പതിനാറുകാരിയെ പീഡിപ്പിച്ചു ഗർഭിണിയാക്കിയ കേസിൽ പള്ളി വികാരി അറസ്റ്റിൽ

by Midhun HP News | Sep 17, 2022 | Latest News, കേരളം, ജില്ലാ വാർത്ത

ചെന്നൈ: പതിനാറുകാരിയെ പീഡിപ്പിച്ചു ഗർഭിണിയാക്കിയ കേസിൽ ക്രിസ്ത്യൻ പുരോഹിതൻ അറസ്റ്റിൽ. തമിഴ്നാട് മഹാബലിപുരത്താണ് സംഭവം. ചെങ്കൽപേട്ട് ജില്ലയിൽ അനാഥാലയം നടത്തിയിരുന്ന ചാർളി(58)യാണ് അറസ്റ്റിലായത്.
ഇയാളുടെ അനാഥാലയത്തിൽ താമസിച്ചിരുന്ന പ്രായപൂർത്തിയാകാത്ത പെൺകുട്ടിയെ ചാർളി പീഡിപ്പിക്കുകയായിരുന്നു. നിരന്തര പീഡനത്തെ തുടർന്ന് പെൺകുട്ടി ഗർഭിണിയായി. ഇതറിഞ്ഞതോടെ ചാർളി മുങ്ങുകയായിരുന്നു.

ഗർഭിണിയാണെന്ന വിവരമറിഞ്ഞതോടെ വിവാഹം കഴിക്കാമെന്നു പറഞ്ഞു പെൺകുട്ടിയെ വിശ്വസിപ്പിച്ചു. തുടർന്ന് രാജമംഗലത്തെ ഒരു സ്ത്രീയുടെ വീട്ടിൽ കൊണ്ടാക്കി. പ്രസവ ശേഷം കൊണ്ടു പോകാമെന്നായിരുന്നു പെൺകുട്ടിയെ പറഞ്ഞു വിശ്വസിപ്പിച്ചത്.
എന്നാൽ മാസങ്ങൾ കഴിഞ്ഞിട്ടും പുരോഹിതൻ തിരികെ വന്നില്ല. ഫോണിൽ ബന്ധപ്പെടാനും സാധിക്കാത്തതിനെ തുടർന്ന് മഹാബലിപുരം പോലീസിൽ പെൺകുട്ടി പരാതി നൽകുകയായിരുന്നു. ഇയാൾ അനാഥാലയത്തിലുള്ള മറ്റു കുട്ടികളെ ഉപദ്രവിച്ചിട്ടുണ്ടോയെന്നും പോലീസ് അന്വേഷിച്ചു വരുന്നു.

മാതാ അമൃതാനന്ദമയിയെ സന്ദർശിച്ച് കോൺഗ്രസ് നേതാവ് രാഹുൽ ഗാന്ധി

by Midhun HP News | Sep 17, 2022 | Latest News, കേരളം, ജില്ലാ വാർത്ത

കൊല്ലം: മാതാ അമൃതാനന്ദമയിയെ സന്ദർശിച്ച് കോൺഗ്രസ് നേതാവ് രാഹുൽ ഗാന്ധി. ഭാരത് ജോഡോ യാത്രയുടെ ഭാ​ഗമായി കൊല്ലത്തെത്തിയപ്പോഴായിരുന്നു രാഹുലിൻറെ സന്ദർശനം.
രാത്രി എട്ടരയോടെ രാഹുൽ അമൃതപുരിയിലെ മാതാ അമൃതാനന്ദമയി മഠത്തിലെത്തി. 45 മിനിറ്റോളം അമൃതാനന്ദമയിയുമായി കൂടിക്കാഴ്ച നടത്തി. എഐസിസി ജനറൽ സെക്രട്ടറി കെ. സി വേണുഗോപാൽ, കെപിസിസി അധ്യക്ഷൻ കെ. സുധാകരൻ, പ്രതിപക്ഷ നേതാവ് വി ഡി സതീശൻ, രമേശ് ചെന്നിത്തല എന്നിവരും രാഹുൽ ഗാന്ധിക്കൊപ്പമുണ്ടായി.

വ്യക്തിഗത ആനുകൂല്യങ്ങൾക്ക് അപേക്ഷ ക്ഷണിച്ചു

by Midhun HP News | Sep 16, 2022 | Latest News, കേരളം, ജില്ലാ വാർത്ത

ചിറയിൻകീഴ് ബ്ലോക്ക് പഞ്ചായത്തിന്റെ പരിധിയിലുള്ള അഞ്ചുതെങ്ങ്, ചിറയിൻകീഴ്, കടയ്ക്കാവൂർ, കിഴുവിലം, മുദാക്കൽ, വക്കം എന്നീ ഗ്രാമ പഞ്ചായത്തുകളിലെ ഗുണഭോക്താക്കളിൽ നിന്നും ദേശീയ ഗ്രാമീണ തൊഴിലുറപ്പ് പദ്ധതി പ്രകാരം നടപ്പിലാക്കുന്ന വ്യക്തിഗത ആനുകൂല്യങ്ങൾക്കായി അപേക്ഷ ക്ഷണിച്ചു. ആട്ടിൻകൂട്, കോഴിക്കൂട് , കാലിത്തൊഴുത്ത്, കിണർ, ഫാംപോണ്ട്, അസോള ടാങ്ക്നിർമ്മാണം, തീറ്റപ്പുൽകൃഷി തുടങ്ങിയവ നിർമ്മിക്കുന്നതിനുള്ള അനുകൂല്യങ്ങൾക്കായി 31 ന് മുൻപായി ബ്ലോക്ക് പഞ്ചായത്ത് ഓഫീസിൽ അപേക്ഷ സമർപ്പിക്കണം.

ഗ്രീൻ സ്കൂൾ ക്യാമ്പയിനുമായി വൈ എൽ എം യു പി എസ്സിലെ ഓസോൺ ദിനാഘോഷം

by Midhun HP News | Sep 16, 2022 | Latest News, കേരളം, ജില്ലാ വാർത്ത

സെപ്റ്റംബർ 16 ഓസോൺ ദിനം വ്യത്യസ്തമാർന്ന പരിപാടികളോടെ ആഘോഷിച്ചു. ഓസോൺ പാളിയുടെ സംരക്ഷണവുമായി ബന്ധപ്പെട്ട ബോധവൽക്കരണം വ്യത്യസ്തമാർന്ന പരിപാടികളിലൂടെ കുട്ടികളിലേക്ക് എത്തിക്കുന്നതിന് സ്കൂളിലെ സയൻസ് ക്ലബ്‌ നേതൃത്വം നൽകി. ക്ലാസ്സ്‌ മുറികളും പരിസരവും പച്ച പിടിപ്പിക്കുക എന്ന ഉദ്ദേശ ലക്ഷ്യത്തിൽ ഗ്രീൻ സ്കൂൾ ക്യാമ്പയിൻപദ്ധതി ഹെഡ്മിസ്ട്രെസ് ബിനു ഷെറീന ഉദ്ഘാടനം ചെയ്തു. ഓസോൺ ദിന ഗാനം, ഫ്ലാഷ് മോബ് എന്നീ പരിപാടികളിലൂടെ ഓസോൺ പാളിയുടെ പ്രാധാന്യം കുട്ടികളിലേക്ക് എത്തിക്കാൻ കഴിഞ്ഞു. സ്റ്റാഫ്‌ സെക്രട്ടറി അൽത്താഫ് ചടങ്ങിന് കൃതജ്ഞത അർപ്പിച്ചു.

പാഠപുസ്തക വിതരണം അവതാളത്തിൽ ; കെപിഎസ്റ്റിഎ

by Midhun HP News | Sep 16, 2022 | Latest News, കേരളം, ജില്ലാ വാർത്ത

സ്കൂൾ തുറന്ന് രണ്ടാം ടേം ആരംഭിച്ചിട്ട് ആഴ്ചകൾ പിന്നിടുമ്പോൾ ജില്ലയിലെ സ്കൂളുകളിൽ പാഠപുസ്തക വിതരണം പൂർത്തിയാക്കാൻ കഴിയാത്തത് സ്കൂളുകളിലെ പഠനപ്രവർത്തനങ്ങൾ അവതാളത്തിലാക്കുമെന്ന് കെപിഎസ്ടിഎ ജില്ലാകമ്മിറ്റി ആരോപിച്ചു. കിഫ്ബി ഫണ്ടുപയോഗിച്ച് നിർമിച്ച സ്കൂളിൽ കുട്ടികളുടെ എണ്ണം വർധിച്ചിട്ടും പുതിയ തസ്തികകൾ അനുവദിക്കാത്തത് അത്തരം സ്കൂളുകളിൽ നിലവാരത്തകർച്ചക്ക് ഇടനൽകുമെന്നും പൊതുവിദ്യാഭ്യാസ സംരക്ഷണ യജ്ഞത്തിൻ്റെ പേരിൽ മേനി നടിക്കുന്ന സർക്കാർ ഈ വിഷയങ്ങളിൽ അടിയന്തിരമായി ഇടപെടണം എന്നും യോഗം ആവശ്യപ്പെട്ടു.

ജില്ലാ പ്രസിഡൻ്റ് നെയ്യാറ്റിൻകര പ്രിൻസ് അധ്യക്ഷത വഹിച്ച യോഗം സംസ്ഥാന പ്രസിഡൻ്റ് വട്ടപ്പാറ അനിൽകുമാർ ഉദ്ഘാടനം ചെയ്തു. സംസ്ഥാന വൈസ് പ്രസിഡൻ്റ് എൻ. രാജ്മോഹൻ, സംസ്ഥാന സെക്രട്ടറി അനിൽ വെഞ്ഞാറമൂട്, പ്രദീപ് നാരായണൻ, ജിനിൽ ജോസ്, ബിജു തോമസ്, ജെ. സജീന, ആർ. ശ്രീകുമാർ, സി.ആർ ആത്മകുമാർ, ജില്ലാസെക്രട്ടറി എൻ.സാബു, ജില്ലാ ട്രഷറർ എ.ആർ. ഷമീം എന്നിവർ സംസാരിച്ചു.

ഓസോൺ ദിനാഘോഷം സംഘടിപ്പിച്ച് പേരൂർ എംഎംയുപി സ്കൂൾ

by Midhun HP News | Sep 16, 2022 | Latest News, കേരളം, ജില്ലാ വാർത്ത

പേരൂർ എം എം യു പി സ്കൂളിൽ സയൻസ് ക്ലബ്ബിന്റെ നേതൃത്വത്തിൽ ഓസോൺ ദിനാഘോഷം നടന്നു. അസംബ്ലിയിൽ കുട്ടികൾക്കായി ഓസോൺദിന സന്ദേശവും, പ്രതിജ്ഞയും, ബോധവൽക്കരണവും നടത്തി. “ഓസോൺ പാളി ഭൂമിയുടെ രക്ഷാകവചം” എന്ന വിഷയത്തിൽ കുട്ടികൾക്കായി പോസ്റ്റർ രചനാ മത്സരവും സംഘടിപ്പിച്ചു. ഇതോടനുബന്ധിച്ച് പോസ്റ്റർ പ്രദർശനവും, ഓസോൺ പാളിയുടെ പ്രാധാന്യം ഉൾക്കൊള്ളുന്ന വീഡിയോ പ്രദർശനവും നടന്നു.