by Midhun HP News | Jan 21, 2026 | Latest News, കേരളം
കൊച്ചി: ശബരിമല സ്വര്ണക്കൊള്ളക്കേസില് ദേവസ്വം ബോര്ഡ് മുന് പ്രസിഡന്റ് എ പത്മകുമാര് ഉള്പ്പടെ മൂന്ന് പ്രതികളുടെ ജാമ്യഹര്ജി ഹൈക്കോടതി തള്ളി. മുരാരി ബാബു, ബെല്ലാരിയിലെ സ്വര്ണ വ്യാപാരി ഗോവര്ധന് എന്നിവരുടെ ജാമ്യഹര്ജികളാണ് ജസ്റ്റിസ് എ ബദറൂദ്ദീന്റെ ബെഞ്ച് തള്ളിയത്.
രണ്ട് കേസുകളിലായാണ് മൂവരും ജാമ്യാപേക്ഷ നല്കിയത്. കേസിന്റെ വിധിപകര്പ്പ് പുറത്തുവന്നിട്ടില്ല. കേസില് ഇതുവരെ ഒരുപ്രതിക്കും ഹൈക്കോടതി ജാമ്യം അനുവദിച്ചിട്ടില്ല. പ്രതികള്ക്ക് ജാമ്യം നല്കുന്നതിനെ പ്രോസിക്യൂഷനും അന്വേഷണ സംഘവും എതിര്ത്തു. പ്രതികള്ക്കെതിരെ ഗൗരവമായ തെളിവുകളുണ്ടെന്നും അന്വേഷണം നിര്ണ്ണായക ഘട്ടത്തിലാണെന്നുമാണ് സര്ക്കാരിന്റെ വാദം.ശബരിമല സ്വര്ണ്ണക്കൊള്ളയില് എ പത്മകുമാറിനെ നവംബര് 20 നാണ് എസ് ഐ ടി അറസ്റ്റ് ചെയ്തത്. കട്ടിളപ്പാളിയിലെ സ്വര്ണ്ണം ഉണ്ണിക്കൃഷ്ണന് പോറ്റിക്ക് കൈമാറിയതില് പത്മകുമാര് അടങ്ങുന്ന ബോര്ഡിനും വീഴ്ചയുണ്ടായെന്ന കണ്ടെത്തലിന് പിന്നാലെയായിരുന്നു അറസ്റ്റ്.
by Midhun HP News | Jan 21, 2026 | Latest News, കേരളം
കൊച്ചി: സംസ്ഥാനത്ത് റെക്കോര്ഡുകള് ഭേദിച്ചുള്ള സ്വര്ണവിലയുടെ കുതിപ്പ് തുടരുന്നു. ഇന്നലെ മൂന്നു തവണകളായി പവന് 3,160 രൂപ വര്ധിച്ച സ്വര്ണവില ഇന്ന് രണ്ടു തവണകളായി 5480 രൂപയാണ് വര്ധിച്ചത്. 1,15,320 രൂപയാണ് ഒരു പവന് സ്വര്ണത്തിന്റെ പുതിയ വില.
മൂന്നാഴ്ചയ്ക്കിടെ പവന് വിലയില് 15000 രൂപയിലധികമാണ് വര്ധിച്ചത്. രണ്ടുദിവസത്തെ കണക്ക് നോക്കിയാല് ഏകദേശം 8500ലധികം രൂപയാണ് കൂടിയത്. ഗ്രാമിന് ഇന്ന് രണ്ടു തവണകളായി 685 രൂപയാണ് കൂടിയത്. 14,415 രൂപയാണ് ഒരു ഗ്രാം സ്വര്ണത്തിന്റെ പുതുക്കിയ വില.
ഡിസംബര് 23നാണ് സ്വര്ണവില ആദ്യമായി ഒരു ലക്ഷം കടന്നത്. അന്താരാഷ്ട്ര വിപണിയിലെ മാറ്റങ്ങളാണ് കേരളത്തിലെ സ്വര്ണ വിലയെ സ്വാധീനിക്കുന്നത്. ആഗോള വിപണിയില് നിലനില്ക്കുന്ന അസ്ഥിരത അടക്കമുള്ള ഘടകങ്ങളാണ് സ്വര്ണവിലയില് പ്രതിഫലിക്കുന്നത്.
ഗ്രീന്ലാന്ഡിന്റെ നിയന്ത്രണം സംബന്ധിച്ച് എതിരഭിപ്രായം പറയുന്ന യൂറോപ്യന് രാജ്യങ്ങളില് നിന്നുള്ള ഉല്പ്പന്നങ്ങള്ക്ക് മേല് കൂടുതല് തീരുവ ചുമത്തുമെന്ന അമേരിക്കന് പ്രസിഡന്റ് ഡോണള്ഡ് ട്രംപിന്റെ പ്രഖ്യാപനമാണ് വിപണിയില് അസ്ഥിരതയ്ക്കുള്ള പ്രധാന കാരണം. ഈ പശ്ചാത്തലത്തില് സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് ആളുകള് എത്തിയതാണ് വില ഇപ്പോഴും ഉയര്ന്നുനില്ക്കാന് കാരണം.
by Midhun HP News | Jan 21, 2026 | Latest News, കേരളം
പത്തനംതിട്ട: ശബരിമല സ്വര്ണക്കൊള്ള കേസിലെ ഇഡി റെയ്ഡ് പൂര്ത്തിയായി. മൂന്ന് സംസ്ഥാനങ്ങളിലായി 21 ഇടങ്ങളിലായിരുന്നു പരിശോധന. തിരുവിതാംകൂര് ദേവസ്വം ബോര്ഡ് ആസ്ഥാനത്ത് പരിശോധന 22 മണിക്കൂര് നീണ്ടു. ഇന്നലെ രാവിലെ ആറ് മണിയോടെ തുടങ്ങിയ പരിശോധന ഇന്ന് പുലര്ച്ചെ നാല് മണിയോടെയാണ് അവസാനച്ചത്.
സ്വര്ണക്കൊള്ള നടന്ന കാലയളവിലെ ബോര്ഡ് യോഗത്തിലെ മിനിറ്റ്സ്, ബാങ്ക് ഇടപാട് രേഖകള്, മരാമത്ത് വിഭാഗം നല്കിയ കരാറുകള് തുടങ്ങിയവ പരിശോധിച്ചു. ബോര്ഡ് ആസ്ഥാനത്തെ പരിശോധന മറ്റൊരു ദിവസം കൂടിയുണ്ടാവുമെന്നാണ് ഉദ്യോഗസ്ഥര്ക്ക് ഇഡി നല്കിയിരിക്കുന്ന സൂചന. സ്ട്രോങ് റൂമില് സൂക്ഷിച്ച ശ്രീകോവിലിന്റെ പഴയ വാതില് പാളികള് ഇന്നലെ പുറത്തെടുത്ത് പരിശോധിച്ചിരുന്നു. അതില്നിന്ന് ഇന്ന് സാമ്പിളുകള് ശേഖരിച്ച് വീണ്ടും ശാസ്ത്രീയ പരിശോധനയ്ക്ക് അയച്ചേക്കും. മറ്റിടങ്ങളിലെ പരിശോധനയും മണിക്കൂറുകള് നീണ്ടു.
കേസിലെ മുഖ്യപ്രതി ഉണ്ണികൃഷ്ണന് പോറ്റിയുടെ തിരുവനന്തപുരത്തെ പുളിമാത്തെ വീട്ടിലും മുന് ദേവസ്വം കമ്മീഷണറും ദേവസ്വം പ്രസിഡന്റുമായ എന് വാസുവിന്റെ തിരുവനന്തപുരം പേട്ടയിലെ വീട്ടിലും മുന് ദേവസ്വം ബോര്ഡ് പ്രസിഡന്റ് എ പത്മകുമാറിന്റെ ആറന്മുളയിലെ വീട്ടിലും സ്വര്ണവ്യാപാരി ഗോവര്ദ്ധന്റെ ബെല്ലാരിയിലെ വീട്ടിലും ഇ ഡി ഉദ്യോഗസ്ഥര് പരിശോധന നടത്തിയിരുന്നു.
ബംഗളൂരുവിലെ സ്മാര്ട്ട് ക്രിയേഷന്സ് ഓഫീസിലും പരിശോധന നടന്നു. പ്രതികളുടെ ആസ്തികള്, ബാങ്ക് അക്കൗണ്ട് വിവരങ്ങള് എന്നിവയാണ് പ്രധാനമായും പരിശോധിച്ചത്. ഇ ഡിയുടെ കൊച്ചി, കോഴിക്കോട്, ബെംഗളൂരു യൂണിറ്റുകള് ചേര്ന്നാണ് പരിശോധന നടത്തിയത്. റെയ്ഡില് സമാഹരിച്ച വിവരങ്ങള് പരിശോധിച്ചാകും അന്വേഷണത്തിന്റെ രണ്ടാം ഘട്ടം. എസ്ഐടി പ്രതികളാക്കിയവര്ക്ക് പുറമെ മന്ത്രിമാരടക്കം ഇഡി യുടെ ചോദ്യമുനയില് എത്തുമെന്നാണ് സൂചന.
by Midhun HP News | Jan 21, 2026 | Latest News, കേരളം
മലപ്പുറം: പുണ്യം തേടി നിളാ സ്നാനം നടത്താന് കേരളത്തിന്റെ കുംഭമേളയെന്ന് വിശേഷിപ്പിക്കുന്ന മഹാമാഘ മഹോത്സവത്തിലേക്ക് വിശ്വാസികളുടെ ഒഴുക്ക്. ഫെബ്രുവരി മൂന്നിന് കുംഭമേള അവസാനിക്കുന്നതുവരെ രാവിലെ നിളാ സ്നാനത്തിന് അവസരമുണ്ട്. ഗായത്രി ഗുരുകുലത്തിലെ അരുണ് പ്രഭാകറിന്റെ നേതൃത്വത്തില്, വേദ, മന്ത്ര ജപങ്ങളോടെയാണ് ഇന്നലെ നിളാ സ്നാനം നടന്നത്.
വിവിധ ദേശങ്ങളില് നിന്നെത്തിയവര് നിളയില് സ്നാനം ചെയ്തു. വൈകിട്ട് ദശാശ്വമേധ് ഘാട്ടിലെ പണ്ഡിറ്റുമാരുടെ നേതൃത്വത്തില് നിളാ ആരതിയും എല്ലാ ദിവസവും നടക്കുന്നുണ്ട്. വൈകിട്ട് പുഴയുടെ മധ്യഭാഗത്ത് ഒരുക്കിയ യജ്ഞശാലയ്ക്കു സമീപമാണ് നിളാ ആരതി നടക്കുന്നത്.
പല തട്ടുകളുള്ള വിളക്കുകള് ഉപയോഗിച്ചാണ് ആരതി. ഗംഗയെ ആരാധിക്കുന്നതു പോലെ ഭാരതപ്പുഴയെ ആരാധിക്കുകയാണ് ഇതുവഴി ചെയ്യുന്നത്. മോഹന്ജി ഫൗണ്ടേഷനാണ് പണ്ഡിറ്റുമാരെ എത്തിച്ചത്. കുംഭമേളയുടെ ഭാഗമായി തമിഴ്നാട്ടിലെ തിരുമൂര്ത്തി മലയില്നിന്ന് പുറപ്പെട്ട രഥയാത്ര നാളെ വൈകീട്ട് തിരുനാവായയിലെത്തും. ദേവതാ സങ്കല്പത്തോടെയുള്ള മഹാമേരുവുമായാണ് രഥം എത്തുന്നത്. പാലക്കാട് സംഘാടകസമിതി രഥയാത്ര സ്വീകരിക്കും. തുടര്ന്ന് പാലക്കാട്, തൃശൂര് ജില്ലകളിലെ വിവിധ കേന്ദ്രങ്ങളില് സ്വീകരണം നല്കിയ ശേഷമാണ് തിരുനാവായയിലെത്തുന്നത്. നാളെ രാവിലെ സൂര്യഗണപതി പൂജയും നടക്കും. എല്ലാ ദിവസവും രാവിലെ ഗണപതി ഹോമവും വൈകീട്ട് ഭഗവത്സേവയും നടക്കുന്നുണ്ട്. പൊലീസ് ഇവിടെ വന് സുരക്ഷയാണ് ഏര്പ്പെടുത്തിയിരിക്കുന്നത്.
by Midhun HP News | Jan 21, 2026 | Latest News, കേരളം
കൊച്ചി: സംസ്ഥാനത്ത് റെക്കോര്ഡുകള് ഭേദിച്ചുള്ള സ്വര്ണവിലയുടെ കുതിപ്പ് തുടരുന്നു. ഇന്നലെ മൂന്നു തവണകളായി പവന് 3,160 രൂപ വര്ധിച്ച സ്വര്ണവില ഇന്ന് 3680 രൂപയാണ് കൂടിയത്. 1,13,520 രൂപയാണ് ഇന്ന് ഒരു പവന് സ്വര്ണത്തിന്റെ വില. ഗ്രാമിന് ആനുപാതികമായി 460 രൂപയാണ് വര്ധിച്ചത്. 14,190 രൂപയാണ് ഒരു ഗ്രാം സ്വര്ണത്തിന്റെ വില.
ഡിസംബര് 23നാണ് സ്വര്ണവില ആദ്യമായി ഒരു ലക്ഷം കടന്നത്. അന്താരാഷ്ട്ര വിപണിയിലെ മാറ്റങ്ങളാണ് കേരളത്തിലെ സ്വര്ണ വിലയെ സ്വാധീനിക്കുന്നത്. ആഗോള വിപണിയില് നിലനില്ക്കുന്ന അസ്ഥിരത അടക്കമുള്ള ഘടകങ്ങളാണ് സ്വര്ണവിലയില് പ്രതിഫലിക്കുന്നത്. ഗ്രീന്ലാന്ഡിന്റെ നിയന്ത്രണം സംബന്ധിച്ച് എതിരഭിപ്രായം പറയുന്ന യൂറോപ്യന് രാജ്യങ്ങളില് നിന്നുള്ള ഉല്പ്പന്നങ്ങള്ക്ക് മേല് കൂടുതല് തീരുവ ചുമത്തുമെന്ന അമേരിക്കന് പ്രസിഡന്റ് ഡോണള്ഡ് ട്രംപിന്റെ പ്രഖ്യാപനമാണ് വിപണിയില് അസ്ഥിരതയ്ക്കുള്ള പ്രധാന കാരണം. ഈ പശ്ചാത്തലത്തില് സുരക്ഷിത നിക്ഷേപം എന്ന നിലയില് സ്വര്ണത്തിലേക്ക് കൂടുതല് ആളുകള് എത്തിയതാണ് വില ഇപ്പോഴും ഉയര്ന്നുനില്ക്കാന് കാരണം.
by Midhun HP News | Jan 21, 2026 | Latest News, കേരളം
കൊച്ചി: രാഹുല് മാങ്കൂട്ടത്തില് എംഎല്എയ്ക്കെതിരെ ഗുരുതര ആരോപണങ്ങളുമായി ആദ്യ ബലാത്സംഗ കേസിലെ പരാതിക്കാരിയുടെ സത്യവാങ്മൂലം. തന്റെ നഗ്നവീഡിയോ ചിത്രീകരിച്ചെന്നും പ്രതിക്ക് മുന്കൂര് ജാമ്യം ലഭിച്ചാല് ദൃശ്യങ്ങള് പരസ്യമാകുമെന്ന് ഭയമുണ്ടെന്നും പരാതിക്കാരിയുടെ സത്യവാങ്മൂലത്തില് പറയുന്നു. ആദ്യ ബലാത്സംഗ കേസില് രാഹുല് മാങ്കൂട്ടത്തിലിന്റെ മുന്കൂര് ജാമ്യാപേക്ഷ ഇന്ന് വീണ്ടും ഹൈക്കോടതി പരിഗണിക്കാനിരിക്കേയാണ് പരാതിക്കാരി സത്യവാങ്മൂലം സമര്പ്പിച്ചത്.
നേമം പൊലീസ് രജിസ്റ്റര് ചെയ്ത ആദ്യ കേസില് രാഹുലിന്റെ മുന്കൂര് ജാമ്യാപേക്ഷ സെഷന്സ് കോടതി തളളിയിരുന്നു. ഇതിനെതിരെയാണ് രാഹുല് ഹൈക്കോടതിയെ സമീപിച്ചത്. കേസില് രാഹുലിന്റെ അറസ്റ്റ് ഹൈക്കോടതി തടഞ്ഞിരുന്നു. എന്നാല് മൂന്നാമത്തെ ബലാത്സംഗ കേസില് രാഹുല് അറസ്റ്റിലായ വിവരമടക്കം ഇന്ന് അന്വേഷണ സംഘം ഹൈക്കോടതിയെ അറിയിക്കും. രാഹുലിന് ജാമ്യം നല്കിയാല് കേസിലെ സാക്ഷികളെയടക്കം സ്വാധീനിക്കാന് ഇടയുണ്ടെന്ന നിലപാടാവും അന്വേഷണ സംഘം കോടതിയില് സ്വീകരിക്കുക.
രാഹുല് നടത്തിയ പത്തോളം പീഡനങ്ങളെ കുറിച്ച് അന്വേഷണ സംഘത്തിന് വിവരമുണ്ടെന്നും ഇതില് ഒരാള് പ്രായപൂര്ത്തിയാവാത്ത പെണ്കുട്ടിയാണെന്നും യുവതി പറയുന്നു. രാഹുല് സാഡിസ്റ്റാണ്. തന്നെ രാഹുല് പലതവണ ബലാത്സംഗം ചെയ്തു. രാഹുല് മാങ്കൂട്ടത്തില് ഗര്ഭച്ഛിദ്രത്തിന് നിര്ബന്ധിച്ചു. വീഡിയോ കോളിലൂടെ താന് ഗുളിക കഴിച്ച് ഗര്ഭച്ഛിദ്രം നടത്തി എന്ന് രാഹുല് കൃത്യമായി ഉറപ്പുവരുത്തിയെന്നും പരാതിക്കാരിയുടെ സത്യവാങ്മൂലത്തില് പറയുന്നു.
തന്നെ പല സ്ഥലങ്ങളില് കൊണ്ടുപോയി ഉപദ്രവിച്ചു. രാഹുല് ലൈംഗിക വൈകൃതമുള്ള ആളാണ്. രാഹുലിന് ജാമ്യം കൊടുത്താല് തെളിവ് നശിപ്പിക്കുമെന്നും തനിക്കെതിരെ പ്രവര്ത്തിക്കുമെന്നും യുവതി പറയുന്നു. രാഹുലിന്റെ ഫോണില് തന്നെ നഗ്ന വിഡിയോ ഉണ്ട്. ജാമ്യം കിട്ടിയാല് തന്റെ സ്വകാര്യ ദൃശ്യങ്ങള് പുറത്തുവരുമോ എന്ന് ആശങ്ക ഉണ്ടെന്നും യുവതി പറയുന്നു.
Recent Comments