by Midhun HP News | Mar 18, 2026 | Latest News, കേരളം
കൊച്ചി: മമ്മൂട്ടിയില് നിന്ന് അനുഗ്രഹം വാങ്ങിയെന്നും എല്ലാ ദിവസവും രാഷ്ട്രീയ വിഷയങ്ങളിലടക്കം അദ്ദേഹവുമായി ചര്ച്ചകള് നടത്താറുണ്ടെന്നും യുഡിഎഫ് സ്ഥാനാര്ഥി രമേഷ് പിഷാരടി. ചലച്ചിത്ര താരങ്ങളെയാരെയും താന് നിര്ബന്ധിച്ച് പ്രചാരണത്തിനു കൊണ്ടുവരില്ലെന്നും പിഷാരടി പറഞ്ഞു.
തൃപ്പൂണിത്തുറക്കാരുടെയും സിറ്റിങ് എംഎല്എ കെ ബാബുവിന്റെയും ‘അനുഗ്രഹം വാങ്ങി’യാണ് രമേഷ് പിഷാരടി പാലക്കാട്ടേക്ക് പോയത്. പാലക്കാട്ടേക്ക് പുറപ്പെടുന്നതിനു മുന്പ് മാധ്യമങ്ങളോട് സംസാരിക്കുകയായിരുന്നു അദ്ദേഹം.
നിലവില് രമേഷ് പിഷാരടി താമസിക്കുന്നത് തൃപ്പൂണിത്തുറയില് ആണ്. അവിടെ നിന്ന് വൈകിട്ട് നാലു മണിയോടെ പിഷാരടി പാലക്കാടെത്തി പ്രചരണത്തിനു തുടക്കം കുറിക്കും. എംഎല്എമാരെന്ന നിലയില് ഷാഫി പറമ്പിലും രാഹുല് മാങ്കൂട്ടത്തിലും പാലക്കാട് വിപ്ലവാത്മകരമായ കാര്യങ്ങള് ചെയ്തിട്ടുണ്ട്. രാഹുല് ചെയ്ത നല്ല കാര്യങ്ങളുടെ പിന്തുടര്ച്ച തന്റെ ഭാഗത്തു നിന്നുണ്ടാകും. ആരോപണങ്ങള് ഉയര്ന്നപ്പോള് തന്നെ കോണ്ഗ്രസ്, മാങ്കൂട്ടത്തിലിനെ പാര്ട്ടി സ്ഥാനങ്ങളില് നിന്നു മാറ്റിയിരുന്നുവെന്ന് പിഷാരടി ചൂണ്ടിക്കാട്ടി. എന്നാല് എംഎല്എ സ്ഥാനം രാജിവയ്ക്കുന്നത് അദ്ദേഹം തീരുമാനിക്കേണ്ടതാണ് എന്നു പറഞ്ഞത്, രാഹുലിനെ താന് പിന്തുണയ്ക്കുന്നു എന്ന രീതിയില് മാധ്യമങ്ങള് തലക്കെട്ടു കൊടുത്തതാണെന്നും പിഷാരടി പറഞ്ഞു.
”രാഹുല് 13 വീടുകള് വച്ചുകൊടുത്തിട്ടുണ്ട് എന്നാണ് എന്റെ അറിവ്. എട്ടോ പത്തോ വീടുകള് കൂടിയുള്ളത് നിര്മാണം പാതിയില് നില്ക്കുകയാണ്. അതിനെ പിന്താങ്ങുന്നില്ല എന്നു പറയാന് പറ്റില്ലല്ലോ. നല്ല കാര്യങ്ങള് എന്തെല്ലാമുണ്ടോ, അതിനെ പിന്തുണയ്ക്കലാണ് മുന്നിലുള്ള കാര്യമെന്നും പിഷാരടി പറഞ്ഞു. കോണ്ഗ്രസ് സ്ഥാനാര്ഥിത്വം ലഭിച്ചത് തന്റെ ഭാഗ്യമാണെന്നും ഇതിനു മുമ്പ് ഉപതിരഞ്ഞെടുപ്പുകളില് പേരുകള് വരാറുണ്ടായിരുന്നെങ്കിലും തന്റെ സൗകര്യത്തിന് അനുസരിച്ച് ഇന്ന സ്ഥലത്ത് മത്സരിക്കും എന്ന് ആലോചിച്ചിട്ടില്ലെന്നും പിഷാരടി പറഞ്ഞു. പാലക്കാട് തന്റെ ജന്മനാടാണ്. പാലക്കാട് ജില്ലയിലെ കുഴല്മന്ദത്താണ് തന്റെ അമ്മയുടെ നാടെന്നും പിഷാരടി പറഞ്ഞു. പിതാവ് ജോലിക്കായി വെള്ളൂരിലേക്ക് വന്നതുകൊണ്ട് പില്ക്കാലത്ത് തൃപ്പൂണിത്തുറയില് താമസമാക്കുകയായിരുന്നു. അതുകൊണ്ട് ‘ജനവിധി തേടി ജന്മനാട്ടിലേക്ക്’ പോവുന്നു എന്നും പിഷാരടി പറഞ്ഞു.
by Midhun HP News | Mar 18, 2026 | Latest News, കേരളം
കണ്ണൂര്: നിയമസഭ തെരഞ്ഞെടുപ്പില് കെ സുധാകരന് നാമനിര്ദേശപത്രിക സമര്പ്പിക്കാന് നീക്കം നടക്കുന്നതായി റിപ്പോർട്ട്. കേരള ഹൗസില് നിന്നും ബാധ്യതാ രഹിത സര്ട്ടിഫിക്കറ്റ് ആവശ്യപ്പെട്ടു. കേരള ഹൗസിലെ കുടിശ്ശിക കെ സുധാകരന് അടച്ചു തീര്ത്തു. ഡല്ഹി സിപിഡബ്യുവിലെയും കുടിശ്ശിക തീര്ക്കുകയാണ്. കുടിശ്ശിക അടച്ചു തീര്ത്താലേ എന്ഒസി സര്ട്ടിഫിക്കറ്റ് ലഭിക്കുകയുള്ളൂ. കണ്ണൂരില് മത്സരിക്കണമെന്ന നിലപാടില് കെ സുധാകരന് ഉറച്ചു നില്ക്കുകയാണെന്നാണ് വിവരം.
കോന്നിയില് അടൂര് പ്രകാശും മത്സരത്തിന് ഇറങ്ങാന് കോപ്പുകൂട്ടുകയാണ്. അടൂര് പ്രകാശും കേരള ഹൗസിലെ കുടിശ്ശികകള് അടച്ചു തീര്ത്തു. സംസ്ഥാന സര്ക്കാരില് നിന്നും ബാധ്യതാ രഹിത സര്ട്ടിഫിക്കറ്റ് സ്റ്റേറ്റ് പ്രോട്ടോക്കോള് ഓഫീസറോട് അടൂര് പ്രകാശ് ആവശ്യപ്പെട്ടിട്ടുണ്ട്. കോന്നിയില് സര്പ്രൈസ് ഉണ്ടാകില്ലെന്നും, അടൂര് പ്രകാശ് മത്സരിക്കുമെന്നുമാണ് അദ്ദേഹത്തോട് അടുപ്പമുള്ളവര് സൂചിപ്പിക്കുന്നത്.
അതിനിടെ, കെ സുധാകരനും അടൂര് പ്രകാശിനും നിയമസഭ തെരഞ്ഞെടുപ്പില് മത്സരിക്കാന് ഹൈക്കമാന്ഡ് അനുമതി നല്കിയേക്കുമെന്നും റിപ്പോര്ട്ടുകളുണ്ട്. ഇരുവരും നിയമസഭ തെരഞ്ഞെടുപ്പില് മത്സരിക്കണമെന്ന നിലപാടില് ഉറച്ചു നില്ക്കുന്ന സാഹചര്യത്തിലാണ്, ഇക്കാര്യങ്ങള് ഹൈക്കമാന്ഡ് വീണ്ടും ആലോചിക്കുന്നത്. നിയമസഭ തെരഞ്ഞെടുപ്പില് എംപിമാര് മത്സരിക്കേണ്ടെന്നായിരുന്നു കേരള നേതൃത്വം ഹൈക്കമാന്ഡിന് മുന്നില് നിര്ദേശം വെച്ചിരുന്നത്.
by Midhun HP News | Mar 18, 2026 | Latest News, കേരളം
തിരുവനന്തപുരം: രാജ്യത്ത് പാചകവാതക വിതരണ പ്രതിസന്ധി രൂക്ഷമായതോടെ ഹോട്ടൽ ഉടമകൾ തിങ്കളാഴ്ച കടകൾ അടച്ചിട്ട് പ്രതിഷേധിക്കും. അതേസമയം ആശങ്ക വേണ്ടെന്ന് കേന്ദ്രസർക്കാർ ഉറപ്പു പറയുന്നു. ഇറാനിൽ നിന്ന് കൂടുതൽ ടാങ്കറുകൾ ഇന്ത്യയിൽ എത്തിക്കാൻ ശ്രമം തുടരുകയാണെന്നും അധികൃതർ വിശദീകരിച്ചു.
പാചകവാതക ക്ഷാമത്തിൽ പ്രതിസന്ധിയിലായതോടെയാണ് ഹോട്ടൽ ഉടമകൾ സമരത്തിലേക്ക് പോകുന്നത്. നാളെ എണ്ണ കമ്പനികളുടെ ബോട്ട്ലിങ് പ്ലാന്റുകളിലേക്ക് മാർച്ച് നടത്താനും തിങ്കളാഴ്ച സംസ്ഥാന വ്യാപകമായി ഹോട്ടലുകൾ അടച്ചിട്ട് സൂചന പണിമുടക്ക് നടത്താനും കേരള ഹോട്ടൽ & റസ്റ്റോറന്റ് അസോസിയേഷൻ തീരുമാനിച്ചു. ഹോട്ടലുകളെ അവശ്യ സർവീസായി പ്രഖ്യാപിച്ച് പാചകവാതകം ഹോട്ടലുകൾക്ക് ലഭ്യമാക്കണമെന്ന് ആവശ്യപ്പെട്ടാണ് സമരം. അതേസമയം, എൽപിജി സിലിണ്ടറുകൾ പൂഴ്ത്തിവെപ്പിനെതിരെ രാജ്യവ്യാപക നടപടികൾ തുടരുകയാണ്. പൂഴ്ത്തിവെച്ച 15,000 സിലിണ്ടറുകൾ ഇതുവരെ പിടിച്ചെടുത്തു.
by Midhun HP News | Mar 18, 2026 | Latest News, കേരളം
രാത്രിയുടെ നിശബ്ദതയിൽ ആ പ്രിയപ്പെട്ടവരുടെ ചിരികൾ എന്നെന്നേക്കുമായി മാഞ്ഞുപോയി. കൊയിലാണ്ടി കുറുവങ്ങാട് അക്വഡറ്റിന് സമീപം നടന്ന ദാരുണമായ അപകടത്തിൽ മലബാർ മെഡിക്കൽ കോളേജ് വിദ്യാർത്ഥികളായ നന്ദകിഷോർ, അഭിയാൻ, അഭിനവ് എന്നിവരുടെ വിയോഗം നാടിനെ ഒന്നടങ്കം കണ്ണീരിലാഴ്ത്തിയിരിക്കുകയാണ്.
പുലർച്ചെ രണ്ട് മണിയോടെ ഇവർ സഞ്ചരിച്ചിരുന്ന ഇലക്ട്രിക് സ്കൂട്ടർ നിയന്ത്രണം വിട്ട് വൈദ്യുത പോസ്റ്റിലും പിന്നാലെ മതിലിലും ഇടിക്കുകയായിരുന്നു. വിവരമറിഞ്ഞ് നാട്ടുകാരും പോലീസും ചേർന്ന് ഉടൻ തന്നെ താലൂക്ക് ആശുപത്രിയിൽ എത്തിച്ചെങ്കിലും ആ ജീവനുകൾ രക്ഷിക്കാനായില്ല. ഒരു നാടിന്റെ മുഴുവൻ പ്രതീക്ഷകളായിരുന്ന മൂന്ന് യുവ ഡോക്ടർമാരുടെ വേർപാട് താങ്ങാനാവുന്നതിലും അപ്പുറമാണ്.
by Midhun HP News | Mar 18, 2026 | Latest News, കേരളം
ചിറയിൻകീഴ് ശ്രീ ശാർക്കര ദേവീക്ഷേത്രത്തിലെ ആറാം ഉത്സവ ദിനമായ മാർച്ച് 18ന് പതിവു പൂജകളെ തുടർന്ന് ഉച്ചയ്ക്ക് 11നുഉത്സവബലി ദർശനം, വൈകുന്നേരം 4നു ഓട്ടൻതുള്ളൽ, 5നു സ്പെഷ്യൽ നാദസ്വരം, തുടർന്ന് തിരുവാതിര / കൈകൊട്ടിക്കളി, 6.45നു ഹിന്ദു മത സമ്മേളനം, രാത്രി 9.30നു നൃത്തോത്സവം മെഗാഷോയും നടക്കും.
by Midhun HP News | Mar 17, 2026 | Latest News, കേരളം
കൊച്ചി: തൊണ്ടിമുതല് തിരിമറി കേസില് മുന്മന്ത്രി ആന്റണി രാജുവിന് കനത്ത തിരിച്ചടി. ശിക്ഷ മരവിപ്പിക്കണമെന്ന ആന്റണി രാജുവിന്റെ ഹര്ജി ഹൈക്കോടതി തള്ളി. ഇതോടെ തെരഞ്ഞെടുപ്പില് മത്സരിക്കുന്നതിനുള്ള ആന്റണി രാജുവിന്റെ അയോഗ്യത തുടരും. തിരുവനന്തപുരം സെന്ട്രല് മണ്ഡലത്തില് മത്സരിക്കുക ലക്ഷ്യമിട്ടാണ്, ജനാധിപത്യ കേരള കോണ്ഗ്രസ് നേതാവു കൂടിയായ ആന്റണി രാജു ഹൈക്കോടതിയില് അപ്പീല് നല്കിയത്.
തൊണ്ടിമുതല് തിരിമറി നടത്തിയ കേസില് ആന്റണി രാജുവിനെ നെടുമങ്ങാട് കോടതി മൂന്നു വര്ഷം തടവിനാണ് ശിക്ഷിച്ചത്. ശിക്ഷ നിലനില്ക്കുന്നതിനാല് തെരഞ്ഞെടുപ്പില് മത്സരിക്കാന് സാധിക്കില്ലെന്നും, അതിനാല് ശിക്ഷ മരവിപ്പിക്കണമെന്നും, അപ്പീലില് തുടര്ന്ന് വാദം കേള്ക്കണമെന്നുമാണ് ഹര്ജിയില് ആവശ്യപ്പെട്ടിരുന്നത്. തന്റെ പ്രായം കണക്കിലെടുക്കണമെന്നും, വീണ്ടും മത്സരിക്കാന് അവസരം ലഭിച്ചേക്കില്ലെന്നും ഹര്ജിയില് ആന്റണി രാജു വ്യക്തമാക്കിയിരുന്നു.
എന്നാല് ശിക്ഷ മരവിപ്പിക്കണമെന്ന ആന്റണി രാജുവിന്റെ ആവശ്യം ജസ്റ്റിസ് സി ജയചന്ദ്രന്റെ ബെഞ്ച് അംഗീകരിച്ചില്ല. ശിക്ഷ സ്റ്റേ ചെയ്യണമെന്ന ആന്റണി രാജുവിന്റെ ഹര്ജി നേരത്തെ തിരുവനന്തപുരം സെഷന്സ് കോടതിയും തള്ളിയിരുന്നു. മയക്കുമരുന്നു കേസില്പ്പെട്ട വിദേശപൗരനെ രക്ഷിക്കാന് വേണ്ടി, അഭിഭാഷകനായിരുന്ന ആന്റണി രാജു തൊണ്ടി മുതലായ പ്രതിയുടെ ജട്ടിയില് തിരിമറി നടത്തിയെന്നാണ് കേസ്.
Recent Comments