പുളിമാത്ത് പഞ്ചായത്ത് LDF പിടിച്ചെടുത്തു
പുളിമാത്ത് പഞ്ചായത്ത് LDF പിടിച്ചെടുത്തു.
UDF-ന് ഭരണം നഷ്ടപ്പെട്ടു
LDF : 12
UDF: 7
BJP: 1
വൈസ് പ്രസിഡന്റ് അഹമ്മദ് കബീർ തോറ്റു.
‘അയ്യപ്പന്റെ സ്വര്ണം മോഷ്ടിച്ചവരെ ചെവിക്ക് പിടിച്ച് പുറത്താക്കുന്ന ഫലം’
അയ്യപ്പന്റെ സ്വര്ണം മോഷ്ടിച്ചവരെ ചെവിക്ക് പിടിച്ച് പുറത്താക്കുന്ന ഫലമാണ് തദ്ദേശ തെരഞ്ഞെടുപ്പില് ഉണ്ടായിരിക്കുന്നതെന്ന് കോണ്ഗ്രസ് നേതാവ് കെ സി വേണുഗോപാല്. ഇത് നിയമസഭയിലും ആവർത്തിക്കും. നിയമസഭയിലും ഈ ഭരണത്തെ ആട്ടിപ്പായിക്കാന് ജനം തയ്യാറായി നില്ക്കുന്നതിന്റെ സൂചനയാണ് ഇത് നല്കുന്നതെന്നും കെ സി വേണുഗോപാല് മാധ്യമങ്ങളോട് പറഞ്ഞു.
‘ജനം പ്രബുദ്ധരാണ്.. എത്ര മറച്ചാലും അവര് കാണേണ്ടത് കാണുക തന്നെ ചെയ്യും’; പോസ്റ്റുമായി രാഹുല് മാങ്കൂട്ടത്തില്
കൊച്ചി: തദ്ദേശ തെരഞ്ഞെടുപ്പില് യുഡിഎഫ് മുന്നേറ്റം തുടരുന്നതിനിടെ പോസ്റ്റുമായി പാലക്കാട് എംഎല്എ രാഹുല് മാങ്കൂട്ടത്തില്. യുഡിഎഫ് വിജയത്തെ കുറിച്ച് നേരിട്ട് പരാമര്ശിക്കാതെയാണ് രാഹുലിന്റെ പോസ്റ്റ്. ജനം പ്രബുദ്ധരാണ്.. എത്ര ബഹളം വെച്ചാലും അവര് കേള്ക്കേണ്ടത് അവര് കേള്ക്കുക തന്നെ ചെയ്യും…. എത്ര മറച്ചാലും അവര് കാണേണ്ടത് അവര് കാണുക തന്നെ ചെയ്യും…. എന്നാണ് രാഹുല് മാങ്കൂട്ടത്തിലിന്റെ ഫെയ്സ്ബുക്ക് പോസ്റ്റ്.
ബലാത്സംഗക്കേസില് പ്രതിചേര്ക്കപ്പെട്ടതിന് പിന്നാലെ പാര്ട്ടിയില് നിന്നുള്പ്പെടെ പുറത്താക്കപ്പെട്ട രാഹുല് മാങ്കൂട്ടത്തില് വോട്ട് ചെയ്യാന് എത്തിയത് ഉള്പ്പെടെ വലിയ ചര്ച്ചയായിരുന്നു. 15 ദിവസത്തെ ഒളിവുജീവിതത്തിന് ശേഷമായിരുന്നു രാഹുല് മാങ്കൂട്ടത്തില് പാലക്കാട് കുന്നത്തൂര്മേട് ബൂത്തിലെ സെന്റ് സെബാസ്റ്റ്യന്സ് സ്കൂളിലെത്തിയാണ് രാഹുല് വോട്ടുചെയ്തത്. എംഎല്എക്ക് എതിരായ ഹൈക്കോടതി അറസ്റ്റ് തടയുകയും, രണ്ടാമത്തെ കേസില് ജാമ്യം ലഭിക്കുകയും ചെയ്ത സാഹചര്യത്തിലായിരുന്നു രാഹുല് വോട്ട് ചെയ്യാനെത്തിയത്.
അഴൂർ ബി ജെ പി പിടിച്ചു
സി പി എം ജില്ലാ സെക്രട്ടറി വി ജോയ് യുടെ വാർഡിൽ ബി ജെ പി സ്ഥാനാർഥി വിജയിച്ചു.
ആറ്റിങ്ങൽ നഗരസഭയിൽ ബി ജെ പി ദമ്പതികൾക്ക് വിജയം
ആറ്റിങ്ങൽ നഗരസഭയിൽ ബി ജെ പി ദമ്പതികൾ വിജയിച്ചു. 3 വാർഡിൽ ദീപ രാജേഷും 30 ഇൽ രാജേഷ് മാധവനുമാണ് വിജയിച്ചത്.
തിരുവനന്തപുരത്തും പാലക്കാടും ആധിപത്യം ഉറപ്പിച്ച് ബിജെപി, ഷൊര്ണൂരും തൃപ്പൂണിത്തുറയിലും മുന്നില്
കൊച്ചി: തദ്ദേശ തെരഞ്ഞെടുപ്പില് വോട്ടെണ്ണല് ഒരു മണിക്കൂര് പിന്നിടുമ്പോള് സംസ്ഥാനത്ത് ലീഡ് നിലകളില് ഇടം പിടിച്ച് എന്ഡിഎ. തദ്ദേശ തെരഞ്ഞെടുപ്പിന്റെ ചരിത്രത്തില് അസാധാരണമാം വിധത്തിലാണ് സംസ്ഥാനത്ത് ബിജെപി നയിക്കുന്ന എന്ഡിഎ ലീഡ് നിലകളില് സാന്നിധ്യം അറിയിക്കുന്നത്. കോര്പറേഷനുകള്, നഗര സഭകള്, പഞ്ചായത്തുകള് എന്നിവയിലെല്ലാം ബിജെപി വ്യക്തമായ ഇടം നേടുന്ന നിലയിലാണ് തെരഞ്ഞെടുപ്പ് ഫലത്തിന്റെ ആദ്യ സൂചനകള്.
ബിജെപി വലിയ മുന്നേറ്റം പ്രതീക്ഷിച്ച തിരുവനന്തപുരത്ത് വോട്ടണെണ്ണല് അരമണിക്കൂര് പിന്നിട്ടപ്പോള് തന്നെ എന്ഡിഎ ഒന്നാം സ്ഥാനത്ത് എത്തി. എട്ടുമണിക്ക് തുടങ്ങിയ വോട്ടണ്ണെല് ഒരു മണിക്കൂര് പിന്നിട്ടപ്പോള് നൂറ് സീറ്റുകളുള്ള കോര്പറേഷന് എന്ഡിഎ മുന്നേറ്റം രണ്ടക്കം പിന്നിട്ടിരുന്നു.
പാലക്കാട് ജില്ലയിലെ രണ്ട് നഗരസഭകളിലും ബിജെപി മുന്നേറ്റം നേടി. ബിജെപി ഭരിക്കുന്ന പാലക്കാട് എന്ഡിഎ മുന്നേറ്റം നിലനിര്ത്തിയപ്പോള് ഷൊറണൂര് നഗരസഭയിലും ആദ്യഘട്ടത്തില് ബിജെപി ലീഡ് നേടി. കോഴിക്കോട് കോര്പറേഷനിലെ നാല് സീറ്റുകള് ഉള്പ്പെടെ ഗ്രാമ പഞ്ചായത്തുകളില് 16 വാര്ഡുകളിലും നഗര സഭകളില് 22 ഡിവിഷനുകളിലും ബിജെപി നയിക്കുന്ന എന്ഡിഎ മുന്നണി വിജയം നേടി.
വോട്ടണ്ണല് ഒരു മണിക്കൂര് പിന്നിട്ടപ്പോള് സംസ്ഥാനത്തെ 16 പഞ്ചായത്തുകളിലും, രണ്ട് ബ്ലോക്ക് പഞ്ചായത്തുകള്, നാല് മുന്സിപാലിറ്റികള് എന്നിവിടങ്ങിലും എന്ഡിഎ ലീഡ് ചെയ്യുന്നുണ്ട്. എറണാകുളത്ത് തൃപ്പൂണിത്തുറ, ആലപ്പുഴയിലെ ചെങ്ങന്നൂര്, നഗരസഭകളിലും എന്ഡിഎ ലീഡ് ചെയ്യുന്നു. പഞ്ചായത്തുകളില് യുഡിഎഫ് 42 വാര്ഡുകളിലും, നഗര സഭകളില് 178 ഡിവിഷനുകളിലും ഒരു കോര്പറേഷന് ഡിവിഷനിനും വിജയം നേടി. എല്ഡിഎഫ് ഗ്രാമ പഞ്ചായത്ത് -28, നഗരസഭ 125. മറ്റുള്ളവര്- ഗ്രാമ പഞ്ചായത്ത് 8, മുന്സിപാലിറ്റി 29 എന്നിങ്ങനെയാണ് കണക്കുകള്.
Recent Comments