പാട ശേഖരണ സമിതിയുടെ നേതൃത്വത്തിൽ ഞാറ് നടീൽ ഉത്‌സവം സംഘടിപ്പിച്ചു

by liji HP News | Jun 28, 2023 | Latest News, കേരളം, ജില്ലാ വാർത്ത

ഞാറ് നടീൽ ഉത്‌സവം സംഘടിപ്പിച്ചു. പിരപ്പമൺ കാട് ഏലായിലെ മുഴുവൻ പാടങ്ങളിലും പാട ശേഖരണ സമിതിയുടെ നേതൃത്വത്തിൽ കൃഷിയിറക്കി. ഞാറു നടീലിന്റെ ഉദ്ഘാടനം മുദാക്കൽ ഗ്രാമ പഞ്ചായത്ത് പ്രസിഡന്റ് സി.ചന്ദ്ര ബാബു നിർവഹിച്ചു. ഭൂതനാഥൻ കാവ് ക്ഷേത്രത്തിനു സമീപമാണ് ഉദ്ഘാടന ചടങ്ങുകൾ നടന്നത്. ബ്ലോക്ക് പഞ്ചായത്ത് പ്രസിഡന്റ് ജയശ്രീ പി സി, വാർഡ് മെമ്പർമാരായ ഷൈനി, ഉണ്ണിക്കുട്ടൻ, സഹകരണ സംഘം പ്രസിഡന്റ് മോഹൻദാസ്, ഗിരീശൻ നായർ,
അവനവഞ്ചേരി സ്കൂൾ ഗ്രൂപ്പ് ‘നിറവ്’ ലെ പ്രവർത്തകർ, അവനവഞ്ചേരി ഗവ ഹൈ സ്കൂളിലെ എസ് പി സി കേഡറ്റുകൾ തുടങ്ങിയയാർ പരിപാടിയിൽ പങ്കെടുത്തു.

കെ എസ് ഇ ബി അറിയിപ്പ്

by liji HP News | Jun 28, 2023 | Latest News, കേരളം, ജില്ലാ വാർത്ത

ബക്രീദ് പ്രമാണിച്ച് 28, 29 തീയതികളിൽ പൊതു അവധി പ്രഖ്യാപിച്ച സാഹചര്യത്തിൽ ഈ ദിവസങ്ങളിൽ ക്യാഷ് കൗണ്ടർ പ്രവർത്തിക്കുന്നതല്ലെന്നും ഓൺലൈൻ മാർഗ്ഗങ്ങളിലൂടെ ഉപഭോക്താക്കൾക്ക് പണമടയ്ക്കാവുന്നതാണെന്നും കെ.എസ്.ഇ.ബി അറിയിച്ചു

സംസ്ഥാനത്ത് ഇന്ന് സ്വർണവില കുറഞ്ഞു

by liji HP News | Jun 28, 2023 | Latest News, കേരളം, ജില്ലാ വാർത്ത

തിരുവനന്തപുരം: സംസ്ഥാനത്ത് ഇന്ന് സ്വർണവില കുറഞ്ഞു. നാല് ദിവസത്തിന് ശേഷമാണു സ്വർണവിലയിൽ ഇടിവുണ്ടാകുന്നത്. ഇന്നലെ സ്വർണവിലയിൽ മാറ്റമില്ലായിരുന്നു. ഇന്ന് ഒരു പവൻ സ്വർണത്തിന് 240 രൂപ കുറഞ്ഞു. ഇതോടെ വില രണ്ട് മാസത്തെ ഏറ്റവും കുറഞ്ഞ നിരക്കിലെത്തി. ഒരു പവൻ സ്വർണത്തിന്റെ ഇന്നത്തെ വിപണി വില 43,240 രൂപയാണ്. ഒരു ഗ്രാം 22 കാരറ്റ് സ്വർണത്തിന്റെ വില 30 രൂപ കുറഞ്ഞു. വിപണി വില 5405 രൂപയാണ്. ഒരു ഗ്രാം 18 കാരറ്റ് സ്വർണത്തിന്റെ വില 25 രൂപ കുറഞ്ഞു. വിപണി വില 4483 രൂപയാണ്.

കെ.എസ്.ടി.യു സായാഹ്ന ധർണ നടത്തി

by liji HP News | Jun 28, 2023 | Latest News, കേരളം, ജില്ലാ വാർത്ത

ആറ്റിങ്ങൽ: കെ.എസ്.ടി.യു വിദ്യാഭ്യാസ അധികൃതർക്ക് നൽകിയ അവകാശ പത്രികയിൽ ഉന്നയിച്ച ആവശ്യങ്ങൾക്ക് പരിഹാരം കാണണമെന്നാവശ്യപ്പെട്ടു കൊണ്ട് ആറ്റിങ്ങൽ ഉപജില്ലാ കെ.എസ്.ടി.യു വിന്റെ നേതൃത്വത്തിൽ സായാഹ്ന ധർണ നടത്തി. ആറ്റിങ്ങൽ എ.ഇ.ഒ ഓഫീസിന് മുന്നിൽ നടന്ന ധർണ്ണ മുസ്ലിം ലീഗ് ആറ്റിങ്ങൽ നിയോജക മണ്ഡലം പ്രസിഡൻറ് ഹാഷിം കരവാരം ഉദ്ഘാടനം ചെയ്തു.

മുസ്ലിംലീഗ് ആറ്റിങ്ങൽ നിയോജകമണ്ഡലം ജനറൽ സെക്രട്ടറി എ.പി.നിസാർ, കെ.എസ്‌.ടി.യു ജില്ലാ പ്രസിഡൻറ് ജമീൽ.ജെ, ജില്ലാ ജനറൽ സെക്രട്ടറി പ്രകാശ് പോരേടം, ശിഹാബുദ്ധീൻ, അക്ബർഷാ, ഹൻസീർ, സീനമോൾ.എം.എം സൽമ എച്ച്, ഷമീറ, ലുബിന, ബുഷ്റ, സുന്ദർലാൽ എന്നിവർ സംസാരിച്ചു

ക്വിസ് മത്സരം സംഘടിപ്പിക്കുന്നു

by liji HP News | Jun 28, 2023 | Latest News, കേരളം, ജില്ലാ വാർത്ത

കഴിഞ്ഞ പതിമൂന്ന് വർഷങ്ങളായി സബ് ജില്ലാ തലത്തിൽ കുന്നുവാരം യുപി എസിന്റെ ആഭിമുഖ്യത്തിൽ വായന വാരത്തോടനുബദ്ധിച്ച് നടന്ന് വരുന്ന പുസ്തക ക്വിസ് മത്സരം ഈ വർഷം (2023)ജൂൺ 30 വെള്ളിയാഴ്ച രാവിലെ 10.30 ന് കുന്നുവാരം യു പി എസിൽ വച്ച് നടത്തുന്നതാണ്. പ്രസ്തുത പരിപാടിയിൽ ആറ്റിങ്ങൽ സബ് ജില്ലയിലെ എല്ലാ വിദ്യാലയത്തിൽ നിന്നും യു പി വിഭാഗത്തിലെ ഒരു കുട്ടിയെ പങ്കെടുപ്പിക്കണമെന്ന് അഭ്യർത്ഥിക്കുന്നു.

പുസ്തകങ്ങൾ

1.കുഞ്ഞോമനയും മറ്റു ബാലകഥകളും
(ലളിതാംബിക അന്തർജനം) (മാമ്പഴം ഡി സി ബുക്ക്സ് പ്രസിദ്ധീകരണം)
2. കുഞ്ഞനിലയും ആൽമരവും (ദുർഗ മനോജ്) ചിന്താ പബ്ലിക്കേഷൻസ്
3.ചേക്കുട്ടി (സേതു) മാമ്പഴം ഡി സി ബുക്ക്സ്
4.അമ്മയും മകനും (മാധവിക്കുട്ടി ) (മാമ്പഴം ഡി സി ബുക്ക്സ്)
കൂടുതൽ വിവരങ്ങൾക്ക് 7012411981 ഈ നമ്പറിലോ 944666 4213 ഈ നമ്പറിലോ വിളിക്കുക.

വ്യാപാരിയെ തട്ടിക്കൊണ്ടുപോകാൻ ശ്രമിച്ച സംഭവത്തില്‍ പൊലീസുകാരൻ ഉൾപ്പെടെ രണ്ട് പേർ അറസ്റ്റിൽ

by liji HP News | Jun 28, 2023 | Latest News, കേരളം, ജില്ലാ വാർത്ത

തിരുവനന്തപുരം: കാട്ടാക്കടയിൽ വ്യാപാരിയെ തട്ടിക്കൊണ്ടുപോകാൻ ശ്രമിച്ച സംഭവത്തില്‍ പൊലീസുകാരൻ ഉൾപ്പെടെ രണ്ട് പേർ അറസ്റ്റിൽ. പൊലീസ് വേഷത്തിലെത്തി വിലങ്ങ് വച്ചാണ് തട്ടിക്കൊണ്ടുപോകല്‍ ശ്രമിച്ചത്. പൊലീസുകാരാനായ നെടുമങ്ങാട് സ്വദേശി വിനീത്, സുഹൃത്ത് അരുൺ എന്നിവര അറസ്റ്റ് ചെയ്തു.
സാമ്പത്തിക തട്ടിപ്പ് കേസിൽ വിനീത് സസ്പെൻഷനിലായിരുന്നു. ടൈൽസ് കട നടത്തി നഷ്ടത്തിലായ വിനീത് പണത്തിന് വേണ്ടിയാണ് വ്യാപാരി മുജീബിനെ തട്ടിക്കൊണ്ട് പോകാൻ ശ്രമിച്ചത്.

മറ്റൊരു പൊലീസുകാരന്റെ കാറാണ് തട്ടികൊണ്ട് പോകാൻ വാടകക്കെടുത്തത്. ഈ കാറും കാട്ടാക്കട പൊലീസ് കസ്റ്റഡിയിലെടുത്തിട്ടുണ്ട്. വാഹന പരിശോധനയ്ക്കെന്ന പേരിലാണ് കഴിഞ്ഞ ശനിയാഴ്ച രാത്രി പൊലീസ് വേഷത്തിലെത്തിയ പ്രതികള്‍ ഇലക്ട്രോണിക് സ്ഥാപന ഉടമയായ മുജീബിന്റെ കാർ കൈ കാണിച്ചു നിർത്തിയത്. കാർ നിർത്തിയ ശേഷം അക്രമികൾ മുജീബിന്റെ കാറിൽ കയറി കൈയിൽ വിലങ്ങ് ഇട്ട് ബന്ധിക്കുകയായിരുന്നു. പിന്നീട് പൊലീസ് സംഘം സ്ഥലത്തെത്തിയാണ് വിലങ്ങ് അഴിച്ച് മുജീബിനെ മോചിപ്പിക്കുകയായിരുന്നു.