by Midhun HP News | Jan 20, 2026 | Latest News, ജില്ലാ വാർത്ത
കിളിമാനൂർ: പാപ്പാലയിൽ വെച്ച് ഥാർ ജീപ്പിടിച്ച് ഗുരുതരമായി പരിക്കേറ്റ് ചികിത്സയിലായിരുന്ന ബൈക്ക് യാത്രികൻ മരണത്തിന് കീഴടങ്ങി. കടയ്ക്കൽ പുതുക്കോട് രാജേഷ് ഭവനിൽ രഞ്ജിത്ത് ആണ് മരിച്ചത്. ഈ മാസം ആദ്യം നടന്ന അപകടത്തിൽ ഗുരുതരമായി പരിക്കേറ്റ രഞ്ജിത്തിന്റെ ഭാര്യ അംബിക മരിച്ചിരുന്നു. ഇതോടെ അഞ്ചും മൂന്നും വയസ്സുള്ള രണ്ട് കുരുന്നുകൾക്ക് അച്ഛനെയും അമ്മയെയും നഷ്ടമായി.
ഈ മാസം ആദ്യം ദേശീയപാതയിൽ കിളിമാനൂർ പാപ്പാലയ്ക്ക് സമീപമായിരുന്നു അപകടം. രഞ്ജിത്തും അംബികയും സഞ്ചരിച്ച ബൈക്കിന് പിന്നിൽ അതിവേഗമെത്തിയ ജീപ്പ് ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് തെറിച്ചുവീണ അംബികയുടെ ശരീരത്തിലൂടെ ജീപ്പ് കയറിയിറങ്ങി. തലയ്ക്ക് ഗുരുതരമായി പരിക്കേറ്റ അംബിക മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയാണ് ഈ മാസം ഏഴിന് മരിച്ചത്. അപകടത്തിൽ ഗുരുതര പരിക്കേറ്റ രഞ്ജിത്ത് ആശുപത്രിയിലും വീട്ടിലുമായി ചികിത്സയിൽ തുടരുന്നതിനിടെയാണ് ഇന്ന് മരണം സംഭവിച്ചത്.
പ്രതികളെ കണ്ടെത്താതെ പോലീസ്:
അപകടത്തിന് ശേഷം നിർത്താതെ പോയ ജീപ്പ്, ടയർ പഞ്ചറായതിനെ തുടർന്ന് വഴിയരികിൽ ഉപേക്ഷിച്ച നിലയിൽ കണ്ടെത്തുകയായിരുന്നു. ജീപ്പിലുണ്ടായിരുന്ന യുവാവ് ലഹരി ഉപയോഗിച്ച നിലയിലായിരുന്നുവെന്ന് പറയപ്പെടുന്നു. ഇയാളെ കിളിമാനൂർ പോലീസ് കസ്റ്റഡിയിലെടുത്തെങ്കിലും പിന്നീട് ജാമ്യത്തിൽ വിട്ടു. എന്നാൽ ജീപ്പിലുണ്ടായിരുന്ന മറ്റ് രണ്ടുപേരെ ഇതുവരെ കണ്ടെത്താൻ പോലീസിന് കഴിഞ്ഞിട്ടില്ല. സംഭവത്തിൽ പോലീസിന്റെ ഭാഗത്തുനിന്നും വീഴ്ചയുണ്ടായെന്ന ആക്ഷേപവും ശക്തമാണ്.
by Midhun HP News | Jan 20, 2026 | Latest News, ജില്ലാ വാർത്ത
തിരുവനന്തപുരം: കേരള നിയമസഭയില് ഗവര്ണര് രാജേന്ദ്ര ആര്ലേക്കര്ക്കെതിരെ അസാധാരണ നീക്കവുമായി മുഖ്യമന്ത്രി പിണറായി വിജയന്. മന്ത്രിസഭ അംഗീകരിച്ച നയപ്രഖ്യാപന പ്രസംഗത്തിലെ ഏതാനും ഖണ്ഡികകള് ഒഴിവാക്കിയാണ് നയപ്രഖ്യാപന പ്രസംഗം ഗവര്ണര് വായിച്ചതെന്ന് മുഖ്യമന്ത്രി പറഞ്ഞു. ഗവര്ണര് ഒഴിവാക്കിയ ഭാഗങ്ങള് മുഖ്യമന്ത്രി പിണറായി വിജയന് നിയമസഭയില് വായിക്കുകയും ചെയ്തു.
കാബിനറ്റ് അംഗീകരിച്ച നയപ്രഖ്യാപന പ്രസംഗമാണ് നിലനില്ക്കുന്നതെന്ന് മുഖ്യമന്ത്രി പറഞ്ഞു. സര്ക്കാരിന്റെ നയപ്രഖ്യാപനമാണ് ഗവര്ണര് നടത്തുന്നത്. അതിനാല് മന്ത്രിസഭ അംഗീകരിച്ച 12, 15, 16 ഖണ്ഡികകള് അതേപടി നിലനില്ക്കുന്നതാണ്- മുഖ്യമന്ത്രി വ്യക്തമാക്കി. 12-ാം ഖണ്ഡികയില് ധനകാര്യ ഫെഡറലിസത്തിന്റെ ഭരണഘടനാ തത്വങ്ങളെ ദുര്ബലപ്പെടുത്തുന്ന കേന്ദ്രസര്ക്കാരിന്റെ തുടര്ച്ചയായ പ്രതികൂല നടപടികളുടെ ഫലമായി കേരളം ഗുരുതരമായ സാമ്പത്തിക ഞെരുക്കം നേരിടുന്നുവെന്നാണ് പറയുന്നത്.
ഗവര്ണര് ഒഴിവാക്കിയ ഖണ്ഡിക 15 ലെ അവസാന വാചകങ്ങള് ഇപ്രകാരമാണ്: സംസ്ഥാന നിയമസഭകള് പാസ്സാക്കിയ ബില്ലുകള് ദീര്ഘകാലമായി കെട്ടിക്കിടക്കുകയാണ്. ഈ വിഷയങ്ങളില് എന്റെ സര്ക്കാര് സുപ്രീംകോടതിയെ സമീപിക്കുകയും അവ ഭരണഘടനാ ബെഞ്ചിന് റഫര് ചെയ്തിരിക്കുകയുമാണ്. ഈ വാചകം ഗവര്ണര് പ്രസംഗത്തില് നിന്നും ഒഴിവാക്കിയെന്ന് മുഖ്യമന്ത്രി പറഞ്ഞു.
ഖണ്ഡിക 16 ന്റെ അവസാനഭാഗത്ത്, നികുതി വിഹിതവും ധനകാര്യ കമ്മീഷന് ഗ്രാന്റുകളും സംസ്ഥാനങ്ങളുടെ ഭരണഘടനാപരമായ അവകാശങ്ങളാകുന്നതും, ഔദാര്യമല്ലാത്തതും ഈ ചുമതല ഏല്പ്പിക്കപ്പെട്ടിട്ടുള്ള ഭരണഘടനാ സ്ഥാപനങ്ങള്ക്ക് മേലുള്ള ഏതൊരു സമ്മര്ദ്ദവും ഫെഡറല് തത്വങ്ങളെ ദുര്ബലപ്പെടുത്തുന്നതുമാണ്. ഈ വാചകം ഗവര്ണര് അതേപടി വായിച്ചു. എന്നാല് ഈ വാചകത്തിനൊപ്പം എന്റെ സര്ക്കാര് കരുതുന്നു എന്ന് ഗവര്ണര് കൂട്ടിച്ചേര്ത്തുവെന്നും മുഖ്യമന്ത്രി പറഞ്ഞു.
നയപ്രഖ്യാപന പ്രസംഗത്തില് ഗവര്ണര് ഒഴിവാക്കിയ ഉള്പ്പെടുത്തിയും, കൂട്ടിച്ചേര്ത്തവ ഒഴിവാക്കിയും മന്ത്രിസഭ അംഗീകരിച്ച നയപ്രഖ്യാപന പ്രസംഗം അച്ചടിച്ച് വിതരണം ചെയ്തിട്ടുണ്ട്. ഇത് ആധികാരികമായ നയപ്രഖ്യാപനപ്രസംഗമായി അംഗീകരിക്കണമെന്ന് മുഖ്യമന്ത്രി നിയമസഭയോട് ആവശ്യപ്പെട്ടു. നിയമസഭയില് ഗവര്ണര് നടത്തുന്നത് സര്ക്കാരിനു വേണ്ടി മന്ത്രിസഭ അംഗീകരിച്ച നയപ്രഖ്യാപനമാണ്. അതില് നിന്നും വിട്ടുപോകുന്നതോ വ്യതിചലിക്കുന്നതോ ഔദ്യോഗികമായി അംഗീകരിക്കുന്നതല്ലെന്ന് സ്പീക്കര് ഷംസീര് വ്യക്തമാക്കി.
by Midhun HP News | Jan 20, 2026 | Latest News, ജില്ലാ വാർത്ത
തിരുവനന്തപുരം: സംസ്ഥാന സര്ക്കാരിന്റെ ‘മുഖ്യമന്ത്രിയുടെ കണക്ട് ടു വര്ക്ക്’ പദ്ധതിയുടെ സംസ്ഥാനതല ഉദ്ഘാടനം നാളെ. കേരളത്തിലെ യുവതീയുവാക്കളുടെ തൊഴില് സ്വപ്നങ്ങള്ക്ക് കരുത്തുപകരാന് ലക്ഷ്യമിട്ടുള്ളതാണ് പദ്ധതി.
തിരുവനന്തപുരം നിശാഗന്ധി ഓഡിറ്റോറിയത്തില് വൈകുന്നേരം 4 മണിക്ക് നടക്കുന്ന ചടങ്ങില് മുഖ്യമന്ത്രി പിണറായി വിജയന് പദ്ധതിയുടെ ഉദ്ഘാടനം നിര്വ്വഹിക്കും. തൊഴിലും നൈപുണ്യവും വകുപ്പിന് കീഴിലുള്ള നാഷണല് എംപ്ലോയ്മെന്റ് സര്വീസ് വഴിയാണ് ഈ ബൃഹത്തായ പദ്ധതി നടപ്പിലാക്കുന്നത്.
തൊഴില് നൈപുണ്യ വികസനത്തിനായി പരിശീലനം നേടുന്നവര്ക്കും വിവിധ മത്സരപരീക്ഷകള്ക്കായി തയ്യാറെടുക്കുന്നവര്ക്കുമുള്ള സാമ്പത്തിക കൈത്താങ്ങ് എന്ന നിലയിലാണ് പദ്ധതി വിഭാവനം ചെയ്തിരിക്കുന്നത്. പദ്ധതി പ്രകാരം തെരഞ്ഞെടുക്കപ്പെടുന്ന ഉദ്യോഗാര്ത്ഥികള്ക്ക് പ്രതിമാസം 1000 രൂപ വീതം ഒരു വര്ഷക്കാലം ധനസഹായമായി ലഭിക്കും.
പ്ലസ് ടു/വിഎച്ച്എസ്ഇ/ഐടിഐ/ഡിപ്ലോമ/ബിരുദം വിജയകരമായി പൂര്ത്തിയാക്കിയ ശേഷം നൈപുണ്യ പരിശീലനത്തില് ഏര്പ്പെട്ടിരിക്കുന്നവര്ക്കും മത്സരപരീക്ഷകള്ക്ക് തയ്യാറെടുക്കുന്നവര്ക്കുമാണ് ആനുകൂല്യത്തിന് അര്ഹത. പതിനെട്ടിനും മുപ്പതിനും ഇടയില് പ്രായമുള്ളവരും വാര്ഷിക കുടുംബ വരുമാനം 5 ലക്ഷം രൂപയില് താഴെയുള്ളവരുമായ ഉദ്യോഗാര്ഥികള്ക്ക് പദ്ധതിയിലേക്ക് അപേക്ഷിക്കാം. താല്പര്യമുള്ളവര് eemployment.kerala.gov.in എന്ന ഔദ്യോഗിക പോര്ട്ടല് മുഖേന അപേക്ഷ സമര്പ്പിക്കണം. അപേക്ഷകര്ക്ക് സംശയനിവാരണത്തിനായി അടുത്തുള്ള എംപ്ലോയ്മെന്റ് എക്സ്ചേഞ്ചുകളുമായി ബന്ധപ്പെടാവുന്നതാണ്.
by Midhun HP News | Jan 20, 2026 | Latest News, ജില്ലാ വാർത്ത
തിരുവനന്തപുരം: സംസ്ഥാനത്ത് വ്യാപകമായ ഡ്രൈവിംഗ് ലൈസന്സ് തട്ടിപ്പ് പുറത്തായിരിക്കുകയാണ്. ഡ്രൈവിംഗ് ടെസ്റ്റില് പങ്കെടുക്കാതെയാണ് ഏജന്റുമാര് മുഖേന കര്ണാടകയിലെ മൈസൂരുവില് നിന്ന് ലൈസന്സ് സംഘടിപ്പിക്കുകയും പിന്നീട് കേരളത്തിലെ ലൈസന്സാക്കി മാറ്റുകയും ചെയ്യുന്ന സംഘങ്ങള് വടക്കന് കേരളത്തില് സജീവമാണെന്ന് കണ്ടെത്തി.
മൈസൂരുവില് നിന്നു ലഭിക്കുന്ന ലൈസന്സുകളില് വിലാസം, ഒപ്പ്, ഫോട്ടോ എന്നിവ മാറ്റി കേരളത്തിലെ ലൈസന്സാക്കി നല്കാന് മോട്ടോര് വാഹന വകുപ്പിലെ ചില ഉദ്യോഗസ്ഥര് കൂട്ടുനില്ക്കുന്നുവെന്നാണ് അന്വേഷണത്തിലെ കണ്ടെത്തല്. ഇതുമായി ബന്ധപ്പെട്ട ക്രമക്കേടുകള് ശ്രദ്ധയില്പ്പെട്ടതായും എംവിഡി വിജിലന്സ് വിഭാഗം അന്വേഷണം ആരംഭിച്ചതായും ഗതാഗത കമ്മീഷണര് വി.എച്ച്. നാഗരാജു വ്യക്തമാക്കി. കുറ്റക്കാര്ക്കെതിരെ കര്ശന നടപടിയുണ്ടാകുമെന്നും അദ്ദേഹം അറിയിച്ചു. ഡ്രൈവിംഗ് ടെസ്റ്റ് മാനദണ്ഡങ്ങള് കര്ശനമാക്കിയതോടെ തമിഴ്നാട്ടിലേക്കും കര്ണാടകയിലേക്കും ഏജന്റുമാര് മുഖേന ലൈസന്സ് നേടുന്നവരുടെ എണ്ണം വര്ധിച്ചിരുന്നു. എന്നാല്, കര്ണാടകയിലേക്ക് പോകാതെയും ടെസ്റ്റില് പങ്കെടുക്കാതെയും ലൈസന്സ് തരപ്പെടുത്തുന്ന മാഫിയ പ്രവര്ത്തനം ഇപ്പോള് പുറത്തുവന്നത് ഗുരുതരമായ ആശങ്കയുണര്ത്തുകയാണ്.
കൂടുതൽ കണ്ടെത്തുക
അന്വേഷണത്തിന് വഴിവെച്ച രേഖകളില്, മലപ്പുറം സ്വദേശിയായ മുഹമ്മദ് ബഷീര് എന്നയാള്ക്ക് 2024 ഡിസംബര് 20ന് മൈസൂരു വെസ്റ്റ് ആര്ടിഒയില് നിന്ന് ലൈസന്സ് ലഭിച്ചതായി കണ്ടെത്തി. 1970ല് ജനിച്ചെന്ന രേഖകളുള്ള ഇയാളുടെ ലൈസന്സില് ഒരു യുവാവിന്റെ ചിത്രമാണ് ഉപയോഗിച്ചിരുന്നത്. തുടര്ന്ന്, വിലാസവും ഒപ്പും മാറ്റുന്നതിനായി തിരൂരങ്ങാടി സബ് ആര്ടിഒ ഓഫീസില് അപേക്ഷ നല്കിയ ഇയാള്ക്ക്, ഡിസംബര് 28ന് മലപ്പുറം വിലാസത്തിലും പുതിയ ചിത്രത്തോടെയും കേരള ലൈസന്സ് ലഭിച്ചു. ഇയാള് സമര്പ്പിച്ച ആധാര് രേഖകള് പരിശോധിച്ചപ്പോള്, രണ്ട് വ്യത്യസ്ത ചിത്രങ്ങളോടെ മൈസൂരു വിലാസത്തിലും മലപ്പുറം വിലാസത്തിലും ഉള്ള ആധാര് കാര്ഡുകള് കണ്ടെത്തി. തുടര്ന്ന് നടത്തിയ അന്വേഷണത്തില് സമാനമായ നിരവധി തട്ടിപ്പുകള് കൂടി കണ്ടെത്തിയിട്ടുണ്ട്.
മൈസൂരു വിലാസത്തില് വ്യാജ ചിത്രം ഉപയോഗിച്ച് ലൈസന്സ് നേടുകയും, പിന്നീട് കേരളത്തിലെ സബ് ആര്ടിഒ ഓഫീസുകള് വഴി ഫോട്ടോ, വിലാസം, ഒപ്പ് എന്നിവ മുഴുവന് മാറ്റി പുതിയ ലൈസന്സ് നല്കുകയും ചെയ്യുന്ന വലിയ സംഘപരമായ തട്ടിപ്പാണ് നടക്കുന്നതെന്ന് അന്വേഷണത്തില് വ്യക്തമായി. കേരളത്തിലും കര്ണാടകയിലുമുള്ള ചില ഉദ്യോഗസ്ഥരും ഇടനിലക്കാരും ചേര്ന്നുള്ള ശൃംഖലാപരമായ തട്ടിപ്പാണിത്. ഡ്രൈവിംഗ് ടെസ്റ്റില് പങ്കെടുത്തിട്ടില്ലാത്ത ഒരാളുടെ പേരില് എങ്ങനെ ലൈസന്സ് അനുവദിച്ചു, രണ്ട് വ്യത്യസ്ത ചിത്രങ്ങള് ഉണ്ടായിട്ടും എംവിഡി ഉദ്യോഗസ്ഥര് എങ്ങനെ പുതിയ ലൈസന്സ് അനുവദിച്ചു തുടങ്ങിയ നിരവധി ഗുരുതര ചോദ്യങ്ങളാണ് ഇനി അന്വേഷണ ഏജന്സികള്ക്ക് മുന്നിലുള്ളത്. അതേസമയം, തട്ടിപ്പുകള് സ്ഥിരീകരിച്ചതായും ആഭ്യന്തര വിജിലന്സ് അന്വേഷണം പുരോഗമിക്കുകയാണെന്നും ഗതാഗത കമ്മീഷണര് വ്യക്തമാക്കി.
by Midhun HP News | Jan 20, 2026 | Latest News, ജില്ലാ വാർത്ത
തിരുവനന്തപുരം: സംസ്ഥാന മൃഗത്തിനും പക്ഷിക്കും പുറമെ സ്വന്തമായി ഒരു സംസ്ഥാന സൂക്ഷ്മാണുവിനെ (മൈക്രോബ്) പ്രഖ്യാപിക്കുന്ന രാജ്യത്തെ ആദ്യ സംസ്ഥാനമായി കേരളം മാറുന്നു. ഈ മാസം 23-ന് തിരുവനന്തപുരം കഴക്കൂട്ടം കിന്ഫ്രയിലെ സെന്റര് ഫോര് എക്സലന്സ് ഇന് മൈക്രോബയോമില് നടക്കുന്ന ചടങ്ങില് മുഖ്യമന്ത്രി പിണറായി വിജയന് ഇതുസംബന്ധിച്ച ഔദ്യോഗിക പ്രഖ്യാപനം നടത്തും.
സാധാരണയായി രോഗകാരികളെന്ന ധാരണയില് മാത്രം പൊതുസമൂഹം നോക്കിക്കാണുന്ന സൂക്ഷമാണുക്കള് ദഹനം, രോഗപ്രതിരോധം, മണ്ണിന്റെ ആരോഗ്യസംരക്ഷണം, മികച്ച വിളവ്, പരിസ്ഥിതി സന്തുലനം തുടങ്ങിയ മേഖലകളില് ഗുണകരമായ പങ്കുവഹിക്കുന്നുണ്ട്. ദൈനംദിന ജീവിതത്തില് സൂക്ഷ്മാണുക്കള് നല്കുന്ന അനന്തമായ ഗുണഫലങ്ങളെക്കുറിച്ചുള്ള പൊതുചര്ച്ചയ്ക്ക് വേദിയൊരുക്കുക എന്ന ലക്ഷ്യത്തോടെ സെന്റര് ഓഫ് എക്സലന്സ് ഇന് മൈക്രോബയോമിന്റെ ഡയറക്ടറായ ഡോ. സാബു തോമസാണ് സംസ്ഥാന സൂക്ഷ്മാണു എന്ന ആശയം മുന്നോട്ടുവച്ചത്.
മൈക്രോബയോം മേഖലയിലെ ഗവേഷണങ്ങള് പ്രോത്സാഹിപ്പിക്കുകയും പൊതുജനങ്ങളില് ശാസ്ത്രാവബോധം വളര്ത്തുകയുമാണ് ഈ നീക്കത്തിലൂടെ സര്ക്കാര് ലക്ഷ്യമിടുന്നത്. സൂക്ഷ്മാണുക്കള് കേവലം രോഗകാരികളല്ലെന്നും കൃഷി, ആരോഗ്യം, പരിസ്ഥിതി എന്നിവയില് അവ നിര്ണ്ണായക പങ്ക് വഹിക്കുന്നുണ്ടെന്നും ജനങ്ങളെ ബോധ്യപ്പെടുത്തുക. ലൈഫ് സയന്സ് രംഗത്തേക്ക് കൂടുതല് യുവാക്കളെ ആകര്ഷിക്കുകയും നൂതന പഠനങ്ങള്ക്ക് വഴിയൊരുക്കുകയും ചെയ്യുക. കൃഷിയിലും മറ്റും രാസവസ്തുക്കളുടെ ഉപയോഗം കുറച്ച് പ്രകൃതിദത്തമായ മാര്ഗങ്ങള് അവലംബിക്കാന് സൂക്ഷ്മാണുക്കളെ ഉപയോഗിക്കുക.
2013ല് ഇന്ത്യ ‘ലാക്ടോബാസില്ലസ് ഡെല്ബ്രൂക്കി’ എന്ന ബാക്ടീരിയയെ ദേശീയ സൂക്ഷ്മാണുവായ പ്രഖ്യാപിച്ചിരുന്നു. അതിന്റെ ചുവടുപിടിച്ചാണ് കേരളം ഇപ്പോള് സംസ്ഥാന തലത്തില് ഈ തീരുമാനം കൈക്കൊള്ളുന്നത്. പുളിപ്പിക്കല് പ്രക്രിയയിലൂടെ ദഹനസഹായവും പ്രതിരോധശക്തി വര്ധനയും നല്കുന്ന പ്രോബയോട്ടിക് ഗുണങ്ങളുള്ള ബാക്ടീരിയയാണ് ഇത്. സംസ്ഥാന സൂക്ഷമാണുവിനെ പ്രഖ്യാപിക്കുന്ന ചടങ്ങില് കിന്ഫ്രയില് ഇതിനോടകം പ്രവര്ത്തനം ആരംഭിച്ചിട്ടുള്ള സെന്റര് ഫോര് എക്സലന്സ് ഇന് മൈക്രോബയോമിന്റെ സമര്പ്പണവും റിസര്ച്ച് ആന്ഡ് ഇന്ഡസ്ട്രിയല് ലാന്ഡ്സ്കേപ് ഓഫ് മൈക്രോബയോം എന്ന വിഷയത്തില് സംഘടിപ്പിക്കുന്ന കോണ്ക്ലേവിന്റെ ഉദ്ഘാടനവും മുഖ്യമന്ത്രി നിര്വ്വഹിക്കും.
by Midhun HP News | Jan 20, 2026 | Latest News, ജില്ലാ വാർത്ത
ആറ്റിങ്ങൽ മുദാക്കൽ അമുന്തിരത്ത് ക്ഷേത്രത്തിനു സമീപം അളകാപുരിയിൽ ബൈജുവിന്റെ മകൻ (17) സിദ്ധാർത്ഥിനെയാണ് മരിച്ച നിലയിൽ കണ്ടെത്തിയത്.
സിദ്ധാർത്ഥ് ഇളമ്പ ഗവൺമെന്റ് എച്ച് എസ്സിൽ പ്ലസ് ടു വിദ്യാർത്ഥിയാണ്.
Recent Comments