by Midhun HP News | Oct 23, 2026 | Latest News, ദേശീയ വാർത്ത
തെന്നിന്ത്യന്‍ സിനിമയിലെ തിരക്കുള്ള നായികയാണ് കയാദു ലോഹര്‍. തമിഴ്, തെലുങ്ക്, മലയാളം ഭാഷകളില്‍ കയാദുവിന്റേതായി നിരവധി സിനിമകളാണ് ഈയ്യടുത്ത് തിയേറ്ററുകളിലെത്തിയത്. തമിഴ് ചിത്രം ഡ്രാഗണിലൂടെയാണ് കയാദു താരമാകുന്നത്. പിന്നീട് താരത്തിന് തിരിഞ്ഞു നോക്കേണ്ടി വന്നിട്ടില്ല. നാനിയ്‌ക്കൊപ്പം അഭിനയിച്ച തെലുങ്ക് ചിത്രം ദ പാരഡൈസ് ആണ് ഒടുവില്‍ പുറത്തിറങ്ങിയ ചിത്രം.
തെന്നിന്ത്യന്‍ സിനിമയിലെ തിരക്കുള്ള നായികയാണ് കയാദു ലോഹര്‍. തമിഴ്, തെലുങ്ക്, മലയാളം ഭാഷകളില്‍ കയാദുവിന്റേതായി നിരവധി സിനിമകളാണ് ഈയ്യടുത്ത് തിയേറ്ററുകളിലെത്തിയത്. തമിഴ് ചിത്രം ഡ്രാഗണിലൂടെയാണ് കയാദു താരമാകുന്നത്. പിന്നീട് താരത്തിന് തിരിഞ്ഞു നോക്കേണ്ടി വന്നിട്ടില്ല. നാനിയ്‌ക്കൊപ്പം അഭിനയിച്ച തെലുങ്ക് ചിത്രം ദ പാരഡൈസ് ആണ് ഒടുവില്‍ പുറത്തിറങ്ങിയ ചിത്രം.
സോഷ്യല്‍ മീഡിയയിലേയും താരമാണ് കയാദു. താരത്തിന്റെ ചിത്രങ്ങളും വിഡിയോകളുമെല്ലാം വൈറലായി മാറാറുണ്ട്. ഇതിനിടെ ഇപ്പോഴിതാ കയാദുവുമായി ബന്ധപ്പെട്ടൊരു വാര്‍ത്ത സോഷ്യല്‍ മീഡിയയില്‍ വൈറലായി മാറിയിരിക്കുകയാണ്. കയാദു ലോഹര്‍ വെള്ളം കുടിച്ച കുപ്പി ആണിപ്പോള്‍ സോഷ്യല്‍ മീഡിയയിലെ ചര്‍ച്ചാ വിഷയം.
ഓണ്‍ലൈന്‍ ഷോപ്പിങ് സൈറ്റായ ഒഎല്‍എക്‌സിലൂടെ കയാദു വെള്ളം കുടിച്ച കുപ്പി വില്‍ക്കാന്‍ വച്ചിരിക്കുകയാണ് ഒരു ആരാധകന്‍. കോഴിക്കോട് ആണ് ലൊക്കേഷനായി നല്‍കിയിരിക്കുന്നത്. വെള്ളം കുടിക്കുന്ന കയാദുവിന്റെ ചിത്രവും പങ്കുവച്ചിരിക്കുന്നുണ്ട്. മൂന്ന് ലക്ഷമാണ് വെള്ളക്കുപ്പിയ്ക്ക് വിലയിട്ടിരിക്കുന്നത്. കുപ്പിയില്‍ ഇനിയും കുറച്ച് വെള്ളമുണ്ടെന്നും ഡിസ്‌ക്രിപ്ഷനില്‍ പറയുന്നുണ്ട്.
സംഭവം സോഷ്യല്‍ മീഡിയയാകെ വൈറലായിരിക്കുകയാണ്. എന്താണ് ഇവിടെ നടക്കുന്നതെന്നാണ് സോഷ്യല്‍ മീഡിയ അമ്പരക്കുന്നത്. ചിലര്‍ ഇതിനെ ആരാധന മൂത്തതാണെന്ന് പറഞ്ഞ് തമാശയായി കാണുമ്പോള്‍ മറ്റ് ചിലര്‍ ശക്തമായ വിമര്‍ശനം ഉന്നയിക്കുന്നുണ്ട്. അറപ്പും അസ്വസ്ഥതയുമുളവാക്കുന്ന ഫാന്റസിയാണിതെന്നാണ് സോഷ്യല്‍ മീഡിയ പറയുന്നത്.
തങ്ങളുടെ പ്രിയ താരങ്ങള്‍ ഉപയോഗിച്ച വസ്ത്രങ്ങളടക്കം പലതും വന്‍ വിലയ്ക്ക് ആരാധകര്‍ വാങ്ങുന്നതും, ചിലപ്പോള്‍ താരങ്ങള്‍ തന്നെ ലേലത്തിന് വെക്കുന്നതുമെല്ലാം പതിവാണ്. എന്നാല്‍ വെള്ളം കുടിച്ച കുപ്പി വില്‍ക്കാന്‍ വെക്കുന്നതൊക്കെ പരിധി വിട്ട ആരാധനയാണെന്നാണ് സോഷ്യല്‍ മീഡിയ പറയുന്നത്. അതേസമയം നടിയെ അപമാനിക്കാനുള്ള വ്യാജ പ്രചരണം മാത്രമാകാമെന്നും ചിലര്‍ സംശയം പ്രകടിപ്പിക്കുന്നുണ്ട്.
by Midhun HP News | Oct 23, 2026 | Latest News, ദേശീയ വാർത്ത
ഡല്‍ഹി: സുരക്ഷ വര്‍ധിപ്പിക്കുന്നതിന്റെ ഭാഗമായി എല്ലാ പുതിയ കാര്‍ മോഡലുകളിലും ഓട്ടോമാറ്റിക് എമര്‍ജന്‍സി ബ്രേക്കിങ് സിസ്റ്റം നിര്‍ബന്ധമാക്കാന്‍ നിര്‍ദേശിച്ച് കേന്ദ്രസര്‍ക്കാര്‍. 2030 ഒക്ടോബര്‍ ഒന്നുമുതല്‍ ഇത് പ്രാബല്യത്തില്‍ വരുമെന്ന് കേന്ദ്ര ഉപരിതല ഗതാഗത മന്ത്രാലയം അറിയിച്ചു. ഇതോടെ 2030 ഒക്ടോബര്‍ ഒന്നുമുതല്‍ വിപണിയിലെത്തുന്ന പുതിയ കാറുകളില്‍ ഈ സംവിധാനം നിര്‍ബന്ധമായിരിക്കും.
2030 വരെ നിരത്തില്‍ ഓടുന്ന വാഹനങ്ങള്‍ 2032 ഒക്ടോബര്‍ ഒന്നിനകം പുതിയ സംവിധാനത്തിലേക്ക് മാറിയിരിക്കണമെന്നും കേന്ദ്രസര്‍ക്കാര്‍ കരട് നിര്‍ദേശത്തില്‍ പറയുന്നു. നിലവില്‍ വാഹനത്തിന്റെ പാതയില്‍ കാല്‍നടയാത്രക്കാര്‍, കാറുകള്‍, ഇരുചക്രവാഹനങ്ങള്‍ തുടങ്ങിയ തടസ്സങ്ങള്‍ തിരിച്ചറിയാന്‍ കാമറ അല്ലെങ്കില്‍ റഡാര്‍ അധിഷ്ഠിത സംവിധാനങ്ങളോട് കൂടിയ ലെവല്‍ 2 അഡാസ് സൗകര്യം പുതിയ ഒട്ടുമിക്ക വാഹനങ്ങളിലും ലഭ്യമാണ്. ഈ സംവിധാനം ആദ്യം ഡ്രൈവര്‍ക്ക് മുന്നറിയിപ്പ് നല്‍കുകയും ഉചിതമായ നടപടിയൊന്നും സ്വീകരിച്ചില്ലെങ്കില്‍ സ്വയം ബ്രേക്ക് ചെയ്യുകയും ചെയ്യും.
ഇത് കൂട്ടിയിടികള്‍ ഒഴിവാക്കാനോ അപകടങ്ങളുടെ ആഘാതം കുറയ്ക്കാനോ സഹായിക്കുന്നുണ്ട്. മീഡിയം, ഹെവി വാഹനങ്ങളിലും കര്‍ശനമായ ബ്രേക്കിങ് മാനദണ്ഡങ്ങള്‍ നിര്‍ദേശിച്ചിട്ടുണ്ട്. 2027 ഒക്ടോബര്‍ ഒന്നുമുതല്‍ ഇത് പ്രാബല്യത്തില്‍ വരും. ഇതിന്റെ ഭാഗമായി ട്രക്കുകളില്‍ ഇലക്ട്രോണിക് സ്‌റ്റെബിലിറ്റി കണ്‍ട്രോള്‍ നിര്‍ബന്ധമാക്കും.
by Midhun HP News | Oct 23, 2026 | Latest News, ദേശീയ വാർത്ത
നാഗപട്ടണം: തമിഴ്നാട്ടിലെ പ്രശസ്ത തീർത്ഥാടന കേന്ദ്രമായ വേളാങ്കണ്ണിയിലെ സ്വകാര്യ ലോഡ്ജിൽ വെച്ച് പ്രായപൂർത്തിയാകാത്ത രണ്ട് സ്കൂൾ വിദ്യാർഥിനികളെ ലൈംഗികമായി പീഡിപ്പിച്ച കേസിൽ രണ്ട് മലയാളി യുവാക്കളെ പൊലീസ് അറസ്റ്റ് ചെയ്തു. തിരുവനന്തപുരം സ്വദേശികളായ എ. അജയ് (26), എ. വിശാൽ (23) എന്നിവരാണ് ബുധനാഴ്ച വൈകുന്നേരത്തോടെ പിടിയിലായത്. കേരളത്തിൽനിന്ന് വേളാങ്കണ്ണിയിലെത്തിയ 15 അംഗ വിനോദസഞ്ചാര സംഘത്തിലുൾപ്പെട്ടവരാണ് ഇരുവരും.
പുതുക്കോട്ടയിലെ സർക്കാർ സ്കൂളിലെ പതിനൊന്നാം ക്ലാസ് വിദ്യാർഥിനികളാണ് പീഡനത്തിനിരയായത്. കുടുംബപ്രശ്നങ്ങളെ തുടർന്ന് വീട്ടിൽനിന്ന് പിണങ്ങിയിറങ്ങിയ ഒരു പെൺകുട്ടി സുഹൃത്തിനൊപ്പം വേളാങ്കണ്ണിയിൽ എത്തുകയായിരുന്നു. ജോലി അന്വേഷിച്ചാണ് ഇരുവരും ഇവിടെ എത്തിയത്. പെൺകുട്ടികളിൽ ഒരാളെ കാണാനില്ലെന്ന് കാണിച്ച് ഒക്ടോബർ 18-ന് രക്ഷിതാക്കൾ പുതുക്കോട്ട പൊലീസിൽ പരാതി നൽകിയിരുന്നു.
ഒക്ടോബർ 20 ചൊവ്വാഴ്ച രാത്രി വേളാങ്കണ്ണി ബീച്ചിൽ നിന്ന പെൺകുട്ടികളെ പ്രതികൾ പ്രലോഭിപ്പിച്ച് സ്വകാര്യ ലോഡ്ജിലേക്ക് കൂട്ടിക്കൊണ്ടുപോവുകയും അവിടെവെച്ച് ക്രൂരമായി ലൈംഗികാതിക്രമത്തിന് ഇരയാക്കുകയുമായിരുന്നുവെന്ന് പൊലീസ് പറഞ്ഞു. ബുധനാഴ്ച ഉച്ചയോടെ പ്രതികൾ വീണ്ടും ഈ ലോഡ്ജ് മുറിയിലേക്ക് മടങ്ങിയെത്തി.
ലോഡ്ജിന് സമീപത്ത് സംശയാസ്പദമായ സാഹചര്യത്തിൽ പ്രായപൂർത്തിയാകാത്ത പെൺകുട്ടികളെ കണ്ടതിനെ തുടർന്ന് സമീപവാസി നൽകിയ വിവരത്തിന്റെ അടിസ്ഥാനത്തിലാണ് പൊലീസ് സ്ഥലത്തെത്തിയത്. തുടർന്ന് പെൺകുട്ടികളെ പൊലീസ് മോചിപ്പിക്കുകയും വിവരങ്ങൾ ചോദിച്ചറിയുകയുമായിരുന്നു. പെൺകുട്ടികളുടെ മൊഴിയുടെ അടിസ്ഥാനത്തിൽ അജയ്, വിശാൽ എന്നിവരെ ബുധനാഴ്ച തന്നെ പൊലീസ് അറസ്റ്റ് ചെയ്തു. പ്രതികൾക്കെതിരെ പോക്സോ കേസെടുത്തു.
by Midhun HP News | Oct 23, 2026 | Latest News, ദേശീയ വാർത്ത
ഡല്‍ഹി: സൈബര്‍ തട്ടിപ്പുകള്‍ തടയാന്‍ മെസേജിങ് ആപ്പുകളില്‍ നിയന്ത്രണങ്ങളുമായി കേന്ദ്ര സര്‍ക്കാര്‍; വാട്‌സ്ആപ്പ്, ടെലഗ്രാം അടക്കമുള്ള ആപ്പുകള്‍ ഇനി സിം കാര്‍ഡില്ലാതെ ഉപയോഗിക്കാനാകില്ല. മെസേജിങ് പ്ലാറ്റ്ഫോമുകളുടെ സേവനം അക്കൗണ്ടുമായി ബന്ധിപ്പിച്ച രജിസ്റ്റര്‍ ചെയ്ത സിം ഫോണില്‍ ഉണ്ടെങ്കില്‍ മാത്രം ലഭ്യമാകുന്ന രീതിയില്‍ ക്രമീകരിക്കാനാണ് ഈ നടപടിയിലൂടെ ലക്ഷ്യമിടുന്നത്. സൈബര്‍ തട്ടിപ്പുകളും മൊബൈല്‍ നമ്പറുകളുടെ ദുരുപയോഗവും തടയുന്നതിനായി കൊണ്ടുവന്ന സിം-ബൈന്‍ഡിങ് നിബന്ധനകള്‍ നടപ്പിലാക്കാന്‍, ടെലികോം വകുപ്പ് മെസേജിങ് പ്ലാറ്റ്ഫോമുകള്‍ക്ക് 2026 ഡിസംബര്‍ 31 വരെയാണ് സമയപരിധി നിശ്ചയിച്ചിരിക്കുന്നത്.
അടുത്ത വര്‍ഷം ജനുവരി ഒന്നുമുതല്‍ ഇത് പ്രാബല്യത്തില്‍ വരും. അക്കൗണ്ടുമായി ബന്ധിപ്പിച്ച സിം കാര്‍ഡ് നിര്‍ജ്ജീവമാക്കുകയോ, ഫോണില്‍ നിന്ന് മാറ്റുകയോ ചെയ്താല്‍ ഉപയോക്താക്കള്‍ക്ക് തങ്ങളുടെ മെസേജിങ് അക്കൗണ്ടുകളിലേക്കുള്ള പ്രവേശനം സാധിക്കില്ല. നിലവില്‍ ഫോണില്‍ സിം കാര്‍ഡ് ഇല്ലാതെ വൈ-ഫൈ മാത്രം ഉപയോഗിച്ച് വാട്സ്ആപ്പും ടെലഗ്രാമും പ്രവര്‍ത്തിപ്പിക്കുന്ന ഉപയോക്താക്കള്‍ക്ക് പുതിയ മാറ്റം തിരിച്ചടിയാകും.
എന്നാല്‍ ഓരോ പ്ലാറ്റ്ഫോമുകളും ഈ ചട്ടങ്ങള്‍ എങ്ങനെ പ്രാവര്‍ത്തികമാക്കുന്നു എന്നതിനെ ആശ്രയിച്ചായിരിക്കും നിയന്ത്രണങ്ങളുടെ വ്യാപ്തി.സിം-ബൈന്‍ഡിങ്ങിനെ പിന്തുണയ്ക്കുന്നതിനായി ആപ്പിള്‍ സെപ്റ്റംബറിലെ സോഫ്റ്റ്വെയര്‍ അപ്ഡേറ്റിലൂടെ ഐഒഎസില്‍ മാറ്റങ്ങള്‍ വരുത്തിയിട്ടുണ്ട്. ഫോണില്‍ സിം കാര്‍ഡില്ലാത്ത സാഹചര്യം തിരിച്ചറിയാന്‍ സഹായിക്കുന്നതാണ് ഈ അപ്ഡേറ്റ്. ഒന്നിലധികം ഡിവൈസുകളില്‍ അക്കൗണ്ട് ഉപയോഗിക്കുന്നവര്‍, വിദേശയാത്ര നടത്തുന്നവര്‍, വൈ-ഫൈയില്‍ മാത്രം ഫോണ്‍ പ്രവര്‍ത്തിപ്പിക്കുന്നവര്‍ എന്നിവര്‍ തങ്ങളുടെ അക്കൗണ്ട് ക്രമീകരണങ്ങള്‍ പരിശോധിക്കേണ്ടി വരും.
മൊബൈല്‍ നമ്പറുകള്‍ ദുരുപയോഗം ചെയ്ത് വ്യാജ അക്കൗണ്ടുകള്‍ സൃഷ്ടിക്കുന്നതും മറ്റുള്ളവരുടെ പേരില്‍ തട്ടിപ്പ് നടത്തുന്നതും തടയുകയാണ് സിം ബൈന്‍ഡിങ്ങിന്റെ പ്രധാന ലക്ഷ്യമെന്ന് കേന്ദ്ര സര്‍ക്കാര്‍ പറയുന്നു. തട്ടിപ്പുകള്‍ക്ക് ഉപയോഗിക്കുന്ന അക്കൗണ്ടുകളെ അവയുടെ രജിസ്റ്റര്‍ ചെയ്ത മൊബൈല്‍ നമ്പറുമായി ബന്ധിപ്പിച്ച് തിരിച്ചറിയാന്‍ ഈ സംവിധാനം സഹായിക്കുമെന്നാണ് വിലയിരുത്തല്‍. മെസേജിങ് ആപ്പുകളായ വാട്സാപ്പ്, ടെലഗ്രാം, സിഗ്‌നല്‍ തുടങ്ങിയ സമൂഹ മാധ്യമ ആപ്പുകള്‍ ഇനി സിം കാര്‍ഡുകളുമായി ബന്ധിപ്പിച്ച് മാത്രമെ പ്രവര്‍ത്തിപ്പിക്കാവൂ എന്ന് ആവശ്യപ്പെട്ടിരിക്കുന്ന ആവശ്യമാണ് സിം ബൈന്‍ഡിങ് എന്ന് അറിയപ്പെടുന്നത്.
by Midhun HP News | Oct 23, 2026 | Latest News, ദേശീയ വാർത്ത
ഡല്‍ഹി: ആഗോള വിപണിയില്‍ എണ്ണവില അഞ്ചുമാസത്തെ ഏറ്റവും ഉയര്‍ന്ന നിലയില്‍. ഇന്ത്യ മുഖ്യമായി ആശ്രയിക്കുന്ന ബ്രെന്‍ഡ് ക്രൂഡ് വില ബാരലിന് 113 ഡോളറിന് മുകളിലാണ്. ഇന്നലെ മാത്രം നാലുശതമാനമാണ് ഉയര്‍ന്നത്.
സൗദി അറേബ്യയില്‍ യെമനിലെ ഇറാന്‍ അനുകൂല ഹൂതി വിമതരുടെ ആക്രമണമാണ് എണ്ണവില ഉയരാന്‍ കാരണം. ഇത് എണ്ണവിതരണത്തെ ബാധിക്കുമെന്ന ആശങ്ക നിലനില്‍ക്കുകയാണ്. ഇതാണ് എണ്ണവില ഉയരാന്‍ കാരണമെന്നാണ് റിപ്പോര്‍ട്ടുകള്‍ വ്യക്തമാക്കുന്നത്.
അതിനിടെ ആക്രമണ ഭീഷണി നിലനില്‍ക്കുന്നതിനാണ് സൗദി അരാംകോയുടെ ദഹ്‌റാനിലെ ആസ്ഥാനം ഒഴിപ്പിക്കാന്‍ ഉത്തരവിട്ടു. വര്‍ധിച്ചുവരുന്ന സംഘര്‍ഷം സൗദിയിലെ എണ്ണ അടിസ്ഥാന സൗകര്യങ്ങളെയും പ്രാദേശിക ഊര്‍ജ്ജ വിതരണത്തെയും ബാധിക്കുമെന്ന ആശങ്ക നിലനില്‍ക്കുന്നുണ്ട്. കൂടാതെ ലിബിയയിലെ പൈപ്പ് ലൈനില്‍ ഉണ്ടായ തകരാറുകളും എണ്ണവില വര്‍ധിക്കുമെന്ന ആശങ്കകള്‍ ഇരട്ടിയാക്കിയിട്ടുണ്ട്.
by Midhun HP News | Oct 22, 2026 | Latest News, ദേശീയ വാർത്ത
ഹോർമുസ് കടലിടുക്കിലൂടെ യാത്ര ചെയ്യുകയായിരുന്ന എണ്ണക്കപ്പലിന് നേരെ ആക്രമണം. 21 ഇന്ത്യാക്കാരടക്കം ആക്രമണം നേരിട്ട എംടി അൽ ദസ്‌മ കപ്പലിലുണ്ടായിരുന്ന എല്ലാ ജീവനക്കാരും സുരക്ഷിതരെന്നാണ് വിവരം. കപ്പലിന് നേരെ മിസൈൽ ആക്രമണം നടന്നെന്നാണ് സംശയം. കുവൈറ്റ് പതാക വഹിച്ച കപ്പലായിരുന്നു ഇത്. ആക്രമണ വിവരം അറിഞ്ഞ് കേന്ദ്ര തുറമുഖ ഷിപ്പിങ് ജലഗതാഗത വകുപ്പ് മന്ത്രി സർബാനന്ദ സോനോവാൾ വിഷയത്തിൽ ഇടപെട്ടു.
ആക്രമണത്തെ തുടർന്ന് കപ്പലിൽ തീപിടുത്തമുണ്ടായി. ഏറെ നേരത്തെ പരിശ്രമത്തിനൊടുവിൽ തീ അണയ്ക്കാൻ സാധിച്ചെന്ന് ടൈംസ് കുവൈറ്റ് റിപ്പോർട്ട് ചെയ്യുന്നു. ഒമാൻ തീരത്തോട് ചേർന്ന് ബുഖായ്ക്ക് പടിഞ്ഞാറ് 11 നോട്ടിക്കൽ മൈൽ അകലെ വെച്ച് ഒക്ടോബർ 21 നാണ് ആക്രമണം ഉണ്ടായതെന്ന് യു.കെ മാരിടൈം ട്രേഡ് ഓപ്പറേഷൻസ് സ്ഥിരീകരിച്ചിട്ടുണ്ട്. കപ്പൽ ഇതേ സ്ഥലത്ത് തന്നെയാണുള്ളത്. ഷിപ്പിങ് കമ്പനിയുമായി ബന്ധപ്പെടുന്നുണ്ടെന്നും സ്ഥിതിഗതികൾ സസൂക്ഷ്‌മം നിരീക്ഷിക്കുകയാണെന്നും കേന്ദ്രമന്ത്രി എക്‌സ് ഹാൻഡിൽ വഴി വ്യക്തമാക്കി.
ഇടക്കാല തെരഞ്ഞെടുപ്പിൻ്റെ പശ്ചാത്തലത്തിൽ സംഘർഷത്തിൽ നിന്ന് തത്കാലത്തേക്ക് അമേരിക്ക ഉൾവലിഞ്ഞതിന് പിന്നാലെ കടുത്ത ആക്രമണമാണ് ഹോർമുസിൽ ഇറാൻ അഴിച്ചുവിടുന്നത്. ആഗോളതലത്തിൽ എണ്ണവില ഉയർത്തുകയെന്ന ലക്ഷ്യത്തോടെ എണ്ണക്കപ്പലുകൾ ഉന്നമിട്ടാണ് ആക്രമണം. എണ്ണവില ഉയർന്നാൽ അമേരിക്കയിൽ ഇത് ജനങ്ങളെ ബുദ്ധിമുട്ടിലാക്കുമെന്നും അതിലൂടെ ട്രംപിന് എതിരായ ജനവിധി ഉണ്ടാകുമെന്നും ഇറാന പ്രതീക്ഷിക്കുന്നു.
ഒക്ടോബർ 16-ന് 15 ഇന്ത്യൻ നാവികരുള്ള ‘എംടി എസ്ടി 3’ എണ്ണക്കപ്പലിനും, ഒക്ടോബർ 14-ന് റൊമാനിയക്ക് സമീപം 9 ഇന്ത്യൻ നാവികരുള്ള ‘യര ജെ’ എന്ന ചരക്കുകപ്പലിനും നേരെ സമാനമായ ആക്രമണങ്ങൾ നടന്നിരുന്നു. ഈ കപ്പലുകളിലുണ്ടായിരുന്ന എല്ലാ ഇന്ത്യൻ പൗരന്മാരും സുരക്ഷിതരാണെന്ന് അധികൃതർ നേരത്തെ വ്യക്തമാക്കിയിരുന്നു.
Recent Comments