൽഹി ), ജി.എസ് പ്രിയ(അസിസ്റ്റന്റ് രജിസ്ട്രാർ, കേരളാ യൂണിവേഴ്സിറ്റി).
മരുമക്കൾ: കെ.ജി ഉണ്ണികൃഷ്ണൻ (റിട്ടയേർഡ് വൈസ് പ്രസിഡന്റ്, ഹീറോ ഹോണ്ട), വി നാരായണൻ കുട്ടി
(റിട്ടയേർഡ് അസിസ്റ്റന്റ് ഇങ്കം ടാക്സ് കമ്മീഷണർ)
സഞ്ചയനം: ഞായറാഴ്ച രാവിലെ 8.30ന്
by Midhun HP News | Nov 7, 2023 | Latest News, മരണം
ആറ്റിങ്ങൽ: കുറക്കട കൈലാത്തുകോണം വലിയ വിള വീട്ടിൽ വിജയൻ (79)നിര്യാതനായി. ഭാര്യ: സുധർമ്മ.
മക്കൾ: ജയകുമാർ, ജ്യോതിഷ് കുമാർ, സോണി.
മരുമക്കൾ: ലേജു, ഷീബ, ഗീത.
മരണാനന്തര ചടങ്ങുകൾ 13.11 തിങ്കൾ രാവിലെ 9 ന്
Recent Comments