by Midhun HP News | Oct 10, 2024 | Latest News, കായികം
തിരുവനന്തപുരം: കേരള ക്രിക്കറ്റ് ലീഗിന് ശേഷം വീണ്ടും ക്രിക്കറ്റ് ആവേശത്തിലേക്ക് തലസ്ഥാന നഗരി. രഞ്ജി ട്രോഫി ക്രിക്കറ്റിൽ ഈ സീസണിലെ കേരളത്തിന്റെ ആദ്യ മത്സരത്തിന് വേദിയാകുന്നത് തിരുവനന്തപുരം. നാളെ പഞ്ചാബുമായാണ് കേരളത്തിൻറെ സീസണിലെ ആദ്യ പോരാട്ടം. തുമ്പ സെന്റ് സേവിയേഴ്സ് കോളജ് ഗ്രൗണ്ടിലാണ് മത്സരം നടക്കുന്നത്. ഈ സീസണിൽ മികച്ച പ്രകടനം കാഴ്ച്ചവെക്കുകയെന്ന ലക്ഷ്യവുമായി ഇറങ്ങുന്ന കേരളത്തെ നയിക്കുന്നത് സച്ചിൻ ബേബിയാണ്. ദേശീയ ടീമിനൊപ്പമായതിനാൽ സഞ്ജു സാംസനെ നിലവിൽ രഞ്ജി ടീമിൽ ഉൾപ്പെടുത്തിയിട്ടില്ല. മുൻ ഇന്ത്യൻ താരം അമയ് ഖുറേസിയ ആണ് ഇത്തവണ ടീമിന്റെ പരിശീലകൻ.
എങ്കിലും സന്തുലിതമായ ടീമാണ് ഇത്തവണത്തേത്. സച്ചിൻ ബേബിയും രോഹൻ കുന്നുമ്മലും വിഷ്ണു വിനോദും മുഹമ്മദ് അസറുദ്ദീനും അണിനിരക്കുന്ന ബാറ്റിങ് നിര ശക്തമാണ്.
ഇവരോടൊപ്പം മറ്റ് സംസ്ഥാനങ്ങളിൽ നിന്നു അതിഥി താരങ്ങളായി എത്തിയ ബാബ അപരാജിതും ജലജ് സക്സേനയും ചേരുമ്പോൾ ബാറ്റിങ് കരുത്ത് വീണ്ടും കൂടും. ഓൾ റൗണ്ടർ ആദിത്യ സർവാതെയാണ് മറ്റൊരു അതിഥി താരം. ഓൾ റൗണ്ട് കരുത്തു കണിക്കാറുള്ള ജലജ് സക്സേനയുടെ പ്രകടനം കഴിഞ്ഞ സീസണുകളിൽ നിർണയകമായിരുന്നു. ബേസിൽ തമ്പി, കെഎം ആസിഫ് തുടങ്ങിയവർ അണി നിരക്കുന്ന ബൗളിങ് പടയും കേരളത്തിനു കരുത്താകും.
വ്യത്യസ്ത ഫോർമാറ്റ് എങ്കിലും അടുത്തിടെ സമാപിച്ച കേരള ക്രിക്കറ്റ് ലീഗ്, ടീമംഗങ്ങളെ സംബന്ധിച്ച് മികച്ചൊരു തയ്യാറെടുപ്പിനാണ് അവസരം നൽകിയത്. ടൂർണമെന്റിൽ തിളങ്ങാനായത് സച്ചിൻ ബേബി, വിഷ്ണു വിനോദ്, മുഹമ്മദ് അസറുദ്ദീൻ, രോഹൻ കുന്നുമ്മൽ തുടങ്ങിയ താരങ്ങൾക്ക് ആത്മവിശ്വാസമാകും. കഴിഞ്ഞ സീസണിൽ ബംഗാളിന് എതിരെ മാത്രമായിരുന്നു കേരളത്തിന് ജയിക്കാനായത്. ഇത്തവണ കൂടുതൽ മെച്ചപ്പെട്ട പ്രകടനം ലക്ഷ്യമിടുന്ന ടീമിനെ സംബന്ധിച്ച് ബാറ്റിങ് നിരയുടെ പ്രകടനം തന്നെയാകും കൂടുതൽ നിർണായകമാവുക. കാരണം രഞ്ജിയിൽ ആദ്യ ഇന്നിങ്സ് ലീഡാണ് പലപ്പോഴും പോയിന്റ് പട്ടികയിലെ സ്ഥാനം നിശ്ചയിക്കുക.
ഈ സീസണിൽ കേരളം നാല് മത്സരങ്ങളാണ് ഹോം പോരാട്ടം കളിക്കുന്നത്. പഞ്ചാബിന് പുറമെ ഉത്തർപ്രദേശ്, മധ്യപ്രദേശ്, ബിഹാർ ടീമുകളാണ് മത്സരങ്ങൾക്കായി തിരുവനന്തപുരത്തെത്തുക. ഇതിൽ ബിഹാർ ഒഴികെയുള്ള ടീമുകളെല്ലാം തന്നെ ദേശീയ ടീമിലും ഐപിഎല്ലിലുമൊക്കെ കളിച്ച് ശ്രദ്ധേയ താരങ്ങൾ കൊണ്ട് സമ്പന്നമാണ്.
ആദ്യ മത്സരത്തിലെ എതിരാളികളായ പഞ്ചാബ് കഴിഞ്ഞ സീസണിലെ സയ്യദ് മുഷ്താഖ് അലി ടൂർണമെൻറ് ജേതാക്കളാണ്. ശുഭ്മാൻ ഗിൽ, അഭിഷേക് ശർമ്മ, അർഷദീപ് സിങ് എന്നിവരില്ലെങ്കിലും താര സമ്പന്നമാണ് ഇത്തവണത്തെ പഞ്ചാബ് ടീം. ഐപിഎല്ലിലൂടെ ശ്രദ്ധേയരായ പ്രഭ്സിമ്രാൻ സിങ്, അൻമോൽപ്രീത് സിങ്, സിദ്ദാർഥ് കൗൾ തുടങ്ങിയവർ ടീമിലുണ്ട്. വസിം ജാഫറാണ് ടീമിന്റെ പരിശീലകൻ.
ഉത്തർപ്രദേശ് ടീമിൽ നിതീഷ് റാണ, യഷ് ദയാൽ തുടങ്ങിയ താരങ്ങളും മധ്യപ്രദേശ് ടീമിൽ രജത് പടിദാർ, വെങ്കിടേഷ് അയ്യർ, അവേശ് ഖാൻ തുടങ്ങിയവരും ഉണ്ട്. ഇവരുടെയൊക്കെ പ്രകടനം കാണാനുള്ള അവസരം കൂടിയാകും കേരളത്തിലെ ക്രിക്കറ്റ് പ്രേമികൾക്ക് തിരുവനന്തപുരത്തെ മത്സരങ്ങൾ.
കാലാവസ്ഥ അടക്കമുള്ള കാര്യങ്ങൾ പരിഗണിച്ച് രണ്ട് ഘട്ടങ്ങളായാണ് ഇത്തവണത്തെ രഞ്ജി മത്സരങ്ങൾ. ആദ്യ ഘട്ടം ഒക്ടോബർ 11 മുതൽ നവംബർ 13 വരെയാണ്. ജനുവരി 23നാണ് രണ്ടാം ഘട്ടം തുടങ്ങുക. നവംബർ ആറ് മുതൽ ഒൻപത് വരെയാണ് ഉത്തർപ്രദേശുമായുള്ള കേരളത്തിന്റെ മത്സരം. മധ്യപ്രദേശുമായുള്ള മത്സരം ജനുവരി 23നും ബിഹാറുമായുള്ള മത്സരം ജനുവരി 30നും അരങ്ങേറും.
by Midhun HP News | Oct 10, 2024 | Latest News, കായികം
ദുബായ്: വനിതാ ടി20 ലോകകപ്പിലെ നിര്ണായക മത്സരത്തില് 82 റണ്സിന്റെ മിന്നും ജയം സ്വന്തമാക്കി സെമി പ്രതീക്ഷ നിലനിര്ത്തി ഇന്ത്യ. ശ്രീലങ്കന് വനിതകളെയാണ് ഇന്ത്യ തകര്ത്തത്. ആദ്യം ബാറ്റ് ചെയ്ത ഇന്ത്യ നിശ്ചിത ഓവറില് 3 വിക്കറ്റ് നഷ്ടത്തില് 172 റണ്സെന്ന പൊരുതാവുന്ന സ്കോര് പടുത്തുയര്ത്തി. ലങ്കയുടെ പോരാട്ടം 19.5 ഓവറില് വെറും 90 റണ്സില് അവസാനിപ്പിച്ചാണ് ഇന്ത്യന് വനിതകള് ജയം പിടിച്ചത്.
പോയിന്റ് പട്ടികയില് ഇന്ത്യ രണ്ടാം സ്ഥാനത്തെത്തി. നെറ്റ് റണ് റേറ്റും ഉയര്ത്തിയാണ് ഇന്ത്യ പ്രതീക്ഷ കാത്തത്.
4 ഓവറില് 19 റണ്സ് മാത്രം വഴങ്ങി മൂന്ന് വിക്കറ്റുകള് വീഴ്ത്തി മലയാളി താരം ആശ ശോഭനയും അരുന്ധതി റെഡ്ഡിയും ലങ്കയെ തകര്ക്കാന് ഇന്ത്യക്ക് തുണയായി. പന്തെടുത്ത എല്ലാ താരങ്ങളും വിക്കറ്റ് കൊയ്തതോടെ ഇന്ത്യന് ജയം അനായാസമായി. രേണുക സിങ് രണ്ട് വിക്കറ്റുകള് വീഴ്ത്തി. ശ്രേയങ്ക പാട്ടീല്, ദീപ്തി ശര്മ എന്നിവര് ഓരോ വിക്കറ്റും സ്വന്തമാക്കി.
ലങ്കന് നിരയില് കവിഷ ദില്ഹരി (21) ടോപ് സ്കോററായി. 20 റണ്സെടുത്ത അനുഷ്ക സഞ്ജീവനി, 19 റണ്സെടുത്ത അമ കാഞ്ചന എന്നിവരാണ് രണ്ടക്കം കടന്ന മറ്റുള്ളവര്. മറ്റൊരാളും ക്രീസില് അധികം നിന്നില്ല.
‘ഓള് റൗണ്ട്’ നിതീഷ്; ബംഗ്ലാദേശിനെതിരായ ടി20 പരമ്പര ഇന്ത്യക്ക്
നേരത്തെ ആദ്യം ബാറ്റ് ചെയ്ത ഇന്ത്യക്കായി 27 പന്തില് 52 റണ്സുമായി പുറത്താകാതെ നിന്ന ക്യാപ്റ്റന് ഹര്മന്പ്രീത് കൗറാണ് ടോപ് സ്കോററായി. ഹര്മന്പ്രീത് കൗറിനെ കൂടാതെ സ്മൃതി മന്ധാനയും (38 പന്തുകളില് 50) അര്ധ സെഞ്ച്വറി നേടി. ഷെഫാലി വര്മ 40 പന്തില് 43 റണ്സും നേടി.
ക്രീസിലിറങ്ങിയ ഇന്ത്യക്ക് ഓപ്പണര്മാരായ ഷെഫാലി വര്മയും സ്മൃതി മന്ധാനയും ചേര്ന്ന് വെടിക്കെട്ട് തുടക്കമാണ് നല്കിയത്. ഓപ്പണിംഗ് വിക്കറ്റില് ഇരുവരും ചേര്ന്ന് 12.4 ഓവറില് 98 റണ്സടിച്ചശേഷമാണ് വേര്പിരിഞ്ഞത്. 38 പന്തില് 50 റണ്സടിച്ച സ്മൃതിയാണ് ആദ്യം പുറത്തായത്. പിന്നീട് ഷെഫാലിയും പുറത്തായി.
ഹര്മന്പ്രീത് മുന്നില് നിന്നു നയിച്ചപ്പോള് ഇന്ത്യ മികച്ച സ്കോറിലേക്ക് കുതിക്കുകയായിരുന്നു. ഇന്നിങ്സിലെ അവസാന പന്തില് അര്ധ സെഞ്ച്വറി തികച്ച ഹര്മന്പ്രീത് പുറത്താകാതെ നിന്നപ്പോള് ആറ് പന്തില് ആറ് റണ്സുമായി റിച്ച ഘോഷ്, 10 പന്തുകളില് നിന്ന് 16 റണ്സ് നേടിയ ജെമിമ റോഡ്രിഗസ് എന്നിവരാണ് മറ്റ് സ്കോറര്മാര്.
by Midhun HP News | Oct 10, 2024 | Latest News, കായികം
ന്യൂഡല്ഹി: ബംഗ്ലാദേശിനെതിരായ ടി20 പരമ്പര ഇന്ത്യക്ക്. രണ്ടാം ടി20യില് 86 റണ്സിന്റെ തകര്പ്പന് ജയം സ്വന്തമാക്കിയാണ് ഇന്ത്യ മൂന്ന് മത്സരങ്ങളടങ്ങിയ പരമ്പര 2-0ത്തിനു ഉറപ്പിച്ചത്. ആദ്യം ബാറ്റ് ചെയ്ത ഇന്ത്യ നിശ്ചിത ഓവറില് 9 വിക്കറ്റ് നഷ്ടത്തില് 221 റണ്സ് കണ്ടെത്തി. വിജയം തേടിയിറങ്ങിയ ബംഗ്ലാദേശിന്റെ പോരാട്ടം 20 ഓവറില് 9 വിക്കറ്റ് നഷ്ടത്തില് 135 റണ്സില് അവസാനിച്ചു.
ബാറ്റിങിനു പിന്നാലെ ബൗളിങിലും തിളങ്ങി രണ്ടാം ടി20 കളിക്കുന്ന നിതീഷ് കുമാര് ഇന്ത്യന് ജയത്തില് നിര്ണായക പങ്ക് വഹിച്ചു. 34 പന്തില് നിന്ന് 74 റണ്സെടുത്ത നിതീഷ് ഇന്ത്യയുടെ ടോപ് സ്കോററായി. പിന്നാലെ 23 റണ്സ് വഴങ്ങി താരം 2 വിക്കറ്റുകളും സ്വന്തമാക്കി.
39 പന്തില് 41 റണ്സെടുത്ത മഹ്മുദുല്ലയാണ് ബംഗ്ലാ നിരയില് പിടിച്ചു നിന്ന ഏക ബാറ്റര്. താരം 3 സിക്സുകള് തൂക്കി. പര്വേസ് ഹുസൈന്, മെഹ്ദി ഹസന് മിറസ് (16 വീതം റണ്സ്), ലിറ്റന് ദാസ് (14), ക്യാപ്റ്റന് നജ്മല് ഹുസൈന് ഷാന്റോ (11) എന്നിവരാണ് രണ്ടക്കം കടന്ന മറ്റുള്ളവര്. ഇന്ത്യക്കായി നിതീഷിനു പുറമെ വരുണ് ചക്രവര്ത്തിയും ബൗളിങില് തിളങ്ങി. താരം 4 ഓവറില് 19 റണ്സ് മാത്രം വഴങ്ങി 2 വിക്കറ്റുകള് നേടി. ഇന്ത്യന് നിരയില് പന്തെറിഞ്ഞ എല്ലാവര്ക്കും വിക്കറ്റ് കിട്ടി. അര്ഷ്ദീപ് സിങ്, വാഷിങ്ടന് സുന്ദര്, അഭിഷേക് ശര്മ, മായങ്ക് യാദവ്, റിയാന് പരാഗ് എന്നിവര് ഓരോ വിക്കറ്റെടുത്തു.
ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യയ്ക്ക് തുടക്കത്തില് തന്നെ സഞ്ജു സാംസണെ നഷ്ടമായി. ഏഴ് പന്തില് പത്ത് റണ്സെടുത്ത സഞ്ജു ഷാന്റോയുടെ പന്തില് പുറത്താകുകയായിരുന്നു. പിന്നാലെ 11 പന്തില് 15 റണ്സ് നേടിയ അഭിഷേക് ശര്മയും പുറത്തായി. 25 ന് രണ്ട് എന്ന നിലയിലായ ഇന്ത്യയെ നായകന് സൂര്യകുമാറും നിതീഷും ചേര്ന്ന് സ്കോര് മുന്നോട്ട് കൊണ്ടുപോയെങ്കിലും എട്ട് റണ്സെടുത്ത് സൂര്യകുമാറും മടങ്ങി.
പിന്നീടെത്തിയ റിങ്കു സിങുമായി ചേര്ന്ന് നിതീഷ് സ്കോര് അതിവേഗം മുന്നോട്ട് നീക്കി. 10 ഓവറില് ഇന്ത്യ നൂറ് കടന്നു. സ്കോര് 149 ല് എത്തി നില്ക്കെ നിതിഷ് പുറത്തായി. പിന്നിടെത്തിയ ഹര്ദിക് പാണ്ഡ്യയും റിങ്കു സിങും(29 പന്തില് 53) സ്കോര് 185 ല് എത്തിച്ചു. റിങ്കു പുറത്തായ ശേഷം ഹര്ദിക് പാണ്ഡ്യ ആക്രമണം ഏറ്റെടുത്തു. 19 പന്തില് നിന്ന് 32 റണ്സെടുത്ത പാണ്ഡ്യ മടങ്ങുമ്പോള് ഇന്ത്യ 214 ന് എട്ട് എന്ന നിലയിലായിരുന്നു. പിന്നീട് അര്ഷ്ദീപ് സിങ് (6), മായങ്ക് യാദവ് (1) എന്നിവര് ചേര്ന്ന് സ്കോര് 221ല് എത്തിച്ചു. മായങ്കിനൊപ്പം വാഷിങ്ടന് റണ്സൊന്നുമില്ലാതെ പുറത്താകാതെ നിന്നു.
by Midhun HP News | Oct 6, 2024 | Latest News, കായികം
ഗ്വാളിയോര്: ടെസ്റ്റ് പരമ്പര തൂത്തുവാരിയതിന് പിന്നാലെ ബംഗ്ലാദേശിനെതിരായ ടി20 പരമ്പരയിലെ ആദ്യ മത്സരത്തിന് ഇന്ത്യ ഇന്നിറങ്ങും. ഇന്ന് രാത്രി ഏഴിന് ഗ്വാളിയോറിലെ മാധവ് റാവു സിന്ധ്യ സ്റ്റേഡിയത്തിലാണ് മത്സരം.സ്പോര്ട്സ് 18 നെറ്റ്വര്ക്കിലും ജിയോ സിനിമയിലും മത്സരം തത്സമയം കാണാനാകും. ബംഗ്ലാദേശിലെ വിദ്യാര്ത്ഥി പ്രക്ഷോഭത്തെത്തുടര്ന്നുള്ള കലാപത്തിൽ ഹിന്ദുക്കള് ആക്രമിക്കപ്പെട്ടുവെന്നും അതുകൊണ്ട് ബംഗ്ലാദേശിനെതിരായ പരമ്പര ഉപേക്ഷിക്കണമെന്നും ആവശ്യപ്പെട്ട് ഹിന്ദു സംഘടനകള് ഇന്ന് ഗ്വാളിയോറില് ബന്ദിന് ആഹ്വാനം ചെയ്തിട്ടുണ്ട്.
മത്സരത്തിനിടെ പ്രതിഷേധം ഉണ്ടാവാനുള്ള സാധ്യത കണക്കിലെടുത്ത് കനത്ത സുരക്ഷയാണ് ഒരുക്കിയിരിക്കുന്നത്. ഗ്വാളിയോറില് ജില്ലാ ഭരണകൂടം നിരോധനാജ്ഞ പുറപ്പെടുവിച്ചിട്ടുണ്ട്.മത്സരത്തിലേക്ക് വന്നാല് മലയാളി താരം സഞ്ജു സാംസണ് ഇന്ത്യക്കായി ടി20യില് ഓപ്പണറായി അരങ്ങേറുന്ന പരമ്പര കൂടിയായിരിക്കും ഇത്. ബംഗ്ലാദേശിനെതിരായ ടി20 പരമ്പരക്കുള്ള ടീമില് ഇന്ത്യ അഭിഷേക് ശര്മയെ മാത്രമാണ് സ്പെഷലിസ്റ്റ് ഓപ്പണറായി ഉള്പ്പെടുത്തിയിട്ടുള്ളത്.
അതിനാല് ഇന്ന് സഞ്ജുവാകും അഭിഷേകിനൊപ്പം ഇറങ്ങുകയെന്ന് ക്യാപ്റ്റൻ സൂര്യകുമാര് യാദവ് വ്യക്തമാക്കിയിട്ടുണ്ട്.ഐപിഎല്ലില് അതിവേഗം കൊണ്ട് ഞെട്ടിച്ച പേസര് മായങ്ക് യാദവ് ഇന്ന് ഇന്ത്യൻ കുപ്പായത്തില് അരങ്ങേറുമോ എന്നതാണ് ആരാധകരുടെ മറ്റൊരു ആകാംക്ഷ. മായങ്കിനൊപ്പം പേസ് നിരയില് ഹര്ഷിത് റാണ, അര്ഷ്ദീപ് സിംഗ് എന്നിവരാകും ഉണ്ടാകുക. ഇടവേളക്ക് ശേഷം ടീമില് തിരിച്ചെത്തിയ വരുണ് ചക്രവര്ത്തിക്ക് ഇന്ന് അവസരമുണ്ടാകാന് ഇടയില്ല. വാഷിംഗ്ടണ് സുന്ദറും രവി ബിഷ്ണോയിയുമായിരിക്കും സ്പിന്നര്മാരുടെ റോളില്.
ശിവം ദുബെ പരിക്കേറ്റ് പുറത്തായ സാഹചര്യക്കില് റിങ്കു സിംഗിനൊപ്പം റിയാന് പരാഗിന് പ്ലേയിംഗ് ഇലവനില് അവസരം ഒരുങ്ങുമെന്നാണ് കരുതുന്നത്. പകരക്കാരനായി എത്തിയ തിലക് വര്മക്ക് ആദ്യ മത്സരത്തില് അവസരമുണ്ടാകില്ല.ആദ്യ ടി20ക്കുള്ള ടീം ഇവരില് നിന്ന്: അഭിഷേക് ശര്മ, സഞ്ജു സാംസണ് (വിക്കറ്റ് കീപ്പര്), സൂര്യകുമാര് യാദവ് (ക്യാപ്റ്റന്), റിയാന് പരാഗ്, തിലക് വര്മ, ഹാര്ദിക് പാണ്ഡ്യ, റിങ്കു സിംഗ്, നിതീഷ് റെഡ്ഡി, വാഷിംഗ്ടണ് സുന്ദര്, ജിതേഷ് ശര്മ (വിക്കറ്റ് കീപ്പര്), രവി ബിഷ്ണോയ്, മായങ്ക് യാദവ്, അര്ഷ്ദീപ് സിംഗ്, വരുണ് ചക്രവര്ത്തി, ഹര്ഷിത് റാണ.
by Midhun HP News | Sep 20, 2024 | Latest News, കായികം
അനന്തപൂര്: ദുലീപ് ട്രോഫി ക്രിക്കറ്റില് ഇന്ത്യ ബിക്കെതിരെ സഞ്ജു സാംസണ് സെഞ്ച്വറി. ഇന്ത്യ ഡി ടീമംഗമായ സഞ്ജു 101 പന്തില് 106 റണ്സെടുത്ത് പുറത്തായി. 12 ബൗണ്ടറികളും മൂന്ന് സിക്സറുകളും ഉള്പ്പെടുന്നതായിരുന്നു സഞ്ജുവിന്റെ ഇന്നിങ്സ്. നവദീപ് സെയ്നിയുടെ പന്തില് നിതീഷ് കുമാര് റെഡ്ഡി പിടിച്ചാണ് സഞ്ജു പുറത്തായത്.
ഇന്നലെ കളിനിര്ത്തുമ്പോള് സഞ്ജു 89 റണ്സെടുത്ത് പുറത്താകാതെ നില്ക്കുകയായിരുന്നു.ആദ്യ ഇന്നിങ്സിൽ ഇന്ത്യ ഡി സഞ്ജുവിന്റെ സെഞ്ച്വറിയുടെ മികവിൽ 349 റൺസിന് പുറത്തായി. ശ്രേയസ് അയ്യര് നയിക്കുന്ന ഇന്ത്യ ഡി ടീമിന് വേണ്ടി ഓപ്പണര്മാരായ ദേവ്ദത്ത് പടിക്കല്, ശ്രീകര് ഭരത്, റിക്കി ഭുയി എന്നിവര് അര്ധ സെഞ്ച്വറി നേടിയിരുന്നു. ഇന്ത്യ ബിയ്ക്ക് വേണ്ടി നവദീപ് സെയ്നി നാലു വിക്കറ്റെടുത്തു. രാഹുല് ചാഹര് മൂന്നു വിക്കറ്റും വീഴ്ത്തി. അഭിമന്യു ഈശ്വരന് ആണ് ഇന്ത്യ ബി ടീം നായകന്. സൂര്യകുമാര് യാദവ്, മുഷീര് ഖാന്, വാഷിങ്ടണ് സുന്ദര്, മുകേഷ് കുമാര് തുടങ്ങിയവര് ഇന്ത്യ ബി ടീമിലുണ്ട്.
by Midhun HP News | Sep 11, 2024 | Latest News, കായികം
ന്യൂഡല്ഹി: ഒളിംപിക്സില് നിന്ന് അയോഗ്യയാക്കപ്പെട്ടതിന് ശേഷം തന്നെ കാണാനെത്തിയ ഒളിംപിക്സ് അസോസിയേഷന് പ്രസിഡന്റ് രാഷ്ട്രീയം കളിച്ചുവെന്ന ആരോപണവുമായി ഗുസ്തി താരം വിനേഷ് ഫോഗട്ട്. ഹരിയാനയില് കോണ്ഗ്രസ് ടിക്കറ്റില് മത്സരിക്കുന്ന വിനേഷ് ഒരു പ്രാദേശീക ചാനലിന് നല്കിയ അഭിമുഖത്തിലാണ് ഇക്കാര്യം പറയുന്നത്.
ഒളിംപിക്സില് അയോഗ്യയാക്കപ്പെട്ട വിനേഷിനെ പി ടി ഉഷ ആശുപത്രിയില് സന്ദര്ശിക്കുന്നതിന്റെ ചിത്രം സാമൂഹ്യമാധ്യങ്ങളില് വലിയ ശ്രദ്ധ നേടിയിരുന്നു. എന്നാല് ഇത് ആത്മാര്ഥമായ പിന്തുണയായി തനിക്ക് തോന്നിയില്ലെന്ന വിമര്ശനമാണ് വിനേഷ് ഫോഗട്ട് ഉന്നയിച്ചിരിക്കുന്നത്. ആശുപത്രിയില് തനിക്കൊപ്പമുള്ള ചിത്രം പി ടി ഉഷ അനുവാദമില്ലാതെയാണ് എടുത്തതെന്നും വിനേഷ് ആരോപിച്ചു.
‘പി.ടി. ഉഷ മാഡം എന്നെ ആശുപത്രിയില് സന്ദര്ശിച്ചു. ഒരു ഫോട്ടോ എടുത്തു.. നിങ്ങള് പറഞ്ഞത് പോലെ രാഷ്ട്രീയത്തില് പലതും നടക്കുന്നത് അടഞ്ഞ വാതിലുകള്ക്ക് പിന്നിലാണ്. അതുപോലെ അവിടെയും (പാരീസില്) രാഷ്ട്രീയം ഉണ്ടായി. അതുകൊണ്ടാണ് എന്റെ ഹൃദയം തകര്ന്നത് ” വിനേഷ് പറഞ്ഞു.
50 കിലോഗ്രാം ഫ്രീസ്റ്റൈല് വിഭാഗത്തില് മത്സരിച്ച വിനേഷിന് 100 ഗ്രാം ഭാരം കൂടുതലുണ്ടെന്ന് കണ്ടെത്തിയതിനെ തുടര്ന്നാണ് ഫൈനലില് അയോഗ്യയാക്കിയത്.
ഒളിംപിക്സില് അയോഗ്യയാക്കപ്പെട്ട വിനേഷിനെ പി ടി ഉഷ ആശുപത്രിയില് സന്ദര്ശിക്കുന്നയിന്റെ ചിത്രം സാമൂഹ്യമാധ്യങ്ങളില് വലിയ ശ്രദ്ധ നേടിയിരുന്നു. എന്നാല് ഇത് ആത്മാര്ഥമായ പിന്തുണയായി തനിക്ക് തോന്നിയില്ലെന്ന വിമര്ശനമാണ് വിനേഷ് ഫോഗട്ട് ഉന്നയിച്ചിരിക്കുന്നത്. ആശുപത്രിയില് തനിക്കൊപ്പമുള്ള ചിത്രം പി ടി ഉഷ അനുവാദമില്ലാതെയാണ് എടുത്തതെന്നും ഒന്നും പറയാതെ മടങ്ങിയെന്നും വിനേഷ് ആരോപിച്ചു. ഒളിംപിക്സില് അയോഗ്യയാക്കപ്പെട്ട വിനേഷിനെ പി ടി ഉഷ ആശുപത്രിയില് സന്ദര്ശിക്കുന്നതിന്റെ ചിത്രം സാമൂഹ്യമാധ്യങ്ങളില് വലിയ ശ്രദ്ധ നേടിയിരുന്നു. എന്നാല് ഇത് ആത്മാര്ഥമായ പിന്തുണയായി തനിക്ക് തോന്നിയില്ലെന്ന വിമര്ശനമാണ് വിനേഷ് ഫോഗട്ട് ഉന്നയിച്ചിരിക്കുന്നത്. ആശുപത്രിയില് തനിക്കൊപ്പമുള്ള ചിത്രം പി ടി ഉഷ അനുവാദമില്ലാതെയാണ് എടുത്തതെന്നും വിനേഷ് ആരോപിച്ചു.
‘പി.ടി. ഉഷ മാഡം എന്നെ ആശുപത്രിയില് സന്ദര്ശിച്ചു. ഒരു ഫോട്ടോ എടുത്തു.. നിങ്ങള് പറഞ്ഞത് പോലെ രാഷ്ട്രീയത്തില് പലതും നടക്കുന്നത് അടഞ്ഞ വാതിലുകള്ക്ക് പിന്നിലാണ്. അതുപോലെ അവിടെയും (പാരീസില്) രാഷ്ട്രീയം ഉണ്ടായി. അതുകൊണ്ടാണ് എന്റെ ഹൃദയം തകര്ന്നത് ” വിനേഷ് പറഞ്ഞു.
Recent Comments