കിഡ്സ് കരാട്ടെ ലീഗ്; ആറ്റിങ്ങൽ കരാട്ടെ ടീമിന് തകർപ്പൻ വിജയം

by Midhun HP News | Nov 14, 2022 | Latest News, കേരളം, ജില്ലാ വാർത്ത

തിരുവനന്തപുരം ജിമ്മി ജോർജ് ഇൻഡോർ സ്‌റ്റേഡിയത്തിൽ ജപ്പാൻ കരാട്ടെ ഡോ നബുക്കാവ ഹ ഷിറ്റോറിയൂ കായിക കേരള സംഘടിപ്പിച്ച കിഡ്സ് കരാട്ടെ ലീഗിൽ 44 സ്വർണ്ണവും 19 വെള്ളിയും 45 വെങ്കലവും ഉൾപ്പടെ 108 മെഡലുകൾ നേടി ആറ്റിങ്ങൽ കരാട്ടെ ടീം ഓവറാൾ ചാമ്പ്യന്മാരായി. 22 സ്വർണ്ണവും 13 വെള്ളിയും 12 വെങ്കലവും ഉൾപ്പടെ 47 മെഡലുകൾ നേടിയ ആലപ്പുഴ ഡ്രാഗൺ വേ കരാട്ടെ അക്കാഡമി ഒവറാൾ രണ്ടാം സ്ഥാനവും 9 സ്വർണ്ണവും 17 വെള്ളിയും 35 വെങ്കലവും ഉൾപ്പടെ 61 മെഡലുകൾ നേടിയ പോത്തൻകോട് ജെ കെ എൻ എസ് കെ ഓവറാൾ മൂന്നാം സ്ഥാനവും നേടി.

ലീഗിൻ്റെ ഭാഗമായി നടന്ന 10000 രൂപ ക്യാഷ് അവാർഡ് ഉള്ള 8 ഇനങ്ങളിൽ നാലിലും ചാമ്പ്യന്മാരാകാനും ആറ്റിങ്ങൽ കരാട്ടെ ടീം താരങ്ങൾക്കായി. പതിനഞ്ച് വയസ് വരെയുള്ള പെൺകുട്ടികളുടെ ഓപ്പൺ കത്തയിൽ അലീന അസീം, പതിനേഴ് വയസു വരെയുള്ള പെൺകുട്ടികളുടെ ഓപ്പൺ കത്ത, കുമിത്തെ ഇനങ്ങളിൽ അവനി സുനിൽ, പതിനേഴ് വയസ് വരെയുള്ള ആൺകുട്ടികളുടെ ഓപ്പൺ കുമിത്തെയിൽ ദേവസൂര്യ എന്നിവരാണ് 10000 രൂപ ക്യാഷ് അവാർഡ് നേടിയ ആറ്റിങ്ങൽ കരാട്ടെ ടീം താരങ്ങൾ.

സംസ്ഥാന സ്കൂൾ ശാസ്ത്രമേളയിൽ ആറ്റിങ്ങൽ ഗവണ്മെന്റ് ഗേൾസ് ഹയർ സെക്കന്ററി സ്കൂളിന് മൂന്നാം സ്ഥാനം

by Midhun HP News | Nov 14, 2022 | Latest News, കേരളം, ജില്ലാ വാർത്ത

സംസ്ഥാന സ്കൂൾ ശാസ്ത്രമേളയിൽ ആറ്റിങ്ങൽ ഗവണ്മെന്റ് ഗേൾസ് ഹയർ സെക്കന്ററി സ്കൂളിന് മൂന്നാം സ്ഥാനം. എറണാകുളത്ത് നടന്ന സംസ്ഥാന ശാസ്ത്രമേളയിൽ വർക്ക്‌ എക്സ്പീരിയൻസിൽ ഏറ്റവും മികച്ച മൂന്നാമത്തെ സ്കൂളിനുള്ള ഓവറോൾ കിരീടം ആറ്റിങ്ങൽ ഗവണ്മെന്റ് ഗേൾസ് ഹയർ സെക്കന്ററി സ്കൂൾ കരസ്ഥമാക്കി. ഹയർ സെക്കന്ററി വിഭാഗത്തിൽ ഒന്നാം സ്ഥാനവും ആറ്റിങ്ങൽ ഗവ. ഗേൾസ് ഹയർ സെക്കന്ററി സ്കൂൾ നേടി. മേളയിൽ ഹയർ സെക്കന്ററി സ്റ്റഫ് ടോയ്‌സ്, നാച്ചുറൽ ഫൈബർ എന്നീ ഇനങ്ങളിൽ യഥാ ക്രമം ദിയ സുഹാസ്, സാജിദ എന്നിവർക്ക് ഒന്നാം സ്ഥാനവും, ഹൈസ്കൂൾ വിഭാഗം പാഴ് വസ്തുക്കൾ കൊണ്ടുള്ള ഉൽപ്പന്നങ്ങളിൽ അശ്വതി അനിലിന് രണ്ടാം സ്ഥാനവും ലഭിച്ചു. പങ്കെടുത്ത എല്ലാവരും A ഗ്രേഡോടെ മികച്ച വിജയം നേടി.

അഴൂരില്‍ നെഹ്‌റു ജയന്തി ആഘോഷിച്ച് കോണ്‍ഗ്രസ്

by Midhun HP News | Nov 14, 2022 | Latest News, കേരളം, ജില്ലാ വാർത്ത

നവഭാരത ശില്പി പണ്ഡിറ്റ് ജവഹര്‍ലാല്‍ നെഹ്‌റുവിന്റെ 133-ാം ജന്മദിനാഘോഷ പരിപാടികളുടെ ഭാഗമായി ഇന്ന്‌ കോണ്‍ഗ്രസ് പെരുങ്ങുഴി, അഴൂര്‍ മണ്ഡലം കമ്മിറ്റികളുടെ നേതൃത്വത്തില്‍ പെരുങ്ങുഴി മാര്‍ക്കറ്റ്‌ ജംഗ്‌ഷന്‍, അഴൂര്‍ മാര്‍ക്കറ്റ്‌ ജംഗ്‌ഷന്‍ എന്നിവിടങ്ങളില്‍ നെഹ്‌റു ജന്മദിന അനുസ്മരണവും, പുഷ്പാര്‍ച്ചനയും നടത്തി. പരിപാടികള്‍ ഡി.സി.സി ജനറല്‍ സെക്രട്ടറി അഡ്വ. എസ്.കൃഷ്ണകുമാര്‍ ഉദ്ഘാടനം ചെയ്തു. അഴൂരില്‍ നടന്ന പരിപാടിയില്‍ ബിജു ശ്രീധര്‍, പെരുങ്ങുഴിയില്‍ നടന്ന പരിപാടിയില്‍ എ.ആര്‍ നിസാര്‍ എന്നിവര്‍ അധ്യക്ഷത വഹിച്ചു.

നേതാക്കളായ വി.കെ. ശശിധരന്‍, ജി.സുരേന്ദ്രന്‍, മാടന്‍വിള നൗഷാദ്, കെ.ഓമന, എസ്. ജി. അനില്‍കുമാര്‍, ജയാ സജിത്ത്, എസ്.മധു, ശോഭാ വിജയന്‍, രാജന്‍ കൃഷ്ണപുരം, അനുരാജ്, അബ്ദുല്‍ റഷീദ് തുടങ്ങിയവര്‍ പങ്കെടുത്തു.

കിളിമാനൂർ ചൂട്ടയിൽ ബൈക്ക് അപകടത്തിൽ യുവാവ് മരണപ്പട്ടു

by Midhun HP News | Nov 14, 2022 | Latest News, കേരളം, ജില്ലാ വാർത്ത

കിളിമാനൂർ: ചൂട്ടയിൽ ജമാ അത്തിന് എതിർവശം ഞായറാഴ്ച രാത്രി ഏകദേശം 10:40 ഓടെ ബൈക്ക് അപകടത്തിൽ യുവാവ് മരണപ്പട്ടു. രാലൂർക്കാവു പുതുശ്ശേരി വിളാകത്ത് വീട്ടിൽ സിബിൻ.എസ്.ആർ(25) ആണ് മരിച്ചത്.
പിതാവ്: സ്വാമിദാസ് .എം
അമ്മ: രാജേശ്വരി.ജി.എസ് (അംഗനവാടി ടീച്ചർ, രാലൂർക്കാവ്)
സഹോദരൻ: സിജിൻ.എസ്.ആർ

കത്ത് വിവാദത്തിൽ കേസെടുത്ത് അന്വേഷണം നടത്തണമെന്ന് ക്രൈംബ്രാഞ്ച് ശുപാര്‍ശ

by Midhun HP News | Nov 14, 2022 | Latest News, കേരളം, ജില്ലാ വാർത്ത

തിരുവനന്തപുരം: മേയറുടെ വിവാദ കത്തിൽ കേസെടുത്ത് അന്വേഷിക്കണമെന്ന ക്രൈം ബ്രാഞ്ചിൻ്റെ റിപ്പോർട്ട് ഇന്ന് ഡിജിപിക്ക് കൈമാറും. സംഭവത്തിലെ വസ്തുത കണ്ടെത്താൻ കേസെടുത്ത് അന്വേഷിക്കണമെന്നാണ് പ്രാഥമിക അന്വേഷണം നടത്തിയ എസ്പി മധുസൂദനൻ്റെ ശുപാർശ. തൻ്റെ പേരിൽ പ്രചരിക്കുന്ന കത്ത് വ്യാജമെന്നാണ് മേയറുടെ മൊഴി. കേസിൽ നിര്‍ണായക തെളിവായ കത്തിൻ്റെ യഥാർത്ഥ പകർപ്പ് കണ്ടെത്താൻ അന്വേഷണ സംഘത്തിന് ഇതുവരെ കഴിഞ്ഞിട്ടില്ല. അതിനാൽ കേസെടുത്ത് അന്വേഷിക്കണമെന്നാണ് ശുപാർശ.

ശിശുദിന സെൽഫി മത്സരം ആറ്റിങ്ങൽ ഭീമയിൽ

by Midhun HP News | Nov 14, 2022 | Latest News, കേരളം, ജില്ലാ വാർത്ത

ആറ്റിങ്ങൽ ഭീമ ജുവലറിയിൽ ശിശുദിന സെൽഫി മത്സരം സംഘടിപ്പിക്കുന്നു.
സ്വർണ്ണാഭരണങ്ങൾ ധരിച്ച നിങ്ങളുടെ കുട്ടികളുടെ സെൽഫി ക്ലിക്ക് ചെയ്ത് 7356479336 എന്ന നമ്പറിലേക്ക് വാട്ട്‌സ്ആപ്പ് ചെയ്യുക. മികച്ച സെൽഫിയ്ക്ക് അവാർഡ് നൽകും.

ഒന്നാം സമ്മാനം – 20 ഗ്രാം വെള്ളി നാണയം

രണ്ടാം സമ്മാനം – 10 ഗ്രാം വെള്ളി നാണയം

മൂന്നാം സമ്മാനം – 5 ഗ്രാം വെള്ളി നാണയം

കൂടുതൽ വിവരങ്ങൾക്ക് ബന്ധപ്പെടുക:

ഭീമ ജുവലറി
ആറ്റിങ്ങൽ
mob: 9020188777