by liji HP News | Jul 26, 2022 | Latest News, കേരളം, ജില്ലാ വാർത്ത
തിരുവനന്തപുരം: ഡ്രൈവിങ് ലൈസൻസ് ടെസ്റ്റിനിടെ യുവതിയോട് മോശമായി പെരുമാറിയെന്ന പരാതിയിൽ വെഹിക്കിൾ ഇൻസ്പെക്ടറെ സസ്‌പെൻഡ് ചെയ്തു. പത്തനാപുരം സബ് റീജണൽ ഓഫീസിലെ ഇൻസ്പെക്ടറും കേരള മോട്ടോർ വെഹിക്കിൾ ഡിപ്പാർട്ടുമെന്റ് ഗസറ്റഡ് ഓഫീസേഴ്‌സ് അസോസിയേഷൻ ജനറൽ സെക്രട്ടറിയുമായ എ.എസ്. വിനോദിനെതിരേയാണ് നടപടി.
മുഖ്യമന്ത്രിക്ക് യുവതി പരാതി നൽകിയതിനെത്തുടർന്നുനടന്ന അന്വേഷണത്തിൽ ഉദ്യോഗസ്ഥന്റെ ഭാഗത്തുനിന്ന്‌ വീഴ്ച സംഭവിച്ചതായി കണ്ടെത്തിയിരുന്നു. കൊല്ലം എൻഫോഴ്‌സ്‌മെന്റ് ആർ.ടി.ഒ. എച്ച്. അൻസാരി, കൊട്ടാരക്കര
ജോ. ആർ.ടി.ഒ. റീജ, തിരുവനന്തപുരം സൗത്ത് സോൺ ഡി.ടി.സി. ഓഫീസിലെ ജോ. ആർ.ടി.ഒ. എസ്. സ്വപ്‌ന എന്നിവരുടെ നേതൃത്വത്തിലുള്ള അന്വേഷസംഘം മൊഴിയെടുത്തിരുന്നു. ഇവർ നൽകിയ റിപ്പോർട്ടിന്റെ അടിസ്ഥാനത്തിലാണ് ട്രാൻസ്‌പോർട്ട് കമ്മിഷണറുടെ നടപടി. പത്തനാപുരം പോലീസും കേസെടുത്തിട്ടുണ്ട്. കഴിഞ്ഞ 19-ന് പട്ടാഴി വടക്കേക്കര ചെളിക്കുഴിയിൽ ഡ്രൈവിങ് ടെസ്റ്റ് നടക്കവേ കാറിനുള്ളിൽവെച്ച് ലൈംഗികാതിക്രമം ഉണ്ടായെന്നാണ് പരാതി. ഈ സമയത്ത് യുവതിയും ഇൻസ്പെക്ടറും മാത്രമാണ് കാറിലുണ്ടായിരുന്നത്.
JUST IN
by Midhun HP News | Jul 26, 2022 | Latest News, കേരളം, ജില്ലാ വാർത്ത
കിളിമാനൂർ: ആസിഡ് ഉള്ളിൽ ചെന്ന് തിരുവനന്തപുരം മെഡിക്കൽ കോളേജ് ആശുപത്രിയിൽ ഗുരുതരാവസ്ഥയിൽ ചികിത്സയിലിരുന്ന യുവാവ് മരിച്ചു. കിളിമാനൂർ കാനാറ സ്വദേശി ഷൈജുവാണ് മരണപ്പെട്ടത്.
by liji HP News | Jul 26, 2022 | Latest News, കേരളം, ജില്ലാ വാർത്ത
പാലക്കാട്: പട്ടാമ്പിയില്‍ ഗൃഹനാഥനെ വീട്ടില്‍ നിന്ന് വിളിച്ചിറക്കി കൊലപ്പെടുത്തിയ കേസില്‍ ഒരാള്‍ അറസ്റ്റിലായി. ചെർപ്പുളശ്ശേരി സ്വദേശി മുഹമ്മദാലിയാണ് അറസ്റ്റിലായത്. വിവാഹം നടത്തി തരാമെന്ന് പറഞ്ഞ് പണം തട്ടിയതിന്‍റെ വിരോധത്തിലാണ് കൊലപാതകമെന്ന് പൊലീസ് പറ‌ഞ്ഞു.
കൊപ്പം വണ്ടുംന്തറയിൽ കടുകതൊടി അബ്ബാസ് ആണ് കുത്തേറ്റ് മരിച്ചത്. ഇന്ന് പുലർച്ചെ 6.30 നായിരുന്നു സംഭവം. അബ്ബാസിനെ വീടിന് പുറത്തേക്ക് വിളിച്ച് വരുത്തി മാരകായുധം ഉപയോഗിച്ച് കുത്തുകയായിരുന്നുവെന്നാണ് പറയുന്നത്. ആശുപത്രിയിൽ എത്തിച്ചെങ്കിലും മരണം സംഭവിച്ചു.
by liji HP News | Jul 26, 2022 | Latest News, കേരളം, ജില്ലാ വാർത്ത
തിരുവനന്തപുരം: സംസ്ഥാനത്ത് ഇന്ന് സ്വർണവില കുറഞ്ഞു. രണ്ട് ദിവസം മാറ്റമില്ലാതെ തുടർന്ന സ്വർണവിലയാണ് ഇന്ന് ഇടിഞ്ഞത്. ശനിയാഴ്ച ഒരു പവൻ സ്വർണത്തിന് 400 രൂപ വർധിച്ചിരുന്നു. ഇന്ന് 280 രൂപയാണ് കുറഞ്ഞത്. ഇതോടെ ഒരു പവൻ സ്വർണത്തിന്റെ ഇന്നത്തെ വിപണി വില 37,240 രൂപയായി.
ഒരു ഗ്രാം 22 കാരറ്റ് സ്വർണത്തിന്റെ വില 35 രൂപ കുറഞ്ഞു. ശനിയാഴ്ച 50 രൂപ ഉയർന്നിരുന്നു. 18 കാരറ്റ് സ്വർണത്തിന്റെ വില 30 രൂപ കുറഞ്ഞു. ഒരു ഗ്രാം 18 കാരറ്റ് സ്വർണത്തിന്റെ വിപണി വില 3845 രൂപയാണ്. സംസ്ഥാനത്ത് വെള്ളിയുടെ വിലയിൽ മാറ്റമില്ല. ഹാൾമാർക്ക് വെള്ളിയുടെ വില ഒരു ഗ്രാമിന് 90 രൂപയാണ്. ഒരു ഗ്രാം സാധാരണ വെള്ളിയുടെ വില 62 രൂപയാണ്.
by Midhun HP News | Jul 25, 2022 | Latest News, കേരളം, ജില്ലാ വാർത്ത
ചിറയിൻകീഴ്: ഗ്രാമപഞ്ചായത്തിലെ 60 വാണിജ്യ സ്ഥാപനങ്ങളിൽ ആകസ്മിക പരിശോധന നടത്തിയതിൽ 15 വാണിജ്യ സ്ഥാപനങ്ങളിൽ നിന്നും 100 കിലോ നിരോധിത പ്ലാസ്റ്റിക് ഉൽപ്പന്നങ്ങൾ പിടിച്ചെടുക്കുകയും വലിയകടയിൽ വൃത്തിഹീനമായ സാഹചര്യത്തിൽ പ്രവർത്തിച്ച ബേക്കറി & റെസ്റ്റോറന്റിന് പിഴ ചുമത്തുകയും ചെയ്തു. പിടിച്ചെടുത്ത പ്ലാസ്റ്റിക് ഉല്പന്നങ്ങൾ ഗ്രാമ പഞ്ചായത്ത് ഹരിതകർമ്മസേനയ്ക്ക് കൈമാറി.
തിരുവനന്തപുരം പഞ്ചായത്ത് ഡെപ്യൂട്ടി ഡയറക്ടർ ഷാജി ബോൺസലെ, മനോജ് ജൂനിയർ സൂപ്രണ്ട്, അൻസാരി ( സീനിയർ ക്ലർക്ക് ) ചിറയിൻകീഴ ഗാമപഞ്ചായത്ത് പ്രസിഡന്റ് പി. മുരളി, സെക്രട്ടറി ബിന്ദുലേഖ. എസ്, ജൂനിയർ സൂപ്രണ്ട് ശ്രീരേഖ, വി.ജയകുമാർ ( സീനിയർ ക്ലർക്ക്) ക്ലർക്കുമാരായ സുജിത്ത് കുമാർ.എസ്. കെ.ബി ഭജേഷ്കുമാർ, എന്നിവർ ഉൾപ്പെടുന്ന ടീം പരിശോധന നടത്തിയത്.
by Midhun HP News | Jul 25, 2022 | Latest News, കേരളം, ജില്ലാ വാർത്ത
തിരുവനന്തപുരം: തോന്നയ്ക്കൽ ആശാന്‍
സ്മാരകത്തിൽ മുഖ്യമന്ത്രിയുടെ സന്ദർശനത്തോടനുബന്ധിച്ച് അറസ്റ്റ് ചെയ്ത് കരുതൽ തടങ്കലിൽ വെച്ച ശേഷം ജാമ്യം അനുവദിച്ച് പുറത്തിറങ്ങിയ കുമാരനാശാന്‍ 150-ാം ജന്മദിനാഘോഷ കമ്മിറ്റി വൈസ് ചെയര്‍മാന്‍ കൂടിയായ
ഡി.സി.സി ജനറല്‍ സെക്രട്ടറി അഡ്വ. എസ്. കൃഷ്ണകുമാറിന്
കോൺഗ്രസ് പ്രവർത്തകർ സ്വീകരണം നല്‍കി. സ്വീകരണ പരിപാടിക്ക് കോണ്‍ഗ്രസ് മണ്ഡലം പ്രസിഡന്റുമാരായ കഠിനംകുളം രാജു, സഫീര്‍, സി.എച്ച്. സജീവ്, ബിജു ശ്രീധര്‍, ജോഷിബായി കോണ്‍ഗ്രസ് നേതാക്കളായ ജോളി പത്രോസ്, മോനി ശാര്‍ക്കര,കെ.ഓമന, എ.ആര്‍.നിസാര്‍, എസ്.ജി.അനില്‍കുമാര്‍, മനോജ് മോഹന്‍, ആന്റണി ഫിനു, അജു കൊച്ചാലുംമൂട് തുടങ്ങിയവര്‍ നേതൃത്വം നല്‍കി.
Recent Comments