കേരള കോൺ​ഗ്രസിൽ നിന്നും നേതാക്കളുടെ രാജി തുടരുന്നു; മാത്യു സ്റ്റീഫൻ രാജിവെച്ചു

by Midhun HP News | Apr 20, 2023 | Latest News, കേരളം, ജില്ലാ വാർത്ത

കോട്ടയം: കേരള കോൺ​ഗ്രസിൽ നിന്നും നേതാക്കളുടെ രാജി തുടരുന്നു. കേരള കോൺ​ഗ്രസ് ജോസഫ് വിഭാ​ഗം വൈസ് ചെയർമാൻ മാത്യു സ്റ്റീഫൻ പാർട്ടിയിൽ നിന്നും രാജിവെച്ചു. ഉടുമ്പൻചോല മുൻ എംഎൽഎയാണ്. വ്യക്തിപരമായ കാരണങ്ങളാലാണ് രാജിവെക്കുന്നതെന്ന് മാത്യു സ്റ്റീഫൻ പറഞ്ഞു. കേരള കോൺ​ഗ്രസിന് പ്രഖ്യാപിത ലക്ഷ്യങ്ങളിൽ എത്തിച്ചേരാൻ കഴിഞ്ഞിട്ടില്ല. അത്തരമൊരു പ്രസ്ഥാനത്തിൽ മുന്നോട്ടുപോകാനാകില്ലെന്നും അദ്ദേഹം കൂട്ടിച്ചേർത്തു.

കഴിഞ്ഞ ദിവസം ജോണി നെല്ലൂർ കേരള കോൺ​ഗ്രസിൽ നിന്നും രാജിവെച്ചിരുന്നു. ദേശീയ കാഴ്ചപ്പാടുള്ള പുതിയൊരു രാഷ്ട്രീയ പാർട്ടി രൂപീകരിക്കുമെന്ന് ജോണി നെല്ലൂർ പ്രഖ്യാപിച്ചിരുന്നു.

രാജ്യത്ത് കൊവിഡ് ബാധിതരുടെ എണ്ണത്തിൽ വൻ വർധനവ്

by Midhun HP News | Apr 20, 2023 | Latest News, കേരളം, ജില്ലാ വാർത്ത

രാജ്യത്ത് കൊവിഡ് ബാധിതരുടെ എണ്ണത്തിൽ വൻ വർധനവ്. കഴിഞ്ഞ 24 മണിക്കൂറിനിടെ ഇന്ത്യയിൽ 12,591 പേർക്ക് കൂടി രോഗം സ്ഥിരീകരിച്ചു. ഇത് ഇന്നലത്തേതിനേക്കാൾ 20 ശതമാനം കൂടുതലാണ്. ഒമിക്രോൺ സബ് വേരിയന്റായ XBB.1.16 ആണ് കേസുകളുടെ വർദ്ധനവിന് കാരണമെന്ന് മെഡിക്കൽ വിദഗ്ധർ പറയുന്നു. കേന്ദ്ര ആരോഗ്യ മന്ത്രാലയത്തിന്റെ കണക്കുകൾ പ്രകാരം നിലവിൽ സജീവ കേസുകളുടെ എണ്ണം 65,286 ആണ്. വ്യാഴാഴ്ച 10,827 പേർ രോഗമുക്തി നേടി. നിലവിൽ പരിഭ്രാന്തരാകേണ്ട ആവശ്യമില്ല. കൊവിഡ് പ്രോട്ടോകോൾ പിന്തുടരണമെന്നും ബൂസ്റ്റർ ഡോസുകൾ എടുക്കണമെന്നും ആരോഗ്യ വിദഗ്ധർ കൂട്ടിച്ചേർത്തു.

ചിറയിൻകീഴ് വനിതാ ഭക്തജനക്കൂട്ടായ്മയും ഗുരുക്ഷേത്ര വനിതാ ഭക്തജന സമിതിയും രൂപീകരിച്ചു

by Midhun HP News | Apr 20, 2023 | Latest News, കേരളം, ജില്ലാ വാർത്ത

ശാർക്കര ശ്രീനാരായണ ഗുരുക്ഷേത്രത്തിൽ വനിതാ ഭക്തജനക്കൂട്ടായ്മ സംഗമവും ഗുരുക്ഷേത്ര വനിതാ ഭക്തജന സമിതിയും രൂപീകരിച്ചു. ക്ഷേത്ര മണ്ഡപത്തിൽ നടന്ന വനിതാ സംഗമവും സമിതി പ്രവർത്തനോദ്ഘാടനവും പ്രസിഡന്റ് ഡോ.ബി.സീരപാണി ഭദ്രദീപം തെളിച്ച് നിർവഹിച്ചു.

വനിതാ സംഘം യൂണിയൻ പ്രസിഡന്റ് ലതികാ പ്രകാശ് അദ്ധ്യക്ഷത വഹിച്ചു. കോ-ഓർഡിനേറ്റർ രമണി ടീച്ചർ വക്കം, സെക്രട്ടറി ഷീല സോമൻ, ട്രഷറർ ഉദയകുമാരി വക്കം, വൈസ് പ്രസിഡന്റ് നിമ്മി ശ്രീജിത്ത്, ഗുരുക്ഷേത്രസമിതി സെക്രട്ടറി ശ്രീകുമാർ പെരുങ്ങുഴി, എസ്.എൻ ട്രസ്റ്റ് ലൈഫ് മെമ്പർ ചന്ദ്രൻ പട്ടരുമഠം, വൈസ് പ്രസിഡന്റ് പ്രദീപ് സഭവിള, യൂണിയൻ കൗൺസിലർ സി.കൃത്തിദാസ്, ഗുരുക്ഷേത്ര കാര്യദർശി ജി.ജയചന്ദ്രൻ, വൈസ് പ്രസിഡന്റ് എസ്.സുന്ദരേശൻ, ട്രഷറർ ചന്ദ്രസേനൻ എന്നിവർ സംസാരിച്ചു.

ഗുരുക്ഷേത്ര വനിതാ ഭക്തജനക്കൂട്ടായ്മയുടെ ഭാരവാഹികളായി വത്സല പുതുക്കരി (പ്രസിഡന്റ്), രമ അഴൂർ (വൈസ് പ്രസിഡന്റ്), ബീന ഉദയകുമാർ (സെക്രട്ടറി), ഷിനി (ജോയിന്റ് സെക്രട്ടറി), വിജയ (ട്രഷറർ), സജിത,രോഹിണി സുജാതൻ, സുഗിത, രശ്മി, ഓമന സോമൻ, അനിത, ബിനി, ഇന്ദിര ബാബു (ഭരണ സമിതി അംഗങ്ങൾ) എന്നിവർ ചുമതലയേറ്റു.

ഡാൻസ് കൊറിയോഗ്രാഫർ രാജേഷ് അന്തരിച്ചു

by Midhun HP News | Apr 20, 2023 | Latest News, കേരളം, ജില്ലാ വാർത്ത

തെന്നിന്ത്യൻ സിനിമയിലെ പ്രശസ്തനായ ഡാൻസ് കൊറിയോഗ്രഫർ രാജേഷ് മാസ്റ്റർ അന്തരിച്ചു. ഇലക്‌ട്രോ ബാറ്റിൽസ് എന്ന ഡാൻസ് ഗ്രൂപ്പിന്റെ സ്ഥാപകനാണ്. മരണകാരണം വ്യക്തമല്ല. കൊച്ചി സ്വദേശിയായ രാജേഷ് ഫെഫ്ക ഡാൻസേഴ്സ് യൂണിയൻ എക്സിക്യൂട്ടീവ് മെമ്പറാണ്.

സ്റ്റാർനൈറ്റ് സ്റ്റേജ് ഷോകളുമായി രാജേഷ് ഒട്ടേറെ വിദേശരാജ്യങ്ങൾ സന്ദർശിച്ചിട്ടുണ്ട്. ചാനൽ ഷോകൾക്ക് വേണ്ടി അദ്ദേഹം രൂപകൽപ്പന ചെയ്ത ചടുലമായ ചലനങ്ങളിലൂടെ പ്രേക്ഷകരുടെയും അഭിനേതാക്കളുടെയും പ്രിയപ്പെട്ട കൊറിയോഗ്രാഫറായിരുന്നു അദ്ദേഹമെന്ന് ഫെഫ്ക അനുസ്‌മരിച്ചു. ബീന ആന്റണി, ടിനി ടോം, ദേവി ചന്ദന തുടങ്ങിയ താരങ്ങളും ആദരാഞ്ജലി അർപ്പിച്ചു. നടി ബീന ആന്റണി, ദേവി ചന്ദന, ടിനി ടോം തുടങ്ങിയവരും ആദരാഞ്ജലി അർപ്പിച്ചു. ‘വിശ്വസിക്കാന്‍ കഴിയുന്നില്ല. എന്തിന് വേണ്ടി ഇങ്ങനെ ചെയ്തു രാജേഷ്, ഒരുനിമിഷത്തെ വികല്‍പ്പമായ ചിന്തകള്‍ നമ്മുടെ ജീവിതം തകര്‍ത്ത് കളയുന്നു’- എന്നായിരുന്നു ബീന ആന്റണി കുറിച്ചത്. ‘ശരിക്കും ഷോക്കായിപ്പോയി. രാജേഷ് മാസ്റ്റര്‍ നമ്മളെ വിട്ട് പോയെന്ന് വിശ്വസിക്കാനാവുന്നില്ല. ഇന്നലെ കിട്ടിയത് നിങ്ങളുടെ അവസാനത്തെ മെസ്സേജാണെന്ന് എനിക്ക് വിശ്വസിക്കാനാവുന്നില്ല’ എന്നാണ് ദേവി ചന്ദന കുറിച്ചത്.

സംസ്ഥാനത്ത് സ്വർണവില വീണ്ടും കൂടി

by Midhun HP News | Apr 20, 2023 | Latest News, കേരളം, ജില്ലാ വാർത്ത

സംസ്ഥാനത്ത് സ്വർണവില വീണ്ടും കൂടി. ഇന്ന് ഗ്രാമിന് 20 രൂപയാണ് കൂടിയത്. ഇതോടെ ഒരു ഗ്രാം സ്വർണത്തിന് വില 5,585 രൂപയായി. ഒരു പവൻ സ്വർണത്തിന് വില 44,680 രൂപയാണ്. ഇന്നലെയും ഗ്രാമിന് 20 രൂപ വർധിച്ച് വില 5,605 രൂപയിൽ എത്തിയിരുന്നു. എന്നാൽ ഉച്ചയോടെ വീണ്ടും വിലയിൽ മാറ്റം രേഖപ്പെടുത്തുകയായിരുന്നു. ഉച്ചയ്ക്ക് ഗ്രാമിന് 40 രൂപയാണ് കുറഞ്ഞത്. ഇതോടെ ഒരു ഗ്രാം സ്വർണത്തിന്റെ വില ഇന്നലെ 5565 രൂപയിലെത്തി.

ഏപ്രിൽ 14ന് സ്വർണവില സർവകാല റെക്കോർഡിലെത്തിയിരുന്നു. ഗ്രാമിന് 55 രൂപ വർധിച്ചാണ് വില റെക്കോർഡ് മറികടന്ന് 5665 രൂപയിലെത്തിയത്. പവന് 45,320 രൂപയുമായിരുന്നു അന്നത്തെ വില. ഇതിന് മുൻപ് ഏപ്രിൽ 5നാണ് സംസ്ഥാനത്ത് സ്വർണവില റെക്കോർഡിട്ടത്. ഗ്രാമിന് 5625 രൂപയായിരുന്നു അന്നത്തെ റെക്കോർഡ് നിരക്ക്.

അടയമൺ ജംഗ്ഷൻ ക്യാമറ കണ്ണുകളിൽ

by Midhun HP News | Apr 20, 2023 | Latest News, കേരളം, ജില്ലാ വാർത്ത

അടയമൺ ഫ്രണ്ട്സ് വാട്സ്ആപ്പ് ഗ്രൂപ്പിന്റെ ആഭിമുഖ്യത്തിൽ അടയമൺ ജംഗ്ഷനിൽ സ്ഥാപിച്ച സിസിടിവി യുടെ ഉദ്ഘാടനം പഴയ കുന്നുമ്മേൽ ഗ്രാമപഞ്ചായത്ത് പ്രസിഡന്റ് കെ രാജേന്ദ്രൻ ഓൺലൈനായി നിർവഹിച്ചു. ക്യാമറയുടെ സ്വിച്ച് ഓൺ കർമ്മം ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ സിബി എസ് നിർവഹിക്കുകയും മൊബൈൽ ആപ്ലിക്കേഷൻ മെമ്പർ ചെറുനാരകംകോട് ജോണിയ്ക്ക് സുപ്രസിദ്ധ ചലച്ചിത്രതാരം രതീഷ് ഗിന്നസ് കൈമാറുകയും ചെയ്തു. കവി ദീപചന്ദ്രൻ മങ്കാട്, കാഥികൻ കിളിമാനൂർ സലിം കുമാർ, കേരളകൗമുദി ബാബു തുടങ്ങിയവർ പങ്കെടുത്തു. ഗ്രൂപ്പ് അഡ്മിന്മാരായ ജയൻ ജഗനാഥൻ അധ്യക്ഷനും റോബി എം മനോഹർ സ്വാഗതവും ആശംസിച്ചു. ചടങ്ങിൽ ബ്രഹ്മപുരം ദൗത്യത്തിൽ പങ്കെടുത്ത ഗ്രൂപ്പ് അംഗം ഷൈൻ ജയദേവനെ ആദരിച്ചു.