by liji HP News | Jun 15, 2024 | Latest News, കേരളം
കോട്ടയം: തൃക്കൊടിത്താനത്ത് ചൂണ്ടയിടാന് പോയ രണ്ട് കുട്ടികള് കുളത്തില് മുങ്ങി മരിച്ചു. ഉച്ചയ്ക്ക് പന്ത്രണ്ടുമണിയോടെയായിരുന്നു അപകടം. അവധി ദിവസമായതിനാല് അയല്വാസികളായ കുട്ടികള് ചെമ്പുപുറത്തുള്ള പാറക്കുളത്തില് ചൂണ്ടയിടാന് പോകുകയായിരുന്നു.
അഭിനവ്, ആദര്ശ് എന്നിവരാണ് മരിച്ചത്. ഒരാള് പത്താം ക്ലാസ് വിദ്യാര്ഥിയും മറ്റൊരാള് ആറാം ക്ലാസ് വിദ്യാര്ഥിയുമാണ്. ചൂണ്ടയിടുന്നതിനിടെ ഒരാള് കാല് വഴുതി പാറക്കുളത്തില് വീണു. രക്ഷിക്കാന് ശ്രമിക്കുന്നതിനിടെയാണ് രണ്ടാമത്തെ കുട്ടിയും കുളത്തില് വീണത്.ഒഴിഞ്ഞ പ്രദേശമായതിനാല് പ്രദേശത്ത് ആരും ഉണ്ടായിരുന്നില്ല. സമയമേറെ കഴിഞ്ഞിട്ടും കുട്ടികളെ കാണാതയോടതെ വീട്ടുകാരും നാട്ടുകാരും നടത്തിയ തിരച്ചിലിലാണ് കുളത്തില് മൃതദേഹങ്ങള് കണ്ടെത്തിയത്. ഇരുവരുടെയും മൃതദേഹം ചങ്ങനാശേരിയിലെ ജനറല് ആശുപത്രിയിലേക്ക് മാറ്റി.
by liji HP News | Jun 15, 2024 | Latest News, കേരളം
തിരുവനന്തപുരം: കാറിനുള്ളില് സ്വിമ്മിങ് പൂള് ഒരുക്കി യാത്ര ചെയ്ത യുട്യൂബര് സഞ്ജു ടെക്കിയുടെ ലൈസന്സ് റദ്ദാക്കി മോട്ടോര് വാഹന വകുപ്പ്. എന്ഫോഴ്സ്മെന്റ് ആര്ടിഒയുടേതാണ് നടപടി. തുടര്ച്ചയായ നിയമലംഘനങ്ങളുടെ പേരിലാണ് നടപടി.
സഞ്ജുടെക്കി നടത്തിയ നിയമലംഘനങ്ങള് കണ്ടെത്താന് എന്ഫോഴ്സ്മെന്റ് ആര്ടിഒ പ്രത്യേക സംഘത്തെ നിയമിച്ചിരുന്നു. ഇവര് സഞ്ജുടെക്കിയുടെ നിരവധി നിയമലംഘനങ്ങള് കണ്ടെത്തുകയും ചെയ്തിരുന്നു. ഇതിന്റെ അടിസ്ഥാനത്തില് മോട്ടോര്വാഹന വകുപ്പ് സഞ്ജു ടെക്കിയില് നിന്നും വിശദീകരണം തേടിയിരുന്നു. എന്നാല്, നിയമം അറിയാത്തതിനാലാണ് തനിക്ക് ഇത്തരം തെറ്റുകള് പറ്റിയതെന്നായിരുന്നു സഞ്ജുവിന്റെ വിശദീകരണം. തൃപ്തികരമല്ലാത്ത വിശദീകരണമാണ് സഞ്ജു നല്കിയതെന്നും ഇതിനാലാണ് ലൈസന്സ് റദ്ദാക്കുന്നതെന്നുമാണ് എന്ഫോഴ്സ്മെന്റ് ആര്ടിഒ അറിയിച്ചു.
കാറിനുള്ളില് സ്വിമ്മിങ് പൂളൊരുക്കിയുള്ള സഞ്ജു ടെക്കിയുടെ വിഡിയോ സാമൂഹ്യമാധ്യമങ്ങളില് വ്യാപകമായി പ്രചരിച്ചതോടെയാണ് മോട്ടോര് വാഹനവകുപ്പ് കേസെടുത്തത്. വാഹനമോടിച്ചയാളുടെ ലൈസന്സ് റദ്ദാക്കാനും വാഹനത്തിന്റെ രജിസ്ട്രേഷന് റദ്ദാക്കാനും തീരുമാനിച്ചിരുന്നു. മോട്ടോര് വാഹന വകുപ്പിന്റെ നടപടികളെ പരിഹസിച്ച് സഞ്ജു വിഡിയോ ഇട്ടതോടെയാണ് വിഷയത്തില് ഹൈക്കോടതിയും ഇടപെട്ടിരുന്നു. സഞ്ജുടെക്കിക്കെതിരെ കര്ശന നടപടി സ്വീകരിക്കണമെന്നും യുട്യൂബ് വ്ലോഗറുടെ ഭാഗത്ത് നിന്നും ഭീഷണിയുണ്ടായാല് അറിയിക്കണമെന്നുമായിരുന്നു ഹൈക്കോടതി മോട്ടോര് വാഹന ഉദ്യോഗസ്ഥര്ക്ക് നല്കിയ നിര്ദേശം.
by liji HP News | Jun 15, 2024 | Latest News, കേരളം
ട്രെയിനിന് തീപിടിച്ചെന്ന സന്ദേശം പ്രചരിച്ചതിനെ തുടർന്ന് ട്രെയിനിൽ നിന്ന് ചാടിയ മൂന്ന് യാത്രക്കാർ എതിർദിശയിൽ വന്ന ഗുഡ്സ് ട്രെയിനിടിച്ച് മരിച്ചു. നിരവധി പേർക്ക് പരിക്കേറ്റു. ഇന്നലെ രാത്രി 8 മണിക്ക് ജാർഖണ്ഡിൽ ധൻബാദ് ഡിവിഷനു കീഴിലെ കുമണ്ഡിഹ് റെയിൽവേ സ്റ്റേഷനു സമീപമാണ് അപകടമുണ്ടായത്.
സാസാറാം റാഞ്ചി ഇന്റർസിറ്റി എക്സ്പ്രസിലെ യാത്രക്കാരാണ് അപകടത്തിൽപെട്ടത്. ട്രെയിനിൽ തീപിടിത്തമുണ്ടായെന്ന് ആരോ സ്റ്റേഷൻ മാസ്റ്ററെ വിളിച്ചു പറഞ്ഞതിനെത്തുടർന്ന് സ്റ്റേഷനു സമീപം ട്രെയിൻ നിർത്തിയിടുകയായിരുന്നു. ഇതോടെ യാത്രക്കാർ പരിഭ്രാന്തരായി. തുടർന്ന് ചിലർ പുറത്തേക്കു ചാടി പാളം മുറിച്ചുകടന്നതും മറ്റൊരു ട്രാക്കിലൂടെ വന്ന ചരക്കുവണ്ടിയിടിക്കുകയായിരുന്നു.
മരണസംഖ്യ ഇനിയും ഉയരാനാണ് സാധ്യത. എഞ്ചിനിൽ തീപിടിച്ചെന്ന അഭ്യൂഹം പെട്ടെന്ന് പരന്നതായും ഇതോടെ ട്രെയിനിൽ യാത്ര ചെയ്തിരുന്ന യാത്രക്കാർ പരിഭ്രാന്തരായതായും ദൃക്സാക്ഷി പറയുന്നു. എന്നാൽ ട്രെയിനിന് തീ പിടിച്ചിരുന്നില്ല. സംഭവത്തിൽ അന്വേഷണം ആരംഭിച്ചു.
by liji HP News | Jun 15, 2024 | Latest News, കേരളം
നർത്തകൻ ആർഎൽവി രാമകൃഷ്ണനെ അധിക്ഷേപിച്ച കേസിൽ സത്യഭാമ നെടുമങ്ങാട് കോടതിയിൽ കീഴടങ്ങി. നേരത്തെ ഹൈക്കോടതി സത്യഭാമയുടെ മുൻകൂർ ജാമ്യാപേക്ഷ തള്ളിയിരുന്നു. ഹൈക്കോടതി നിർദേശപ്രകാരമാണ് നെടുമങ്ങാട് എസ് സി, എസ് ടി കോടതിയിൽ കീഴടങ്ങിയത്.
സത്യഭാമ കോടതിയിൽ മുൻകൂർ ജാമ്യാപേക്ഷ സമർപ്പിക്കുകയും ചെയ്തു. അഡ്വ. ബി എ ആളൂരിനൊപ്പമാണ് സത്യഭാമ കോടതിയിൽ എത്തിയത്. ഒരാഴ്ചക്കുള്ളിൽ കേസ് പരിഗണിക്കുന്ന കോടതിയിൽ ഹാജരാകാനായിരുന്നു ഹൈക്കോടതി നിർദേശം.
by liji HP News | Jun 15, 2024 | Latest News, കേരളം
കാസര്കോട് മൊഗ്രാല് പുത്തൂര് പഞ്ചായത്തില് സ്ത്രീയെ പൂട്ടിയിട്ടതായി പരാതി. ലൈഫ് പദ്ധതിയില് വീടിനായി നല്കിയ രേഖകള് വാങ്ങാനെത്തിയ സാവിത്രിയെ പൂട്ടിയിട്ടുവെന്നാണ് പരാതി. സാവിത്രിയുടെ പരാതിയില് വിഇഒ അബ്ദുള് നാസറിനെതിരെ പൊലീസ് കേസ് എടുത്തു.
പരാതിക്കടിസ്ഥാനമായ സംഭവം നടന്നത് ഇന്നലെയാണ്. സാവിത്രി വീടിനുവേണ്ടി ലൈഫ് പദ്ധതിയില് അപേക്ഷ നല്കിയിരുന്നു. വീട് അനുവദിച്ച് കിട്ടിയതായി പഞ്ചായത്തില് അറിയിപ്പ് ലഭിച്ചതിനെ തുടര്ന്ന് സാവിത്രി താത്കാലികമായ നിര്മിച്ച ഷെഡ് പൊളിച്ചുമാറ്റിയിരുന്നു. എന്നാല് സ്ത്രീക്ക് വീട് നിര്മാണത്തിനുള്ള ഫണ്ട് ലഭിച്ചിരുന്നില്ല. പഞ്ചായത്തില് എത്തിയപ്പോഴാണ് മറ്റൊരു സാവിത്രിക്കാണ് വീട് പാസായതെന്ന് അറിയാന് കഴിഞ്ഞത്.
താന് നല്കിയ രേഖകള് തിരികെ ആവശ്യപ്പെട്ടാണ് സാവിത്രി ഇന്നലെ പഞ്ചായത്ത് ഓഫിസില് എത്തിയത്. നല്കിയ എല്ലാ രേഖകളും നല്കാത്തതിനെ തുടര്ന്ന് സാവിത്രി അവിടെ കുത്തിയിരിപ്പ് സമരം തുടങ്ങി. അതിനിടെ വിഇഒ അതിനിടെ വാതില് പൂട്ടിപുറത്തേക്ക് പോകുയയായിരന്നു. ഇതിന് പിന്നാലെ സാവിത്രി പൊലീസില് പരാതി നല്കിയത് പരാതിയുടെഅടിസ്ഥാനത്തിലാണ് വിഇഒയ്ക്കെതിരെ കേസ് എടുത്തത്. ഡിഒ നല്കിയ പരാതിയില് സാവിത്രിക്കെതിരെയും പൊലിസ് കേസ് എടുത്തിട്ടുണ്ട്.
by liji HP News | Jun 15, 2024 | Latest News, കേരളം
ജീവിതനിലവാരം മെച്ചപ്പെടുത്തുന്നതിന് സ്ഥിരമായൊരു വരുമാനം ലഭിക്കുന്ന ജോലിക്ക് വേണ്ടി ദിവസവും നെട്ടോട്ടമോടുന്ന നിരവധി ആളുകള് നമ്മള്ക്കിടയിലുണ്ട്. എന്നാല് പ്രണയിക്കുന്ന പെണ്കുട്ടിയെ നഷ്ടപ്പെടാതിരിക്കാന് ജോലിക്ക് അപേക്ഷിച്ച ഒരു ചെറുപ്പക്കാരന്റെ സത്യസന്ധതയാണ് ഇപ്പോള് സോഷ്യല്മീഡിയയുടെ മനം കവരുന്നത്.
‘നിയമനവും രസകരമാകാം’ എന്ന ക്യാപ്ഷനോടെ അര്വ ഹെല്ത്ത് സ്ഥാപക ദിപാലി ബജാജ് എക്സിലൂടെ പങ്കുവെച്ച അപേക്ഷയുടെ സ്ക്രീന്ഷോട്ടാണ് ലൈക്കുകള് വാരിക്കൂട്ടുന്നത്.
എന്തുകൊണ്ട് നിങ്ങളെ ഈ ജോലിക്കായി തെരഞ്ഞെടുക്കണം എന്നാണ് ചോദ്യം- ‘ഈ ജോലിക്ക് വേണ്ട എല്ലാ ആവശ്യകതയും എന്നിലുണ്ട് കൂടാതെ ഈ ജോലി കിട്ടിയില്ലെങ്കില് എനിക്കെന്റെ കുട്ടിക്കാലം മുതലുള്ള പ്രണയത്തെ നഷ്ടമാകും. കാമുകിയെ വിവാഹം കഴിക്കണമെങ്കില് ജോലി വേണമെന്ന് അവളുടെ അച്ഛന് നിര്ബന്ധം പറഞ്ഞുവെന്നും അപേക്ഷയില് യുവാവ് കുറിച്ചു. വളരെ ചുരുങ്ങിയ സമയം കൊണ്ട് യുവാവിന്റെ അപേക്ഷ സോഷ്യല്മീഡിയ ഏറ്റെടുത്തു. ‘നിങ്ങള് തീര്ച്ചയായും അയാളുടെ സത്യസന്ധത കാണാതെ പോകരുത്’ എന്നായിരുന്നു ഒരാളുടെ കമന്റ്. ‘പ്രണയിക്കുന്നവന്റെ മനസ്സ് കാണാതെ പോകരുത്’- എന്നായിരുന്നു മറ്റൊരുടെ കമന്റ്.
Recent Comments